خبايا الزمن

الجزء 23

خبايا الزمن 🥀
#بارت-221...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀ً

شعيب بسخرية: حتى ماتت بنتي؟ شنو الفرق؟ موتها زعما؟ الا طلقتها هي غادي تاثر؟ هي نص حياتها عاشتو بلا مها.. هي مشات و خلاتنا.. بنتي كملات حياتها و هي عارفة بلي مها ماتت.. يعني بالنسبة ليا هادا ماشي سبب باش تخليني مربوط مع وحدة خلاتنا و مشات..
الحاج: انا غلطت و تنعتارف بالغلط ديالي و ماشي غير هادشي انا غنصلحو و غادي نطلقك منها و نجردها من املاكها..

شعيب غير ساكت

الحاج: مهم بغيت غير نعلمك بشنو غيوقع تقدر تمشي دابا!

برلين
رؤيا فهاد الشهور لي قضاتهم فبرلين قررات تتعلم الألمانية و رجعات تتهضر بيها ماشي بطلاقة لكن ولات تتفهم الكلام و تقدر تجاوب.. حتى المظهر ديالها تبدل و شعرها مبقاش خفيف بشرتها مبقاتش تتقشر.. ولا احسن من الأول ما خرجات من الحبس.. و شرات بزااف ديال لكدويات لولدها..

نمشيو عند هيثم
يلاه وصل لواحد ريسطو و تاجه لعند جون لي تاهو كان تماك.. لقاهم كاينين و الريسطو كولو خاوي من الناس و عامر بلي كارد.. سلم على جون هو لول لي عرفو بالسيد..

جون: تتقدم ليه هيثم علوان هو لي هضرت لكم عليه و الكل تيهضر عليه دابا..(شاف فهيثم) هادا مايكل ياجر عمي.. و فنفس الوقت عضو ف"البيگدو" و معاك ايفان گورين.. هو العضو الحاكم ف"البيگدو"

هيثم مد يديه و سلم عليهم جلسو كلهم..

مايكل: جون عاودليا عليك و على الاعمال ديالك.. الصراحة هادشي لي لفت الانتباه ديالي..
ايفان نتر من السيگار لي فيديه: خصوصا العملية لخرة.. كانت مخدومة مزيان..
جون: هاديك ماشي اخر عملية ليه ا موسيو گورين..
ايفان: متشرفين بيك ا ولدي..
هيثم: معنديش مع الصواب و الهضرة بزااف!
مايكل هز كاس و شرب منو شوية: قل ليا! شنو الحاجة لي تخلينا نخدمو معاك ماشي مع شي حد آخر؟
هيثم ابتاسم بسخرية: و شكون قال ليك بلي انا باغي ولا ناوي نخدم معاكم؟
جون شرب الما: هيثم! راه اي واحد تيبغي تكون عندو فرصة و يخدم مع "البيگدو"
هيثم: ديك النهار قلت ليك! بلي حنا ماشي صحاب.. يعني نصائحك خليهم ليك..
مايكل: واقلة نت باقي مواعيش بالفرصة لي تحطات ليك قدامك و من طبق من فضة..
هيثم: ماشي انا لي قلبت عليكم.. نتوما لي قلبتو عليا.. و الا كنتو فعلا بهاد القوة و السمعة لي عندكم.. فمغاديش تعيطو لشي حد باش يخدم معاكم و هو اصلا ممسوقش لوجود ديالكم.. اولا؟
ايفان صفق 👏: برافو! يعني الموقع ديالك كان صغير و كيفاش حتى كبيرتيه فدقيقة..
هيثم بغرور: بالعكس! نتوما لي موقفكم كان قوي و كيفاش صغرتو فدقيقة!! مهم انا تنخدم مع الناس بشروط! الا قبلتو شروطي عاد نفكر و الا لقيت الوقت علاش لا.. مع راكم عارفين عندي لائحة طويلة ديال الناس لي باغين يخدمو معايا.. و قابلين بشروطي كاملين.. يعني انا فموقف تيخليني نختار ماشي نقنع..