خبايا الزمن

الجزء 310

خبايا الزمن 🥀
#بارت-310...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

رؤيا باستهزاء: هادشي لي علمك معتز و صفاء؟ تشفر؟
طه بغضب: انا ماشي شفار!!
رؤيا قربات ليه مخنزرة: واش هادشي لي محطوط فوق البيرو ديالك؟

طه غير تيشوف ساكت

رؤيا بالغوات: واااااااش ديااااااالك؟
طه هبط راسو للأرض: لا!
رؤيا بحدة: و شنو سمية هادشي لي درتي؟ (علات صوتها) تنهضر معاك ا طه..
طه غرغرو عينيه بصوت شبه مسموع: انا ماشي شفار!!
رؤيا بعصبية: و شكون لي عطاك الحق تدخل لجناح خالك و هو مكاينش؟ صحاب ليك مشفتكش؟ ملي تنبغيو ندخلو لجناح شي حد تنستأذنو منو.. و الا مكانش مولاه متندخلوش..
طه طلع راسو و شاف فيها: حتى نتي دخلتي لجناح ديالو بدون اذن و دخلتي لعندي بدون اذن..
رؤيا مخنزرة: انا ماماك! و نت باقي برهوش.. بطبيعة الحال غادي ندخل و نقلب بيتك محدك باقي مشربتيش عقلك.. و بالنسبة لجناح هيثم، دخلت ليه حيت كنت تنقلب عليك!! و هادشي متيعنيش غادي نغمض عيني على شنو درتي ليوم..
طه بلع ريقو: انا ماشي شفار!
رؤيا تنهدات: واش داكشي ديالك؟
طه: لا!
رؤيا بالغوات: متمسووووووووووووش !! مااااشي ديااالك ماااتقييييسووووش..

طه غير تيشوف فيها تتغوت عليه حتى بح حلقها.. و دخلات عندهم حفيظة..

حفيظة: رؤيا! مالكي تتغوت عليه؟
رؤيا: خرجي خليني انا و ولدي..
حفيظة: راه باقي صغير يلاه تيتعلم..
رؤيا دارت خنزرات فيها: خرجي!! (بتحذير) لمرة الجاية ملي دخلي عندو دقي! حتى يعطيك الاذن حيت هو مول الجناح عاد دخلي..

حفيظة حركات راسها بآه و هي تخرج.. رؤيا ربعات يديها و بقات تتشوف فيه..

رؤيا: و دابا شنو؟ واش غلطتي ولا لا؟

طه بلع ريقو و غير تيشوف فيها و تيحذر عينيه.. حرك راسو بآه

رؤيا: و علاش درتي هاد الغلط؟

طه بقا ساكت و هي تشدو من فكو بالجهد و طلعات ليه راسو باش يشوف فيها..

رؤيا: علاش مهبط راسك؟ ياك غلطتي و نت تتقول انا ماشي شفار!! كن راجل و وقف ورا داكشي لي درتي.. و قل انا غلطت و ها علاش درت هاكا و ها شنو غادي ندير باش نصبح الغلط ديالي..
طه شاف فيها مخنزر

رؤيا: يلاه! هضر.. علااااش؟
طه بعد يديها من فكو: صافي! سمحيليا..
رؤيا خنزرات: آخر مرة.. سمعتيني؟ و دابا غادي تقول ليا... علاش درتي هاكا؟
طه: عجباتني البواطة
رؤيا: و دوك الوراق؟ و الدفتر ديال خالك؟
طه: غير بغيت نقراهم..

رؤيا شافت فيه ديك الشوفة ديال من نيتك.. و هو يبلع ريقو..

رؤيا: شفتي الجامع لي دايز منو انا لي بانياه.... و دابا شنو غادي دير؟ ها؟ كيفاش غادي تصلح الغلط لي درتي؟
طه: غادي نرجعهم لبلاصتهم..
رؤيا: الدفتر ديال خالك.. و البواطة و الساروت دياولي.. و الوراق ديال سارة الله يرحمها..
طه: سمحيليا..
رؤيا: طه! شي حاجة لي ماشي ديالنا مخاصناش ناخدوها ولا نقلبوها.. حيت تتعتابر خصوصية ديال الناس لخرين.. انا تعصبت حيت شفتك درتي هاكا عرفتي علاش؟

طه غير تيشوف فيها

رؤيا عينيها غرغرو: حيت بسباب هادشي سارة ماتت..

طه غير سمعها جبدات موت سارة جميع الحواس ديالو حالهم..

رؤيا: سارة كانت فضولية بزااف.. و كاينين شي وحدين لي متيبغيوش لي يدخل فخصوصياتهم لدرجة يقدرو يديرو شي حوايج لي خايبين بزاااف.. نت باقي صغير على هادشي و لكن خاصك تعرف علاش انا تعصبت عليك.. حيت الا دابا خديتي هادو من هاد القصر مرة خرا غادي تاخد شي حوايج من عند شي ناس لي معندهمش الرحمة فقلبهم.. و انا مبغيتش نخسر ولدي كيفما خسرت صاحبتي بسباب هاد الموضوع.. و الا بغيتي! تقدر تخلي عندي هادشي من غير الكتاب.. خاصو يرجع لبلاصتو و خاصك تعتاذر من خالك..
طه هز كتافو: هو متيبغينيش!
رؤيا مسحات راسو بيديها: متقولش هاكاك.. هو متيبغيش يبين راسو حنين و لكن راه حنين.. و انا متأكدة بلي تيبغيك.. و حتى لو مكانش تيبغيك هادشي متينفيش الغلط لي درتي و لي خاصك تصلحو.. متافقين؟
طه حرك راسو بآه..

رؤيا: هادا آخر تحذير! مرة جاية غادي يكون معاك تعامل آخر ا طه..

#يتبع