خبايا الزمن

الجزء 318

خبايا الزمن 🥀
#بارت-318...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

طه خاصو يشعل تيليفون بأي طريقة.. و الا كان تيليفون خاسر ديك الساعة الحل الوحيد هو..

طه بهمس: البصمات! خاص نعرفو جميع البصمات.. ولا الكارط ديال تيليفون..

طه حط تيليفون فجيبو و كمل لقرايا ديال ديك السبورة.. فالأعلى كاتب الخطة "أ" (الأسهل)

بقا تيقرا تماك و تيحاول يفهم لكن والو.. كيفاش خطة "أ".. و بقا تيقرى مكتوب فواحد البلاصة.. "أمنية سارة تحققات".. طه راسو عمر مبقى فاهم والو.. خرج من داك البيت و تاجه للبيت الثاني.. بقى معاه حتى تحل.. و هو يدخل، و تماك مفاجأة خرى..

كانت سبورة مقسومة على جوج، خطة "أ" و خطة "ب".. و دابا عاد فهم، طه غير مصدوم.. واش فعلا هاد الشخص هو باه لي رباه؟ واش فعلا هو لي دار هاد الخطط؟ واش فعلا هادا هو السبب؟ مستحيل يكون معتز هو هادا.. جبد رسالة سارة من جيبو و بدا تيقرا فيها..

"عزيزي و حبيبي معتز،
ليوم انا فرحانة بزااف حيت متأكدة من المشاعر ديالي، انا ليوم غادي نهضر و نقول بثقة كبيرة بلي تنبغيك و تنحماق عليك، كيفاش تتعامل معايا و كيفاش تتخاف عليا.. نت فعلا رجل ديال المواقف الصعبة..

ولكن براافو، حيت فنفس الوقت ممثل بارع، انا كيفاش انخدعت بك؟ انا بغيت واحد لي نت خلقتيه.. واحد معتز لي راجل بمعنى الكلمة.. اما معتز ديال بصح هو واحد خواف منافق متيفكر الا فراسو.. و حاطط خطط فقط باش يولي أقوى واحد باش يكون فوق السلطة.. و كيفاش تتشوفني؟ وحدة لي معندها باش تفيدك حيت عائلتها ماشي عضو ف"البيگدو"..

و لكن مستحيل نخلي رؤيا طعم ليك.. رؤيا لسمير و سمير لرؤيا.."

بقى غير تيشوف فداكشي لي كتبات.. "انا كيفاش انخدعت بك؟"، "حاطط خطط فقط باش يولي أقوى واحد باش يكون فوق السلطة"، "فنفس الوقت ممثل بارع،"...

طه بحالا ولات تتوضاح ليه كثر.. شخصية ديال سارة، سارة بغات معتز بزااف.. و كيفما اي بنت تتبغي شي حد، تتبغي تتعرف عليه كثر.. و سارة ماشي بحال رؤيا لي كانت نية! لا، هي تتخدم عقلها.. جاوها شكوك فمعتز الشخص لي بغاتو، و قررات تكتاشف و تبع شكوكها.. لكن اكتاشفات الخطط ديالو.. كيفاش اكتاشفات هادشي؟ طه معارفش، و لكن بطريقة أو بأخرى تتكتاشف كلشي.. يعني سارة اكتاشفاتو.. و هي تكتب الرسالة ناوية تعطيها ليه لكن مقدراتش لدرجة كتبات بزااف ديال الرسائل، و على الأغلب حتى رؤيا غادي تكون عارفة شنو كاين.. حيت هي و سارة قراب بزااف، و داكشي علاش رؤيا خلات ليه الوراق و البواطة و الساروت.. حيت بغاتو يعرف.. رؤيا كن مقراتش الرسالة مكانتش غادي تخليها ليه.. هاكا فكر طه..

و لكن السؤال لي مدوخو.. واش فعلا معتز قتل سارة؟ و على قبل سبب سخيف بحال هادا؟ بسباب الخطط ديالو متفشلش؟ و علاش الخطط توحدة فيهم مكمل فيها؟

طه فنفسو: هادشي و عرفتو ! حتى داكشي لاخر غادي نعرفو.. و حتى القاتل لي باقي خارج..(بحقد) خاصو يدخل للحبس و عمرو ميشوف ضو مزال!! و انا بنفسي غادي نحرص على هادشي..

تاجه للباب.. و هو يشد الرسالة ديال سارة و لصقها فالثلاجة بواحد المغناطيس..

طه مبتاسم بطنز: واخا معطلة الرسالة وصلات..

#يتبع