🥀خبايا الزمن 🥀
#بارت-11...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀
وصل ليل
عند صفاء
يلاه دخلات طه ينعس دخلات للبيت تنعس تاهي حاسة براسها عيان حيت ليوم بكات بزااف.. شوية سمعات لباب تحل و الهضرة لتحت.. ناضت من بلاصتها هبطات و هو يبان ليها معتز و معاه واحد الراجل قدو فالعمر مبتاسم..
طارق: مكاينش السلام فبلادكم؟
ختمها بغمزة و هي تعصبات غرغرو عينيها و طلعات و خلاتهم..
معتز: دخل ا صاحبي ! انا نمشي نشوفها..
طارق حرك راسو بآه و تاجه لداخل جلس فالصالون و هز تيليكوموند شاعل التلفازة تيقلب فيها..
اما معتز دخل لعندها كانت حابسة الدمعة و معاجبهاش الحال
معتز: صفاء! ياك لباس؟ ياك كنتي بغيتي تشوفيه ها طارق جبتو حتال عندك شنو باغا مزال علاش جيتي و مسلمتيش عليه؟
صفاء بدات تتبكي و تتشهق تجمع عليها كلشي مقدراتش تتحمل كثر..
صفاء: انا شنو بالنسبة ليك؟ هئ هئ هئ غير قل ليا انا شنو؟؟ علاااش تتعتابرني بلي مكايناش فهاد العالم؟ بلي غير وخدة زايدة فهاد الدار...هئ هئ .. حتى من سمير متيديرش هكاك مع ماريا لي متيبغيهاش و لكن حيت مراتو محتارمها و هاز بيها قدام الناس هئ هئ..(بصوت مخنوق) اما نتا دايرني بحالا مكايناش ماسحني من حياتك غير هاد الدار لي تتجمعنا و تاشي حاجة خرا..
معتز: متقوليش هكاك!( قرب منها و هز ليها راسها) نتي مراتي و مامات ولدي.. نتي هي مولات هاد الدار و مستحيل نهينك ولا نقس منك.. انا مخبيتش عليك بلي طارق رجع غير مجابتهاش الهضرة باش نقولها ليك.. هادشي لي كاين..(خنزر فيها) و عمرك تعاودي تقارنيني بسمير!!! حيت انا ماشي سمير!!! انا معتز..
جرها لعندو معنقها.. فالبيت لي جنبهم ناض طه من النعاس باش يمشي لكوزينة يشرب مغمض عينيه حتى عيط ليه طارق..
طارق: كونان!! منعستيش؟
طه دار لعندو غير بان ليه طارق و هو يقندش
طارق: مغتسلمش؟
طه مكره تاجه لعندو و سلم عليه: كنت غير بغيت نشرب!
طارق: اممم! تيقتك(و هضر بهمس معاه) شنو بان ليك نتفرجو؟
طه فرح و حرك راسو بآه: بغيت نتفرج ف
طارق قاطعو: كونان ياك؟ عرفت عرفت!! ههههه
طارق شعكك ليه شعرو و عطاه تيليكوموند: يلاه دير لينا كونان لي باقي ملقاش العصابة!!
طه خنزر فيه: كونان ذكي!!
طارق غمزو: داكشي علاش تنعيط عليك بيها !
و بداو تيتفرجو حتى طه داه النعاس و هو متكي على طارق.. صفاء هبطات و هي تشوفهم ابتاسمات و معتز غير تيشوف ساكت..
طارق: صافي تفشيتي؟ مغادي تعاودي تبكي؟
معتز: طارق!!!
طارق: هاهو ساكت (دار يدو على فمو)
صفاء: نهزو نديه لبيتو باش ينعس..
معتز: غير خليك انا غنديه!!
أنت تقرأ
خبايا الزمن
Mystery / Thrillerتقديم 🙋🏻♀️جيت ليوم و جايبة ليكم الجديد قصة جديدة لي نتمنى تنال الاعجاب ديالكم🥰🥰 من بعد نجاح قصتنا "حب نتيجة خطأ طبي" قررنا نكتبو قصة جديدة بجوج بعنوان: ⏳خبايا الزمن⏳ بقلم: Lay Lã & Sarah Sarrita القصة ما طويلة ما قصيرة لكن تتجمع بين 💥#الحب �...
