خبايا الزمن

الجزء 374

خبايا الزمن 🥀
#بارت-374...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

هيثم بحدة: نتي بالذات مدخليييش..

سمير جعر و دفعها تلاح على هيثم دخل فيه براس: متهضرش معاها هكاك!!!
شاذية شدات سمير: سمير!!! ماما ماتت لتحت عامر بالناس واش نت مريض..
هيثم بدا تيضحك: شنو زعما؟ صحاب ليك غادي نغمض عيني على شنو درتي لختي ؟

شاذية غير سمعاتو شنو قال بلعات ريقها.. خافتو يقول لسمير شي حاجة..

سمير بعصبية: غمض عينك ولا حلها شغلك هاداك! نت اخر واحد يدخل بيني و بينها..
رؤيا بتعب: عفاكم باراكة!!

بجوجهم شافو فيها مخنزرين و نظرااتهم ليها كلها عتاب.. زعما شوفي لفين موصلانة.. حسات بتأنيب الضمير ديال بصح و هي تهضر بحرقة..

رؤيا علات صوتها: انااا السباااب! انا السباااب فكلشي هادشي لي بااااغين تسمعوه؟؟ كن غير مت و تهنيت.. (شافت فهيثم) من نهار مشيتي و خليتيني و انا حاسة بالذنب!! عمرني مشفت النهار زوين.. انا السباب فكلشي.. (تتهضر و هي تتبكي) انا بغيت سمير من كل قلبي و حتى كنا غادي نتزوجو نت مشيتي.. و حيت عطيتك وعد مقدرتش نوافق على زواجي منو و نت مكاينش.. لا فغيابك ارتاحيت ولا ملي عاودتي بنتي فحياتي.. تتلومني علاش انا درت هكا؟ و نت علاش مشيتي و خليتيني؟ ها؟ انا عمرني ملمتك.. و الا كان شي حد غالط فأنا!! انا ماشي سمير..هو عرض عليا الزواج فاش يلاه هجرتينا.. انا حيت بغيتك تكون حاضر و فجنبي رفضت نتزوج به و نت ممعاياش.. بغيتك تشوفني عروسة، بغيتك تفرح معايا، بغيتك توقف معايا بحال كيفما ديما عودتيني!! ياك باغي تلومني.. انا عطيتك وعد و بسباب هاد الوعد انا غلطت و لكن انا مستحيل نندم على شنو درت (مسحات دموعها) عرفتي علاش؟ حيت هاداك كان احلى غلط فحياتي.. طه ولدي تنبغيه كثر من راسي و كثر منك حتى نت.. و انا غادي نتزوج بسمير بغيتي ولا كرهتي مبقيتيش تتهمني.. حيت ليوم فهمت بلي غير صورتك لي تتهمك ماشي انا.. غير رجع منين جيتي حيت مبقيت باغة نشوفك مزااال..

غير كملات هضرتها خرجات و خلاتهم سمير فرح بزااف حيت و اخيرا غادي يتزوجو.. هيثم تنتر منهم و هو فقمة العصبية.. معجبوش الحال شنو قالت ليه رؤيا هو فعلا كان باغي يشوفها عروسة و لكن بالنسبة ليه هادا ماشي سبب باش تغلط مع سمير يخليها حاملة..

هيثم بتهديد: هادشي مستحيل يدوز بالساهل!! و انا غادي ندوقك من نفس الكاس!!

تيهضر و تيشوف فشاذية ليه مهبطة عينيها و شادة فسمير.. رؤوف رد البال لنظرات هيثم لشاذية..

رؤوف تيهضر و تيراقب ملامح ديال شاذية: الا تتقصد شاذية! فمستحيل هادشي يوقع.. شاذية معندهاش القلب..

شاذية بلعات ريقها.. سمير زير على يديه معاجبوش هضرة ديال رؤوف..

سمير: شنو تتخور نت هنايا؟
هيثم غمزو: كلشي قريب..

خرج من تماك و خلاهم تبعو عبدالعزيز و كلشي خرج شاذية شافت فرؤوف لقاتو تيشوفها بشك..

رؤوف: فين كنتي لبارح؟
يوسف: كانت مع هيثم ..
سمير شاف فيها مخنزر: واش بصح؟
شاذية بلعات ريقها و دغية رجعات ليها الابتسامة: وقتاش تتسولوني قين كنت؟ ها؟

غير كملات هضرتها بغات تخرج شدها سمير من يديها و دفعها بعنف غير تيخنزر..

سمير: خليوني مع ختي!!

كلشي خرج بقاو غير بجوج..

سمير زير على دراعها: واش وقعات شي حاجة بينك و بينو؟
شاذية تنترات منو: شنو هاد الحاجة لي وقعات؟
سمير: شاذية! راه لحد الآن مصبر راسي غير بزز
شاذية تتشوف فيه و هي تبتاسم: شنو غادي دير؟ الا مثلا حتى انا و هيثم
سمير صرفقها و شدات حنكها تتضحك: هيثم تيصرفق حسن منك..
سمير بعصبية: واش قاصك؟
شاذية تتكذب عليه: انا حاملة.. من هيثم.. (بتحدي) شنو ناوي دير؟ حتى هو باغي يتزوج بيا.. غادي تقول لا؟
سمير صافي جن جنونو: الا كنتي ناوية ضحكي فهادشي مفيهش الضحك..
شاذية: سمير! عندك حياتك و بعيدة عليا هادي سنين.. و اصلا فحياتي كاملة فين عمرك كنت تتصرف معايا كأخ؟ واش دابا لي غادي تكون فحنبي؟ سنين و حنا متنشوفوش بعض.. و اصلا عمرك اعتابرتيني اخت ولا انا اعتبرتك اخ.. فبلاما تمثل عليا.. بقا بعيد و انا نبقى بعيدة..
سمير بنفاذ صبر: شاااذية..

#يتبع