خبايا الزمن

الجزء 307

خبايا الزمن 🥀
#بارت-307...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

وصلات الظهيرة
بعد الاتصالات لي دار عبدالعزيز قدر يخرج من القبو.. و القصر تنظف من كلشي و رجع كيف كان قبل.. أما طه، غير خايف مبغاش يسمع خبر موت ديال تاشي حد.. رؤيا جلسات حداه..

رؤيا: سمح ليا أ ولدي.. بسبابي نت تتعيش هادشي.. بحالا مكفاكش داكشي لي شفتيه حتال ليوم.. و لكن عائلتي و عائلة باباك هاكا! ديما خاص تخسر شي حد قريب ليك.. (هبطو ليها الدموع) انا مستعدة نخسر الكل! (شدات ليه فيديه) الا نت.. حيت جربت نخسرك.. (بدات تتبكي و تتشهق) قاصحة بزااف!! بزااااف.. مقدرتش نستحمل.. كنت كل دقيقة تنموت و تنطلب من الله نكون غير تنحلم و بلي نت باقي حي!! كنت تنطلب بلي نتعفن فالحبس حياتي كاملة غير ولدي يعيش.. واخا بعيد عليا ماشي مشكيل مهم يعيش.. (عنقاتو بقوة) منقدرش نعيش بلا بيك!!! نت هو حياتي.. و حياتي بلا بيك والو.. تنشكر الله حيت ولدتك.. ( بعدات عليه و باستو فحبهتو) تنبغيك..

غير كملات هضرتها مشات و خلاتو.. دخلات لجناحها و بدات تتبكي و تتنخصص.. و فهاد الأثناء، كان عبدالعزيز تلقى خبر الناس لي ماتو و الناس لي باقين حيين عند جميع عائلات أعضاء "البيگدو".. و دمعة حارة هبطات ليه تبعوها بزاف ديال الدموع حتى بدا تيشهق ملي عرف بلي سلسبيل ماتت.. مقدرش يصبر.. كثر دخلاتو عندو حفيظة و هي تشوفو فديك الحالة تخلعات عليه..

حفيظة: سي عبدالعزيز! ياك لباس؟
عبدالعزيز تيبكي: بنتي! بنتي ماتت.. سلسبيل ماتت..

حفيظة تاهي بدات تتبكي حيت تاهي حباتها بزااف و حطاتها فمقام بنتها.. فهاد السنين لي رؤيا مكانتش.. سلسبيل عمرات داك الفراغ.. حتى عبدالعزيز صافي اعتابرها بلي هي بنتو نيت..

أما شاذية
وصلات للقصر لي كان عامر بالبوليس و الصحافة لكن موقفاتش كملات طريقها لمستشفى ديال معتز عرفاتهم غيكونو تماك.. ركنات طونوبيل فالباركينغ، و هي تمشي للاستقبال..

شاذية: عائلة البناني ؟
الممرضة: واش نتي من العائلة ولا من الصحافة؟

شاذية مدات ليها البطاقة ديالها غير تأكدات بلي هي وحدة من عائلة و هي تعطيها معلومات شكون مات و شكون باقي حي.. ابتاسمات و قلبها تزير.. تاجهات لمستودع الأموات.. و هي تدخل لتما كان خاوي و كبير بزااف الحيوطا عامرين بالثلاجات ديال الجثث و بزااف ديال البياصات.. كانو عامرين كل واحد محطوطة عليه جثة و مغطية.. تاجهات لهم و بدال تتحيد الغطاء و تتشوف فيهم ببرود و بدون خوف.. كان راجل عمتها خالد.. و عمتها، عمها، جدها، سلسبيل، مروان، و ايمن و عاد ناس خرين من حراس القصر.. وقفات فالجثة ديال ايمن.. حطات يديها على جبهتو.. من بعد دوزات نفس اليد على الشفاه ديالها.. شداتها الدوخة.. و هي تشد فالبياص مزيان و هي تغوت بكل قوة، صرخة لي كانت مدفونة داخلها و لي عبرات على الألم ديالها.. بقات غير تتغوت حدا الجثة ديال أيمن بحالا رافضة تصدق بلي مات.. حتى دخل عليا واحد من لي تيغسلو دموعها كانو تيهبطو و هي دور و هو يشوف فيها!! بتاسمات ليه ابتسامة لي تبعاتها ضحكات بزااف..

الموظف: شنو تديري هنا؟ واش نتي حمقة؟

شاذية بحال شي وحدة مسطية تتضحك و تتقرب ليه و هو تخلع و هي تشوف فيه شداتو من حوايجو و لاحتو على وحدة من الجثث لي تكا بالجهد حتى طاح فالأرض و طاحت عليه الجثة..

شاذية بنظرة مرعبة: مشفتي والو فالتسطية..

مشات للباب و سداتو من لداخل باش ميدخل عليهم حد و هادشي زاد خلعو عرفها مهياش..

الموظف: شنو بغيتي؟ راه كلنا يقدر يكوت ليه شي حد عزيز عليه.. تهدني و نتفاهمو
شاذية ببرود: يكما خايف؟ ها؟

الموظف وقف و خلا الجثة.. و هي تجيد واحد الموص من جيبها نفسو لي حلات بيه صدر سمير باش خرجات القرطاسة.. باقي فيه آثار ديال الدم..

شاذية ببراءة: شنو بان ليك ترجع الجثة لبلاصتها؟

الموظف شككاتو فراسو يلاه كانت تتعامل بحال شي وحدة ماهياش.. هز الجثة و رجعها كيف كانت.. و يلاه غيعطيها و هي تهضر و تتلعب بالموص..

شاذية: مغاديش تشرحها و تشوفها علاش و كيفاش ماتت؟
الموظف: انا ماشي طبيب! غير مسؤول هنايا و تنقيد الجثث لي تيجيو..
شاذية ببرود: غلط! نت طبيب ديال التشريح معروف و غادي تعلمني كيفاش تيتشرحو الجثث..

#يتبع