خبايا الزمن

الجزء 369

خبايا الزمن 🥀
#بارت-369...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

شاذية كانت مقبحة وجهها و شادة كرشها.. صحاب ليه واش الحرقة تضرها مشا جاب بوماضة ديال الحريق و شدها من يديها تبعاتو حتى جلسها فالسرير و دهن مكان الحرقة و وجهها متيتفسرش..

هيثم باستهزاء: هي هاد الحرقة دارت العجب.. على هاد الحساب خاصني نعاودوها باش نشوفك هاكا..
شاذية: لا! مصارني تيضروني بزااف..
هيثم: وريني فين..

شاذية وراتو و بقى غير تيشوف فيها مدة عاد هضر

هيثم: سيري لبسي حوايجك نمشيو نشوفو مالك..
شاذية بدات تتنين: لا واقلة ليغيگل هي لي دايرة فيا هاكا..
هيثم بشك: ياك قلتي ليا مصرانك دابا ولات ليغيگل؟
شاذية: حيت عمر جاني الوجع ديالها داكشي علاش قلت واقلة مصارني لي ضاريني
هيثم: يلاه نوضي لبسي حوايجك نمشيو نشوفو مالك..
شاذية: فين غاديين؟
هيثم: مغادي تمشي لحتى بلاصة
شاذية: و علاش قلتي نلبس؟
هيثم: غنعيط لواحد الطبيبة تشوف مالك!
شاذية: راني لابسة..

هيثم بقى تيشوف فيها و هي تأفف مشات لبسات عليها.. داز الوقت، جات الطبيبة فحصاتها عطاتها واحد الدوا و خدات منها الدم باش دير التحاليل..

محسن كان سارح بخيالو تيفكر فهادشي لي واقع و هاد التوثر لي بين رؤيا و هيثم.. معاجبوش الحال هيثم تيبقى يضغط عليها و يعاملها بحال شي وحدة باقي صغيرة.. و فنفس الوقت مانعو انو يتدخل ولا يقول شي حاجة.. و تفكر آية.. عارف بلي مبقاش قادر على بعادها عليه و بغى يتزوج بيها و لكن رؤيا خاصها تتقبل آية و باش توافق الحل الوحيد لي بان ليه هو يصلح علاقتها بلمياء حيت من مورا ديك النهار و هما مخاصمين..

صبح الصباح
نبداوه من دار سارة
هيثم حاضن شاذية لي ناعسة على صدرو و حتى هو نعس.. حتى فيقو صوت تيليفون.. و جاوب ديك الساعة

هيثم: النتائج ديال التحاليل؟؟(بقا مدة تيسمع و هو يوسع عينيه بالصدمة و دار عند شاذية تيشوف فيها) واش متأكدة؟ ..... مزيان!

قطع الخط و ابتاسم تيشوف فشاذية حط يديه على بطنها قرب ليها و باسها جنب فمها حتى بدات تتحرك..

هيثم: باقي كرشك تضرك؟
شاذية: لا! يعني ملي خذيت الدوا..
هيثم: يلاه سيري دوشي و وجدي راسك ليوم الجنازة ديال ماماك..
شاذية غير تتشوف فيه: شنو واقع؟
هيثم: شاذية.. ماماك ماتت.. هادشي لي واقع
شاذية: و نت؟
هيثم: مالي؟
شاذية: غادي تكون؟
هيثم: متفكريش فيا! فكري فالجنازة فقط مفهوم؟

شاذية حركات راسها بآه و هو يطبع قبلة على فمها و ناض من بلاصتو.. حتى هي ناضت دخلات للدوش..

طه كان وجد راسو باش يمشي للمدرسة هبط لقا الفطور و عبدالعزيز تيهضر مع حفيظة لي ملامح الحزن باينة فوجهها.. عرف بلي شي حاجة وقعات..

طه: فين ماما؟
حفيظة: باقي مهبطاتش واقلة مزال مفاقت..
عبدالعزيز: حفيظة.. صافي سيري انا غادي نهضر معاه..

طه جلس جنب عبدالعزيز تيتسناه يهضر..

عبدالعزيز حنحن عاد هضر بجدية: الموت علينا حق! و من بعد صراع طويل جداتك ماتت..
طه: كيفاش؟
عبدالعزيز: طه! انا عارف بلي عقلك كبير و تتفهم داكشي لي قدك متيقدروش يفهموه.. دابا جداتك مامات باباك لالة عتيقة كانت مريضة و حالتها ميؤوس منها و مع الأسف بعد صراع طويل ماتت لبارح.. حنا كنا عارفين بلي باباك و جدودك ماتو ساعة كانو حيين يعني عبدالغفور حتى هو حي.. لكن ليوم
طه قاطعو: فهمت!

طه هبط راسو تيشوف فالأرض حاسس بالحزن كبير: دابا هي بحال خالتي ماريا مغاديش نبقى نشوفها؟
عبدالغفور: مع الأسف! لي علينا هو ندعيو معاها و نطلبو من الاه يرحمها و يتبتها عند السؤال!
طه حرك راسو بآه..

عبدالغفور: لي عندو ولد صالح تيدعي ليه مستحيل يموت!! حيت تيبقى ديما عايش معاه.. جداتك غادي تبقى ديما معاك فعقلك و فقلبك..

طه حاسس بالحزن و الأسى وقتاش هادشي غادي يسالي فعام واحد الكوارث تلاحقو عليه مقدرش يرتاح منهم و فقد بزااف ديال الناس لي قرااب منو.. لالة عتيقة كانت عزيزة عليه بزااف و قريبة منو ملي كان صغير قبلما تعرف راه حفيدها ديال بصح كانت ديما معتابراه هاكاك.. و حتى فاش الحقيقة تعرفات و تخطف و ملي لقاه سمير كانت هي لي مگبلاه.. غير تيحلل هادشي لي وقع، بزاااف ديال الأحداث فعام واحد هاد العام لي باقي مبغاش يسالي.. هاد العام لي تكشفو فيه بزااف ديال الاسرار و ماتو فيه بزااف ديال الناس.. و اكبر حقيقة تعرفات بالنسبة ليه حتال دابا هي حقيقة ديال والديه..

#يتبع