خبايا الزمن

الجزء 275

خبايا الزمن 🥀
#بارت-275...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

نرجعو لعند رؤيا
مبتاسمة حيت شافت ولدها جالسة حدا طه من جهة و سمير جالس حداه من الجهة لخرى.. سمير تيشوف فيهم بجوج اقرب اشخاص على قبلو عائلتو لي يقدر يدير على قبلهم اي حاجة.. هاد الطابلو هو لي كان باغي يشوفو.. هو، رؤيا و طه.. ماشي ولدو مع معتز و صفاء..

سمير شاف فالساعة: يلاه ا طه! نمشيو..

طه حرك راسو بآه و رؤيا عبسات

رؤيا: شنو تدير؟ واش غادي تاخد ليا ولدي؟ غادي نديه خاصو يكون معايا انا لي مو..

طه غير تيشوف فيهم..

سمير: غدا غنجيبو فنفس الساعة باش تشوفيه
رؤيا بعصبية: لا! غادي نديه معايا! راه ولدي انا لي ولدتو انا لي تعدبت عليه.. نت فين كنتي؟ دوي..
سمير زير على يديه بحدة: رؤيا!

سمير دار ليها اشارة لطه..

سمير: هادا ماشي لا الوقت ولا المكان لي نهضرو فيه على هادشي..

طه غير تيشوف فيهم

رؤيا: علاش باغي تديه! هو راه ولدي.. نت حياتك كلها و هو معاك.. انا من نهار ولدتو و انا محرومة منو.. مشفتو حتى و هو تيكبر قدامي..
سمير تنهد: راه مغاديش نحرمك منو و انا باغيه يبعد من تماك و لكن ماشي هاكا.. ماشي بهاد الطريقة.. اصلا جايبو لهنا و بالتخبية بحالا تنشفر..
رؤيا بغضب: عائلتك هي السباب فهادشي كامل.. نساو بلي هو ولدي.. تيهمهم غير الانتقام.. قتلو ليا عائلتي مكفاهمش هادشي..
سمير بحدة: رؤيا باراكة..

ناض من بلاصتو و نوضها من تماك و خرجو برات الكوخ.. و خلاو طه غير جالس و تيحلل فشنو قالت.. "قتلو ليا عائلتي مكفاهمش هادشي"..

طه فنفسو: علاش قالت هاكاك؟ واش غير حيت كانت معصبة؟ و لا حيت فعلا متيقة هادشي؟ شنو باقي كاين؟

طه عقلو خدام غير تيسجل كلشي تصرفات رؤيا و علاقتها بسمير و هضرتها.. و حتى كيفاش تيتعامل معاها سمير.. و تيحلل هادشي واش يقدر يفيدو باش يعرف هوية القاتل ولا لا؟

اما قدام الكوخ
سمير مخنزر فرؤيا و هي مقابلها بتخنزيرة..

سمير: شنو هادشي تتقوليه قدامو؟ راه باقي صغير؟
رؤيا: شنو باغي تخبي عليه بلي عائلتك قتالة مجرمين؟ باغي تخبي عليه بلي ناويين يردوه بحالهم؟
سمير بغضب: مستحيل نخليه يولي هاكاك و نتي عارفة هادشي كيفما هو ولدك و تتخافي عليه فراه ولدي (بحدة) عمرك تنساي هادشي!!
رؤيا: انا مغاديش نخليه تماك.. كلا نهار تنحط راسي على المخدة تنتخايلهم تيقتلو الناس قدامو ولا حتى تيعلموه يقتل الناس..

طه ناض من بلاصتو و قرب من الباب ديال الكوخ و سمع رؤيا شنو قالت..

سمير: تيقي فيا بلي عمرني نسمح بشي حاجة هاكا..
رؤيا: غير قل ليا كيفاش غادي دير؟ خاصو يبقى معايا! على الأقل ميشوف والو..
سمير تنهد: انا اكثر واحد باغيه يبقى معاك ا رؤيا.. واش انا عاجبني الحال ملي تنشوف العائلة كلها كاينة فالقصر؟ و حتى ولدي وسطهم..

طه بعد من حدا الباب و رجع جلس فبلاصتو.. تيبلع ريقو.. فاش تيتفكر الأيام لي دوزها مع شاذية..

***فلاش باك
أحداث من الجزء 136

طه زير على يديه لي شاد منها الفردي و موجهة جهة الكارد و تيقلب بعينيه شنو يقدر يديه أما شادية فرحات و بدات تتحسب..

شاذية: 1، 2،

#يتبع