خبايا الزمن

الجزء 341

خبايا الزمن 🥀
#بارت-341...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

عبدالعزيز تخلع: طه! شنو تدير واش تصطيتي..
طه بنبرة تكبر: سي عبدالعزيز جلس فبلاصتك!!

و هنا ايفان طلعات معاه الحرارة.. كيفاش دري عندو عشر سنين يتقمص دورو حيت فعلا هادشي لي كان غادي يدير الا الگارد ديالو خدا الاذن من شي حد آخر.. طه شاف فيهم.. و دخل گارد لاخر تاجه نيشان عند طه خايف على راسو..

طه بأمر: نظفو هاد البلاصة و جيبو الخونة لهنا!!

الگرد حرك راسو بآه و خرج أما ايفان غير تيشوف فطه.. طه ابتاسم..

طه باستهزاء: بان ليا أنا لي ربحت فهاد اللعبة..
ايفان بعصبية: شكون قالها ليك؟
طه: واقلة نسيتي.. طه ديري صغير خواف و تيبكي.. نت ملي شفتيني قتلتو علاش مبكيتيش؟
جايكوب عجبو طه بزااف: عندك الحق! خاصك تبكي أ ايفان.. ولا غادي تكون نت الخاسر..
ايفان بحدة: شنو تتقول؟ عرف راسك معامن..
عبدالعزيز بتاسم: بصح.. خاصك تختار اما الكرسي ولا..(عبد العزيز قصد انو خاصو يختار بين كرامتو و الكرسي ديال الحكم)

ايفان ضرب يديه مع الطبلة: واش عارفين شكووون انا!؟ لي تتهضرو عليه هكاك؟
طه: يعني ربحت؟
ايفان: مستحيل بلاصتي ياخدها شي حد.. و لي تيحاول يفكر يدير نقتلو بيدي..
طه باستفزاز: خوك دارها.. و خليتيه عايش.. انا دابا غادي ناخدها.. غادي تقتلني؟ تقدر عليا انا العضو الحاكم الجديد؟

ايفان صافي هنا جن جنونو طه ورك على الزر و دخلو جوج ديال لي گارد حيت عارف ايفان غادي يبغي يقتلو باش يرد اعتبارو قدامهم.. وجه سلاحو على طه.. و فنفس الوقت، طه مبتاسم تيشوف فيه و حاط يدو على حنكو تيتسناه..

طه: قتلتيني الكرسي غادي يمشي.. الكل هنا شاهد على شنو وقع.. الكرسي ولى ديال عائلة البناني.. و لكن الا كنتي ذكي! غادي تكمل اللعبة و تربحني..
مايكل: الدري عندو الحق!
عبدالعزيز هز الفردي على ايفان: تقتلو نقتلك!

ايفان حس براسو مكتف.. مرضاش قدامهم.. ايما يخسر الكرسي ولا يخسر كرامتو.. و تيشوف فطه تيضحك عليه و الكل فجنبو صافي غادي ينفاجر بالأعصاب.. شوية دخلو سامويل للقاعة.. مستحيل يتنازل على الكرسي.. فقرر يكمل فاللعبة.. هبط الفردي..

ايفان: موافق!

جايكوب و سامويل متفاجئين كيفاش كان ايفان تيضحك عليه حتى تقلبات الآية.. أما عبدالعزيز حس بالفخر من طه !

الگارد: ها هو سامويل..

طه شاف فيهم و تقاد فالجلسة تيشوف فايفان جالس و حاني راسو..

طه بنبرة متكبرة تيسخر منو: شنو غادي تبكي؟ ولا ياكما بلتي فحوايجك؟ معولين عليك باش تحاكم لي سفك دماء عائلتك..
جايكوب تفرشخ بالضحك: هههههههههه! و الله حتى واعر هادشي..

ايفان من كثرة العصب بداو تينزلو ليه الدموع فعلا.. و مايكل غير تيشوف و هو ساكت كيفاش غادي يتطورو الأحداث..

طه ضرب الطبلة: شوف فيااا!!! يلاااه ا ولد البناني..

ايفان طلع راسو و شاف فطه كان مدمر ديال بصح و طه ابتاسم و ناض من بلاصتو..

طه باستفزاز: غير تنضحك معاك! عنداك تكون درتيها بصح و بكيتي ولا بلتي فحوايجك من الخلعة.؟ (و ورك على الكلمات) أ عمي ايفان!!
ايفان: شنو تتقول؟
طه بسخرية: اللعبة سالات و نت ربحتي.. سير لبلاصتك!

ايفان ناض من بلاصتو و مسح دموعو جلس فالكرسي ديالو..

طه: داك الكرسي جلست فيه و عرفت بلي معندو تاشي قيمة..

كلهم شافو فيه و هو كمل هضرتو..

طه: الشخص هو الكرسي ديال نفسو.. مغاديش نخلي الكرسي هو لي يحكمني.. انا لي نحكم الكرسي.. ( باسف) و لكن ماشي هادشي لي وقع معاك.. نت تتشوف راسك بدون الكرسي معندك تاشي قيمة.. داكشي علاش و نت جالس فيه متيق بلي تاشي واحد ما حسن منك.. و مقدرتيش تشوفني فنفس المستوى ديالك! هادشي بالضبط لي بغيت نبين ليك.. انا تنشوف كلشي فوق مني حتى تيبان ليا العكس.. (شاف فلخرين) تنتمنى حتى نتوما تكونو فهمتو!

جايكوب تنهد: دابا شنو غادي نديرو مع سامويل؟
عبدالعزيز: غادي يموت هو و عائلتو..
مايكل ميق فيه: هادي حاجة باينة!!
ايفان: الا كان هادا هو قرار الجميع
طه قاطعو: بلاتي!! واقلة باقي مفهمتيش شنو وقع دابا!!(مبتاسم) و لكن معنديش مشكيل نعاود نشرح بطريقة خرا و تكون قصح من هادي.. شنو بان ليك؟ و لكن هاد المرة ماشي غير الدموع لي غادي يخرجو..
ايفان بعصبية: لزم حدودك معايا راك رجعتي بلاصتك!!
طه بسخرية: قلت ليك نت بلا كرسي تاشي حاجة (خنزر فيه) عائلتي لي ماتت و انا تنمثلهم بقى عند وعدك و عطيني المحاكمة ديال خوك..
سامويل باغي يعمق على طه: انا مدرت والو!
طه بحدة: نت شكون عطاك الاذن باش تهضر؟ قلت ليك دافع على راسك؟ ها؟ انا هنا عندي حقوق بحالي بحال اي عضو..

#يتبع