خبايا الزمن 🥀
#بارت-247...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀رؤيا غير قطع معاها قلبها بدا تيضرب بالجهد.. تاجهات للمرايا تتشوف راسها و هي مصدومة..
رؤيا: تهدني! غادي تشوفيه على قبل ولدك..
ابتاسمات للمرايا و بقات تتنفس ببطء مدة عاد بعدات و هي تلبس تجاكيطة و خرجات.. تلاقات مع حفيظة..
حفيظة: رؤيا بنتي فين غادية؟
رؤيا: غير هنايا و راجعة..
حفيظة: متعطليش!
رؤيا: اووووف!خرجات من القصر فاتجاه الكوخ.. و عمر غير شافها اينا اتجاه سلكات تبعها بدون ماتحس بيه.. وصلات و هي تدخل للكوخ و عمر بقى برا مخبي ورا واحد الشجرة تيشوف شنو غادي يوقع و علاش جات لهنا.. حتى بانت ليه طونوبيل ديال سمير و هو يوسع عينيه بالصدمة.. هادا شنو تيدير هنا.. تعصب ديال بصح خصوصا ملي شافو دخل للكوخ.. مشا بعد من تماك و قلبو معصور..
أما داخل الكوخ،
رؤيا شافتو دخل قلبها بدا تيضرب بالجهد.. و هو تيشوف فيها غير فهاد الشهورا لي غبرات فيهم شحال تبدلات.. ولات حسن من لول..رؤيا: سمير!
سمير تنهد: خاصنا نهضرو..
رؤيا بتاسمات: داكشي علاش انا هنا!
سمير: المهم.. طه! عندو بعض المشاكيل يعني من بعد داكشي لي عاشو اي واحد غادي يتأثر خصوصا و هو باقي صغير.. انا جبت ليه طبيب نفساني.. باش يعاونو و يحاول يعالج جميع الآثار لي خلاو الاختطاف.. عاد مسألة انو غير متبني..رؤيا غير تتشوف فسمير و هو تيهضر ليها على طه حالة فمها فيه متتسمعش شنو تيقول و انما تتشوف فيه بإعجاب.. بحالا اول مرة تشوفو الكاريزما ديالو لي تزادت و صوتو الرجولي لي ذوبها و خلا جسمها كولو يترعد.. سمير لاحظ بلي شي حاجة ماشي هي هاديك فقرب منها..
سمير بقلق: واش نتي صافا؟
رؤيا: لا لا!عطاتو بالظهر و هو صحاب ليه بلي تأثرات بشنو وقع لطه..
سمير: متخافيش غادي يولي حسن من لول أصلا السفر فادو بزااف نفسيتو ولات حسن شوية..
رؤيا بدات تتبكي و تتشهق و هو سمع شهقاتها و زاد قرب منها.. و حط يدو على كتفها..
سمير: رؤيا!
رؤيا دارت لعندو تتشوف فيه و عينيها عامرين بالدموع و شهقاتها تيتسمعو..
سمير: متقلقيش! كيفما قلت ليك كلشي غيولي حسن من لول..
رؤيا صحاب ليها تيهضر على علاقتهم ببعض..
رؤيا بحزن كبير: مستحيل يتحسن شي حاجة! نت عائلتك حطمات كلشي!!
سمير بعدم فهم: شنو تتقولي؟
رؤيا مسحات دموعها: ماما و بابا! عائلتك لي قتلاتهم..
سمير وسع عينيه بالصدمة: شنو تتقولي؟
رؤيا: هادشي لي قال ليا هيثم.. و ماشي غير هادشي! بسباب عائلتك انا فقدت خويا لسنين! و فقدت أعز صديقة ليا!
سمير خنزر فيها: شنو تتخربقي؟
رؤيا: انا متنخربقش تنقول ليك داكشي لي كاين.. عائلتك قتلات عائلتي.. و عائلتك جراو على خويا من المغرب و من بزااف ديال البلدان غير حيت جدك عضو ف"البيگدو"، واش عرفتي سارة؟ يعني كيفاش ماتت؟ (عينيها هبطو بالدموع) انا..
سمير مخنزر: علاش؟ علاش عائلتي غادي دير شي حاجة بحال هاكا؟ و الا كانو فعلا جراو على خوك فمستحيل يعتب المغرب..
رؤيا: لا دابا مبقاش عندو المنع داكشي علاش رجعت معاه..
سمير مخنزر: خوك كان هنا قبل متخرجي من الحبس.. يعني قبل منعرف كلشي.. طارق كان فالسبيطار ديك الساعة..
رؤيا: كيفاش؟#يتبع
أنت تقرأ
خبايا الزمن
Mystery / Thrillerتقديم 🙋🏻♀️جيت ليوم و جايبة ليكم الجديد قصة جديدة لي نتمنى تنال الاعجاب ديالكم🥰🥰 من بعد نجاح قصتنا "حب نتيجة خطأ طبي" قررنا نكتبو قصة جديدة بجوج بعنوان: ⏳خبايا الزمن⏳ بقلم: Lay Lã & Sarah Sarrita القصة ما طويلة ما قصيرة لكن تتجمع بين 💥#الحب �...