خبايا الزمن

الجزء 273

خبايا الزمن 🥀
#بارت-273...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

"من دابا ساعة غنكونو عندك"

رؤيا مبتاسمة: صيفط ميساج! صيفطو و الله حتى صيفطو..
لمياء خدات تيليفونها و فرحات: شفتي هانتي دابا غادي تشوفيه..

بعد مدة
فقصر البناني
طه كان باقي تيقلب و يفتش ناوي يلقى و يعرف جميع خبايا الزمن.. قدر يوصل للدليل ديال براءة رؤيا لي قدمو محسن للمحكمة.. لي هو لوكاليزاسيون ديال تيليفون لي كان فحوزة رؤيا فاش شدوها.. و بلي فاش وصلها الميساج فنفس اللحظة لي ماتت فيها سارة و تيليفون تلوكاليزا حدا الفرماسيان و بعيد على دار بتقريبا ساعة و حيت كان مع رؤيا فهي مستحيل تكون لقاتلة.. محسن مكانش تهمو القاتل شكون كثر ما كان تيهمو يلقى دليل البراءة ديال رؤيا داكشي علاش فعاود ميركز على شكون القاتل.. خدم عقلو باش يلقى دليل البراءة.. عكس طه لي باغي يعرف شكون القاتل.. و شنو غيستفيد من انو يصيفط ميساج لرؤيا من تيليفون سارة.. يعني القاتل و الشخص لي صيفط الرسالة هما نفس الشخص.. الا عرف شكون صيفط الرسالة فغادي يكون وصل للقائم..

طه: و لكن كيفاش غادي نعرف؟

كان غارق فأفكارو ملي دخل عندو سمير..

سمير: طه! مبقيتيش تتخرج من بيتك.. حتى الريف اخر مرة مبغيتيش تمشي معايا! بغيت نعرف علاش؟
طه بجدية: معنديش الوقت لي نضيعو..
سمير: الناس ملي تيقضيو وقت مع عائلتهم فمتيتسماوش تيضيعو الوقت..
طه: انا دابا خاصني نحل واحد اللغز و من دابا حتى نلقى الحل مخاصنيش نضيع الوقت..
سمير: قل ليا! نقدر نعاونك..
طه: هادي مسألة شخصية تتهمني غير انا..
سمير حبس الضحكة: الصراحة جاني الفضول نعرفها دابا كثر حيت المسألة شخصية..
طه تنهد: بلاما ضغط عليا مغادي نقول ليك والو!
سمير مبتاسم: صافي لي بان ليك يلاه نوض! عندنا واحد الغراض..
طه: شناهو؟
سمير تيرد الصرف: مسألة شخصية! بلاما تضغط عليا حيت مغادي نقوليك والو..
طه: اووووف

جون وصل هاد الصباح للمغرب باش يرصي الشغل الجديد مع هيثم.. تاجه للأوطيل يرتاح فيه.. غير وصل مشا خدا دوش و نعس..

سمير وصل للكوخ هو و طه لي غير تيشوف..

طه: فين حنا؟
سميرمبتاسم: هبط باش تعرف!

طه حرك راسو بآه.. و هبطو من طونوبيل متاجهين للكوخ و دخلو ليه.. طه تيدور فعينيه يحاول يبرگگ فالكوخ.. سمير جلس فواحد الكرسي تماك و طه غير تيشوف فيه مفاهم والو..

طه: علاش جبتيني لهنا؟ شنو هاد البلاصة؟
سمير: اجي جلس!

طه جلس حدا سمير لي مبتاسم..

سمير: ماماك غادي تجي لهنا.. داكشي علاش جينا حيت بغات تشوفك..
طه: و علاش بغات تشوفني هنا؟ ياك كاينة فالقصر
سمير: متنهضرش على صفاء..
طه مخنزر: و علاش مسولتينيش واش انا باغي نشوفها ولا لا؟
سمير: واش مبغيتيش تشوفها؟

طه بقا غير ساكت

سمير: سمع ا ولدي! رؤيا مرات من تجارب قاسية بزااف فحياتها.. و نت ماشي صغير و عارف و فاهم كلشي.. يعني ملاحظ بلي فعائلتنا كاينين بزااف ديال القوانين ماليهم معنى.. هما لي مانعين ماماك باش تشوفك.. حيت الحاج مباغيش.. و انا ممتافقش مع هادشي حيت اي ام خاصها تشوف ولدها..

طه حرك راسو بآه

بقاو ساكتين حتى تحل لباب و دخلات رؤيا.. غير شافت طه عينيها دمعو و تاجهات لعندو معنقاه..

#يتبع