خبايا الزمن

الجزء 326

خبايا الزمن 🥀
#بارت-326...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

سمير: ماماك باقة !؟
طه: مشات!
سمير: يلاه أ ولدي عاود ليا.. تنسمع..
طه تيتشكى: هي دغيا تتعصب و تتبقى تغوت بالجهد.. و انا مشفرتش قالت ليا شفار!
سمير: رؤيا تعصبات حيت مبغاتكش تكون بحال الناس لي تياخد حوايج لخرين دون استأذان! واش بغيتي تفيق شي نهار و تلقى البيسي ديالك مكاينش ولا شي حد خداه ليك؟ بلا اذنك؟
طه: لا!
سمير: داكشي لي مبغيتيش الناس يديروه ليك حتى نت مديروش ليهم.. يعني الا بغيتي شي حاجة خود الاذن عاد خدها صافي؟ متافقين؟
طه: واخا!
سمير: و دابا قل ليا و بلاما تكذب حيت غادي نعرف.. فين مشيتي؟
طه: مشيت لدار بابا!
سمير زير على يديه: و علاش؟
طه تيكذب: سمعت بلي الكل فخطر و بغيت نعرف واش هما وقعات ليهم شي حاجة..
سمير: مع الأسف الأغلبية حالتهم خطيرة.. و لكن معتز بيخير موقع ليه والو..
طه: و ماما؟
سمير: هي غير مريضة شوية و لكن غادي تعالج..
طه: بغيت نشوفها..
سمير: دابا متيخليوش الدراري الصغار غير تولي حسن غادي تشوفها هادا وعد مني! صافي..
طه بلع ريقو: صافي واخا..
سمير: متعاودش دير هادشي لي درتي ليوم صافي؟
طه: اوكي!!
سمير: عطيني نهضر مع ماماك..

طه خرج من جناحو و دخل عند رؤيا لي كانت فالبالكو مخنزرة مد ليها تيليفون خداتو من عندو و قطعات على سمير..

طه ببراءة: لا راه بغا يهضر معاك!!
رؤيا: باباك كلشي عارف بلي مات.. متقول لتاشي حد بلي باقي عايش و تنهضرو معاه.. مفهوم؟
طه: و علاش؟
رؤيا: على هادشي لي درتي ليوم كعقاب مغادي نقول ليك والو و دابا سير تنعس..
طه غير تيخنزر فيها..

رؤيا بعصبية: كولني بعينيك!!! يلاااه!! النعاااس..
طه بغضب: مفياش النعاس!!

صبح الصباح بنهار جديد،
نبداوه من المشفى

و بالضبط من غرفة صفاء لي حالتها زادت تكفسات من مورا داكشي لي دار ليها هيثم.. عيطو للبوليس و من خلال الكاميرات، عرفو بلي هيثم مول الفعلة فغير عرفوه شكون خرجات مذكرة ديال اعتقالو.. و فنفس الوقت علمو معتز لي مجاوبهمش فخلاو ليه ميساج بشنو وقع.. و ماشي غير هادشي تاهمو هيثم بلي هو يقدر يكون ورا الفاجعة لي صابت العائلة.. و حتى الفيديو ديال شاذية جاب ليهم الشكوك لكن بشي طريقة تشفر الدليل من عندهم الشي لي خلاهم مستحيل يلقيو القبض عليها..

و مع الصباح جاو البوليس لقصر ديال عبدالعزيز كانو تيفطرو.. حتى دخلات عندهم حفيظة..

حفيظة بتوثر: البوليس جاو!
رؤيا وقفات بتوثر: ك كيفاش علاش ؟ انا مدرت والو؟!
هيثم شد ليها فيديها: متخافيش! انا كاين دابا!

طه غير تيشوف و خايف فنفس الوقت..

حفيظة: تيسولو عليك أ ولدي..
هيثم ناض مبتاسم: مرحبا! الحبس للرجال!!
رؤيا شداتو من دراعو: فين غادي؟ (شافت فعبدالعزيز) خالي دير شي حاجة! (شافت فحفيظة) قولي ليهم مكاينش..

حفيظة يلاه غادة لعندهم و هو يحبسها هيثم..

هيثم: بلاش! انا غادي نمشي نشوفهم.. خالي.. نت سير لعند محسن شوفو كيف بقا..

رؤيا عينيها تغرغرو: هيثم! عفاك متمشيش!!
هيثم بتاسم: عاوتاني الدراما؟

تمشى و خرج لعندهم..

البوليسي: هيثم علوان؟
هيثم حل دراعو مبتاسم: هو شخصيا!!
رؤيا غير تتشوف فيهم دارو ليه المينوط و رجعات بيها الذاكرة لور..

***فلاش باك
قبل 11 عام

يوم الحادثة، رؤيا بوحدها فالدار و تتبكي و تتشهق سارة طايحة فالأرض جثة هامدة حتى جاو البوليس و لونبيلونص.. دخلو للدار و هي غيو مصدومة و تتبكي.. قرب المسعف ليا ك تيفحص فيها و هو يهضر بحزن..

مسعف: مع الأسف ماتت!!

رؤيا زادت بكات و تتنخصص و البوليس قرب ليها تيسولوها و هي غير تتشوف فسارة لي خداوها و حطوها فكيس اسود ديال الأموات و سدو عليها..

رؤيا بالغوات: لا لا اا!!! لا لا لاااااا!!! عفاكم!!!!

#يتبع