خبايا الزمن

الجزء 363

خبايا الزمن 🥀
#بارت-363...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

آية بدات تتنفس بالجهد شي لي لاحظو محسن و قبح وجهو بعد بخطوة تيشوف فيها كيفاش مخلوعة تتحاول متبين ليه والو.. بقا تيشوف فيها و هي تتطلع عينها تشوفو و تهبط تشوف فالأرض..

آية مبتاسمة باش تخفي احساسها: آه! انا تنبغيك كثر من اي واحد..
محسن ابتاسم و طلع ليها وجهها حتى شافت فيه: واش تتيقي فيا؟
اية: اه! بطبيعة الحال..
محسن قرب ليها و بدا تيتحسس دراعها: بغيت نشوف ثقتك و حبك الكبير..
اية: و نت؟ واش متتيقش فيا؟
محسن: بطبيعة الحال! داكشي علاش نتي معايا دابا.. كن مكنتش تنثيق فيك مغاديش نخليك قريبة مني هاكا.. ولا ياكما عندك شك فهادشي؟
اية حركات راسها بلا: لا اا انا متنشكش فيك.. نت نعطيك حياتي ا محسن..
محسن: انا بغيتك غير نتي.. محتاجك غير نتي.. راك عارفة كبرت فالميتم (تيهضر و تيتحسس فعنقها و هي الخوف عاد مزاد) عمرني حسيت بحب شي حد ليا.. و نتي نهار على نهار تنزيد نتشبت بك كثر لدرجة مبقيت تنشوف فتاشي وحدة من غيرك.. حيت غير نتي لي كاينة فالوجود.. ( طبع قبلة فعنقها) بغيتك تولي ليا!! تولي ديالي واش موافقة؟؟

طلع راسو تيشوف فيها و فردة فعلها.. كانت مصدومة و فنفس الوقت تتحس بخوف رهيب.. الخوف من انها تخسرو الا قالت لا و الخوف من أنها تخسر راسها الا قالت آه.. هبطات ليها دمعة من عينيها و هو تيشوف و زير على يديه..

أية: واش عارف راسك شنو تتطلب مني؟
محسن: هادشي متنطلبوش من اي واحد.. تنطلبو من البنت لي تنبغي و تتبغيني و تتيق فيا.. و معندهاش ولا درة شك بلي نقدر نآديها.. تنظن نتي هي ديك البنت داكشي علاش انا سولتك و تنتسناك تجاوبيني.. (شد ليها يديها) آية! جاوبيني!! واش موافقة؟
اية غمضات عينيها و حلاتهم تتشوف فيه ابتاسمات: آه! موافقة..

نهاية لفلاش باك**

آية غير تفكرات شنو وقع بدات تتبكي بحرقة و تتنخصص حاسة بقلبها تيضرها كثر و كثر.. طارق قرب لعندها بخوف..

طارق: آية!

هي غير شافتو تلاحت عليه عنقاتو و هي تتبكي و تتنخصص.. بعدها عليه..

طارق: مالكي؟
آية بحرقة: انا! انا.. سمحليا عفاك.. عفاك..

بدات تتبكي و شهقاتها مسموعين و هو غير تيشوف فيها مفاهم والو.. تعصب و بدا تيحرك فيها..

طارق: شنو واقع؟ علاش قلتي ليا سمحليا ؟ علاش تتبكي؟؟ دوي؟؟
اية: انا انا!!

اية بلعات ريقها و تتفكر شنو وقع داكشي لي مبغاتش تفكرو بالمرة..

**فلاش باك

اية غمضات عينيها و حلاتهم تتشوف فيه ابتاسمات: آه! موافقة..
محسن بدا تيحيد فالصدايف ديال القميجة لي لابسة و قلبها تيضرب.. بعد عليها شوية و حيد تريكو لي لابس حتى بقا بصدرو عريان و تيشوف فيها و هي تتحيد القاميجة ديالها و دموعها سايلين عيات متكبحهم لكن مقدراتش.. بقات غير بسوتيان.. جلسات و حيدات صباطها..

محسن: تكاي!!

اية دارت شنو قال ليها و جا فوقها تيشوف فيها و فدموعها..

محسن: علاش تتبكي؟
اية مسحات دموعها و بتاسمات: لا! انا متنبكيش..
محسن بشك: واش متأكدة بلي موافقة؟
أية حركات راسها بآه

محسن طبع قبلة على صدرها حتى رجفات بين يديه زيرات على ليزار بيديها.. و هو شافها و حاس بيها قرب لودنيها بهمس

محسن: دابا نتي تتقولي مع راسك محسن واحد حقير.. ياك؟
اية شافت فيه و هو يحط جبهتو على جبهتها..

أية: لا! انا انا

محسن ناض من عليها و هادشي زاد صدمها كثر.. بلعات ريقها و ناضت كان عاطيها بالظهر.. حطات يديها على كتافو و دار عندها مخنزر..

محسن: انا مستحيل نبزز عليك شي حاجة.. اه! انا باغيك تولي ديالي.. و تنبغيك كثر من راسي.. و لكن مستحيل نجبرك ا آية! نتي مباغانيش هادشي باين..
اية: لا لا! انا باغاك.. و الله ا محسن انا تنبغيك تنحلف ليك بلي تنبغيك..
محسن: كن كنتي فعلا باغاني كيفما انا باغيك مغاديش تكوني كارهة اني نقيسك.. (بحزن) واش مشفتيش راسك؟ انا تنقيسك و تنقرب ليك و نتي شنو تديري؟ غير تتبكي؟ واش الا فعلا حتى نتي باغة كنتي غادي تصرفي هاكاك؟
اية غير تتشوف فيه: ماشي هاكاك غير حيت حيت اول مرة انا انا عمرني كنت قريبة لشي حد من قبل..(تتهضر و هي تترعد) يعني هادشي علاش.. نت باين فايت لك جربتي انا لا!! (شدات ليه من يديه) انا باغاك و فنفس الوقت معارفاش كيفاش نتصرف هاد الاحاسيس كلهم جداد عليا حاول تفهمني..
محسن بتاسم: ماشي مشكيل!
اية باستو من يديه و طاحت ليها دمعة من عينيها: انا تنبغيك و الله!

#يتبع