خبايا الزمن

الجزء 267

خبايا الزمن 🥀
#بارت-267...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

تحمسات بدات تتصفق حتى تعگرات فبلاصة ديال الطعنات.. ايمن من خلال الشرح ديالها و التخطيط لي دارتو فراسها عرف بلي مصممة باش تقتل يوسف لي هو خوه..

ايمن بعدم تصديق: لا لا هادشي زاد عن حدو! واش بعقلك؟ راه تنهضرو على خويا، ولد عمك! فرد من عائلتك.. راه تيعتابرك فمقام ختو..

شاذية مبتاسمة ببراءة بحالا ماشي هي لي كانت تتهضر على القتل..

شاذية: عيت! بغيت نخرج من لهنا!
ايمن: من الاحسن متتحركيش.. ارتاحي شوية.. راه الطبيبة بقات معاك ليل كامل لا توقع شي حاجة.. و حيدي هاد الافكار من راسك..
شاذية: اوكي.. حاسة بالحرقة.. خرج عيط ليها..

ايمن حوك راسو بآه.. و مشا يعيط على هند.. شاذية حيدات تيو ديال السيروم من يديها.. و ايمن دخل هند لعند شاذية..

هند مبتاسمة: كيف صبحتي؟ تتحسي براسك مزيان؟
شاذية ببراءة: شكرا حيت عتقتيني!
هند: هادا واجب المهم تكوني بيخير

ايمن حاسس بلي شي حاجة ماشي حتال لهيه خصوصا ملي تيشوف شاذية ممثلة البراءة عاوتاني..

ايمن: شاذية!
شاذية: اجي! قربي.. شوفي هاد الحريق لي تنحس بيه منين..

هند حركات راسها بآه و قربات لشاذية..

شاذية تتمثل العياء: مدي ليا الما بعدا!

هند دارت باش تعطي لشاذية الما.. و شاذية بتاسمات بمكر و لوات التيو ديال السيروم فيديها بجوج و بسرعة لفاتو على الرقبة ديال هند.. ايمن غير شاف المشهد وسع عينيه..

ايمن: شاذية! طلقيها!!

تاجه باش يفك هند لي تتخنق مع مزيرة عليها شاذية لي فرحانة..

شاذية بصوت عذب: ايمن!! (تبدلو نظراتها لتخنزيرة) يويلك توقفني..

هند تتحاول تفك نفسها من شاذية مبقات غي تضربها بالمرفق ديالها بالجهد لجهة ديال الجرح..

شاذية بألم: أي!!

هند ضربات شاذية عاوتاني لنفس لبلاصة حتى رخفات عليها و هي تحاول تهرب بعيد عليها لكن ايمن سد الباب و مخلاهاش تخرج..

ايمن: فين غادة؟

شاذية بدات تتألم و هند تخلعات كثر..

هند بخوف: خليوني نمشي عفاكم انا شنو درت؟

شاذية تتبتاسم حلات المجر ديال طابل دو نوي و خدات منو المسدس ديال ايمن..

ايمن: شاذية تهدني!
شاذية مبتاسمة: انا مهدنة و غادي نزيد نتهدن كثر ملي نقتلها..
هند بخوف تترعد: عفاك! لا انا مدرت ليك والو.. عفاك.. خليني نمشي و منعاودش نبان قدامكم..

تاجهات للباب لي كان واقف ايمن و غير من شوفات شاذية عرفها مصممة تقتل هند واخا معارفش السبب فهو مع شاذية..

شاذية هزات المسدس فوجه هند و هي مبتاسمة.. و هي تضغط على الزناد حتى تسمع فالقصر كولو.. و تصابت هند بالضبط فالبلاصة فين ضربات شاذية باش ترخف التيرو.. هند دغيا طاحت للارض الخلعة قضات عليها و شاذية شادة جنبها لي تيضرها تاجهات لعندها و هي تضغط على لبلاصة لي تضربات فيها هند حتى غوتات بالألم..

شاذية ببراءة: متخافيش غادي نحيد القرطاسة دابا..

شاذية خشات يديها الشي لي خلا هند تصرخ من الآلام و تسمع فالقصر كامل.. حتى دخل عليهم يوسف و شافها كيفاش خاشية يديها باغة تخرج القرطاسة..

#يتبع