خبايا الزمن

الجزء 298

خبايا الزمن 🥀
#بارت-298...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

شاذية: تتحس براسك صحيح دابا؟ حيت عريتي على الماسك الصغيور ديالك؟

هيثم قارن حواجبو مفهم والو من هاد المخلوقة لي قدامو.. شاذية بدات تتضحك بهستيرية مدة و هو غير تيشوف فيها حتى سكتات و هي تتشوف فيه بدون ملامح.. و وجهها فيه الدموع ناشفين..

شاذية: متقولش ليا تتسنى مني نصفق ليك على شنو درتي؟ (رسمات ملامح الحزن على وجهها) نتا اغتاصبتي مشاعري و أحاسيسي كبنت فسبيل تنتاقم من خويا! حيت مقدرتيش عليه.. غادي تضربو بيا! حيت أنا ختو!! برااافو ربحتي
هيثم بحدة: هادشي ماشي لعبة أ شاذية.. هادا رد فعل قدام شنو دار خوك لختي.. و الا نتي معندك حتى دنب فحتى رؤيا! مكان عندها تاشي ذنب..
شاذية قربات ليه بشوية: و من بعد؟ زعما الا قلتي ليا السبب انا غادي نتعاطف معاك؟ معرفتيش تحسبها مزيان..
هيثم محافظ على الهدوء ديالو: معندي مندير بالتعاطف ديالك.. بغيتك غير تعرفي علاش درت هاكا!
شاذية ابتاسمات بيرود: بغيتيني نعرف بلي راك عصبة بحالي؟ استعملتيني لمصلاحتك و بغيتي تبقى فيا؟
هيثم بحدة: انا ممحتاجش التعاطف من عند تاشي حد! بغيتك تعرفي بلي بهادشي لي درت حققت العدالة و نصفت ختي لي تظلمات..
شاذية زادت قربات كثر: مفهمتيش متتفهم والو! (لحنات سميتو) هيثم علوان! لي تيعجبني أنا هو نسيطر على الناس و نكون ديما عندي السلطة.. و نت هادشي لي كنتي تتحاول دير معايا.. باغي تلعب بيا بحال المونيكا..
هيثم مزير على يديه: لا! هادشي ماشي صحيح!
شاذية بدات تتضحك مدة عاد هضرات: سمعني مزيان! نت من الصباح تتحاول تبرر ليا شنو درتي.. اشنو غادي ييدل؟ نت درتي واحد الحاجة.. نت ضربتيني فالوتر الحساس هاكا كنتي باغي و دابا تتحس بالعواقب ديالهم..
هيثم بسخرية ربع يديه: و شنو هما هاد العواقب؟ شنو غادي ديري گاع؟

شاذية شافت فيه و ابتاسمات ابتسامة لي جابت ليه الشك و حطات يديها على خدو و تتشوف فعينيه و هو غير تيشوف فيها عينيها لي مغرغرين و الدموع تيسيلو مرة مرة..

شاذية: تيقني أ (نطقات اسمو و هي تتلحنها) هيثم علوان! انا تنعرف نتحكم فالناس حسن منك.. دوزت حياتي كلها باش نفهم الضعف ديال الناس، (تدوز يديها بحنان فحنكو خلاتو يشك فراسو) و دابا حيت عارفة شنو كنتي مخبي بداك الماسك لي كنتي داير.. مستحيل تقدر تهرب من داكشي لي فهمت!
هيثم مخنزر: شنو باغة أ شاذية؟

شاذية قربات وجهها لوجهو حتى ولا التنفس ديالها تيضرب فوجهو و هي تهضر و حتى هو فوجهها..

شاذية: بغيتك غير تعرف بلي ماشي بوحدك لي تتعرف تلعب بأرواح الناس! نت حليتي ليا واحد الباب.. (نطقات اسمو مغمضة عينيها و هي تتلحن فيها حتى خلاتو يغمض عينيه و يسمعها منها) هيثم علوان! غادي نشوف شنو كاين وراه..

هيثم حل عينيه بنظرات حادين شاف فيها و هي تحل عينيه فعينيه بقاو هاكاك مدة عاد نطق

هيثم بصوت رجولي زعزعها من لداخل: الا كان تهديد.. لي فجهدك ديريه..

شاذية بعدات و هي مبتاسمة و الدموع تحبسو و نشفو على خدودها شافت فيه مبتاسمة.. الابتسامة ديالها زعجاتو بزاااف.. عارف بلي وراها كاينة شي حاجة.. غير من هاد الأيام بدا تيفهم غير شوية منها..

شاذية: متخافش أ (عاوتاني لحنات اسمو) هيثم علوان! غادي نوريك واحد المعنى جديد ديال الألم و العذاب النفسي.. و واقلة! غير واقلة.. غتفهم شحال غلطتي فاش قللتي من البسيكوباطة لي قدامك!

شاذية بعدات خلات راسو عامر بالشكوك و واحد التخوف من شنو غيجي منها.. شاذية غير دارت و هي تبتاسم حاسة بواحد الفرحة كبيرة بزااف حيت كانت متأكدة بلي قدرات تأثر فيه و لعباتها عليه ديال بصح.. شاذية ماشي وحدة لي تبكي.. كانت فقط تتمثل عليه و تتلاعب بالنفسية ديالو و خلاتو يبرر ليها بزااف ديال المرات داكشي لي دار ليها.. و تماك عرفات بلي واخا استغلها فضميرو ممرتاحش مية فالمية من شنو دار..

#يتبع