خبايا الزمن

الجزء 327

خبايا الزمن 🥀
#بارت-327...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

رؤيا جاتها هيستيرية ديال البكا و تتحاول تشد فيهم باش يخليو سارة لكن والو حتى شدوها.. و هي تتنتر ليهم و تتغوت ربي يخلقها.. حتى حلقها بح و دموعها نشفو مقادراش تيق بلي صديقتها و ختها ماتت و مقتولة.. واحد البوليسي متاقش بشنو تدير و صحاب ليه غير مسرحية باش تنجو و تحيد عليها الشكوك فبقى غير تيخنزر فيها..

البوليسي بطنز: بقا فيك الحال دابا؟ صافي حتى قتلتي البنت؟
رؤيا شافت فيه بدهشة: كيفاش؟
البوليسي: اجيو مينطو ليا هادي! نعرفو علاش قتلاتها!
رؤيا تتحرك راسها بلا بهستيريا: أنا ماشي قتالة سولوها! هي تقول ليكم!! انا ماشي قتالة؟
البوليسي بطنز: شنو بغيتينا نسولو وحدة ميتة؟ ولا غادي ديري فيها حمقة باش تفكي؟
رؤيا غير مصدومة: شنو تتقول؟ هاديك ختي!!! كيفاش نقدر نآديها؟
البوليسي: يلاه دخلوها و سكتوها!!
رؤيا بالغوات: انا ماشي قتاااااالة.. اناااااا مدرررررت وااااالوووو..

ولا واحد شاف فيها ولا حتى سمع منها.. قلبها فيه جوج حرقات.. حرقة ديال موت صاحبتها لي فمثابة ختها، و حرقة ديال مستقبالها و حياتها لي غادي تمشي فالحبس..

نهاية لفلاش باك **

رؤيا تتشوف فيهم دايين هيثم و بدات تتبكي بحرقة، طه بقات فيه و هو يمشي عنقها..

طه: متبكيش الا كان بريء غادي يخرج..
رؤيا: انا مدرت والو و تحبست!! و لعشر سنين.. خويا مشا فيها..

رؤيا مشعرات حتى سخفات

أما عند معتز
دموعو نشفو من كثر البكا.. صوتو بح من كثرة النواح!! صافي حس براسو مات.. و رسالة ديالها هي لي قتلاتو كانت بمثابة سهم لي داخل لقلبو.. كن قراها قبل يعني فالوقت لي كانت باقة حية، يمكن كان غادي يتخلى على كلشي على قبلها، ينسى خطط ديالو ينسى كلشي.. معتز بزز باش داتو عينو و ناعس فالأرض ديال البالكو و معنق الرسالة.. و فحلمو ظهرات سارة..

**الحلم
حل عينيه لقاها جالسة حداه و تتشوف فالسما..

سارة: شحال زوينة الدنيا.. سعداتك باقي عايش.. تتقدر تنفس، تحس (دارت شافت فيه) تحب و تبني عائلة..
معتز بحزن: سمحيليا! انا السباب..
سارة بهدوء: سمحت ليك ولا لا شنو غيتبدل ؟ واش غادي نرجع بيناتكم؟
معتز هبطات ليه دمعة: عفاك أ سارة سمحيليا انا مكنتش عارف.. مكنتش عارف بلي حتى نتي تتبغيني..
سارة بهدوء قاتل: و هانتا عرفتي شنو غيتبدل؟
معتز بندم: كنت غادي نلغي كلشي على قبلك، حياتي كانت غادي تكون معاك غير نتي..
سارة مبتاسمة: مضحكش على راسك ا معتز! تاشي حاجة مكانت غادي تبدل نت هو نت.. و لكن كن اختاريتيني انا ماشي مخططاتك كنتي فلخر غادي يتنادم معاك الحال.. بالضبط بحال دابا، على الأقل خسرتيني و هاكا شفتي المخطط ديالك نجح.. و شفتي راسك واش فعلا هادشي يستاهل ولا لا..
معتز دموعو تيهبطو و تيحس بقلبو محطم: سارة! تاشي حاجة متستاهل نضيعك.. انا قتلتك.. بسبابي متي..
سارة ببرود: نت درتي بزااف! قتلتيني و دخلتي رؤيا للحبس، خليتيها تعاني من فقدان ولدها و حرمتيها منو ربيتيه و كذبتي على صفاء و استغليتي ماريا باش تفرق بين رؤيا و سمير.. و هادشي كامل لاش؟ ها هما دابا صفاء تتموت، سمير باح! رؤيا خدات طه.. و نت معندك تاشي قوة.. نت ولاشي !! وااااالووووو
معتز: انا درت بآخر جملة نطقتيها طبقتها..
سارة شافت فيه بدون ملامح: كن عرفتك غادي تآدي رؤيا لهاد الدرجة مستحيل تسمعها مني

معتز هبطو ليه الدموع مد يدو غير قاسها اختفات من قدامو و هو ينوض..

نهاية الحلم***

معتز: انا السباب فكلشي.. خاصني ندير شي حاجة.. ميمكنش

مسح دموعو و ناض من بلاصتو هز تيليفون لقا بزااف ديال ليزابيل من المشفى تخلع و غير دخل ليميساج عرف شنو وقع و خرج من الدار تيجري.. و عيط ليهم باش يطمن على صفاء..

#يتبع