خبايا الزمن

الجزء 390

خبايا الزمن 🥀
#بارت-390...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

فقصر البناني
رؤوف مع صفاء فجناحها لي معصبة لأقصى درجة.. حتى دق عليهم الباب و دخل يوسف..

يوسف: شنو واقع ياك لباس؟
صفاء بعصبية: بغيت نطلق عفاك متوقفش ضدي ا يوسف.. مبقيتش باغاه صافي باراكة..

رؤوف: شفتي شنو وقع فالمقبرة محدهم باقين مزوجين باقي غادي يلصق فيها كثر و كثر..
يوسف: جلسي بعدا و عاودي ليا بلاما تبكي..

رؤوف صونا تيليفونو خرج للبالكو يجاوب و خلاهم بجوج..

صفاء: هو (شداتها البكية بزز حبساتها) كذب على مروان قال ليا بلي مروان دار هاد المؤامرة ضدو باش نطلقو.. (مقدراتش تمنع راسها مزال) تصور كان ناوي يرجع خويا بدون ضمير و يشوه صورتو قدامي ...

يوسف تنهد بقات فيه بزااف جرها لعندو و عنقها تيطبطب عليها معارفش شنو يدير فعائلتهم مكاينش الطلاق حتى من شعيب مطلقش مراتو غير وهموه بلي طلقها و هما يقتلوها.. بعدها عليه و هضر..

فهاد الأثناء،
البرگاگ ديالنا شاف يوسف دخل للجناح و مع رؤيا كانت تتهضر مع لمياء على شنو وقع.. وقف قدام الباب تيسمع و عرف شنو دار معتز.. طه بلع ريقو باقي تيتصنط عليهم..

يوسف بجدية: سمعيني مزيان ا صفاء.. نتي ملي تزوجتي بيه مخديتي الموافقة من عند حد.. و نتي عارفة بلي فعائلتنا مكاينش الطلاق! انا بنفسي منقدرش نخالف القانون.. ماشي انا لي حاطو و مبغيتش نحيدو..
صفاء مسحات دموعها: ماريا و سمير كانو غادي يطلقو..
يوسف: الحاج مكانش عارف.. و دابا انا وليت فبلاصة الحاج.. و القوانين لي كانو و هو موجود غادي يبقاو نفسهم..
صفاء تجمعو الدموع فعينيها: و لكن
يوسف قاطعها: كاين واحد الحل!

صفاء ابتاسمات تتسمع ليه..

يوسف: الطلاق مكاينش! و لكن الموت كاينة..
صفاء بخوف: شنو؟
يوسف: معتزغادي يموت!!
صفاء حركات راسها بلا: لا لا لا!!! ماشي حتى لديك الدرجة..
يوسف: صفاء! فكري مزيان
صفاء بعصبية: كيفاش فكري مزيان؟ نت تتقول ليا نقتلوه واش عارف راسك شنو تتقول؟ انا ماشي قتالة و زايدون راه راجلي لي تنبغيه و عشرة سنين..
يوسف: ماشي نتي لي غادي تقتليه!! انا لي غادي نتكلف.. و مغاديش تعرفي وقتاش ولا كيفاش تقتل.. هو راه خانك.. هبط بكرامتك للأرض
صفاء سدات ودنيها و تتحرك راسها بلا: لا لا لا انا ماشي بحالكم لا انا منقتل تاشي حد.. هو غدرني ولكن انا ماشي قتاااالة
يوسف: فكري مزيان..

دخل رؤوف من البالكو و شاف فيهم..

رؤوف: معتز! شدوه..
صفاء: كيفاش شدوه؟ (شافت فيوسف بخوف) واش غادي تقتلوه؟ لا عفاك متقتلوهش.. حتى نت معاهم..
رؤوف: صفاء! البوليس لي شدوه.. القح**بة ديالو رفعات عليه شكوى.. و غرقاتو مزيان.. و كاين واحد اللعبة..
يوسف: شنو؟
رؤوف: معرفتش شنو عارفة و لكن قالت ليهم على طه.. و بحال والو يبغيو ياخدو الافادة ديالك ا صفاء..

صفاء جلسات و هي مصدومة.. و طه سمع كلشي غير تيشوف.. نهار على نهار تيزيد يكتاشف حاجة جديدة او مصيبة جديدة على معتز.. بعد من تماك و هبط لتحت، رؤيا كانت باقة مجمعة مع لمياء.. مرداتش ليه البال.. بقا غادي و الدموع فعينيه.. غير تيتمشى حتى وقفو واحد من الحرس لي كان تماك..

الحارس: ممنوع عليك تخرج.. فين ماماك؟ سير لعندها..

طه تيشوف فيه ببرود مسح الدموع من عينيه و كمل طريقو لكن حبسو..

الحارس بحدة: قلت ليك ممنوع تخرج بوحدك..

طه غير تيشوف فيه ببرود و حط يدو على ودنيه بدا تيسمع صوت التصفار فيها.. ساد ودنيه.. و تنفس ديالو بدا تيضياق.. الحارس غير شافو هكاك تخلع عليه و بدا تيعيط لصحابو تيشوفو مالو حتى طاح فالأرض تيترعد..

رؤيا كانت باقة تتهضر مع لمياء حتى جا عندها واحد من الخدم ديال القصر.. و غير سمعات بلي ولدها مريض خرجات تتجري قلبها مقبوض.. مشات هي و لمياء و بزااف ديال الناس خرجو.. بقات تتجري حتى وصلات لعندو..

طه كان تيترعد و تيتنفس بزز.. رؤيا غير شافتو هكاك تخلعات ديال بصح.. هبطات لمستواه..

**فلاش باك
قبل 15 عام

سارة و رؤيا كانو فدار ديال مامات سارة تيهضرو و يضحكو حتى دخلات عندهم أسماء..

أسماء: بنات! واش مغاديش تنعسو؟
رؤيا: باقي الحال شوية..
أسماء: شوفو شحال فالساعة بعدا..

سارة شافت الساعة كانت الوحدة ديال ليل نساو راسهم و غير الهضورات مدارو تاشي حاجة مفيدة..

سارة: شفتي دغية داز الوقت..
أسماء: غدا قارين..
سارة: لا!
رؤيا: اه غدا عطاة ا خالتي..
اسماء: نخليكم دابا و نعسو..

خرجات و خلاتهم.. سارة غير تتشوف رؤيا دارت ليها اشارة بمعنى مالكي..

سارة: والو.. يعني (بهمس) علاش بغاتنا نعسو؟
رؤيا: شنو قلتي؟
سارة: والو يلاه نجمعو هادشي باش نعسو..
رؤيا: يلاه..

#يتبع