خبايا الزمن

الحزء 293

خبايا الزمن 🥀
#بارت-293...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

تمشى لجهة ديال الباب باش يخرج و هو يحبس.. عاطي لهيثم بظهرو..

**فلاش باك
قبل بضعة دقايق

واحد لكارد مد ليه السترة الواقية من الرصاص لبسها عاد لبس الجاكيطة فوقها

نهاية لفلاش باك **

هيثم مبتاسم لكن تبدلو ملامح وجهو مع آخر ما نطق ايمن

ايمن بحقد: ماشي گاع لبنات قح**ااب بحال ختك..

هيثم غير سمع شنو قال صافي مقدرش يستحمل كثر.. و هو ينوض و بحركة سريعة خدا ليه الفردي و ضرب ليه راسو مع الحيط حتى داخ.. يلاه ناضو و هو يعيطه كروشي حتى سال ليه الدم.. ايمن رد عليه بكروشي لبطنىو بقوة حتى تأوه بالألم و ضربو بالجهد لظهرو حتى طاح فالأرض و عطاه ركلة قوية فجنبو.. هيثم تآلم و عض على فمو كاتم صوتو و شد لأيمن رجليه و جرو منها بالجهد حتى طاح فالأرض و تلاح عليه قاجو.. بقوة.. أيمن مقدرش يتنفس شد واحد الكرسي دفعو برجليه حتى طاح الديكور لي فوق منو فوق راس هيثم.. و بعد عليه تيتأوه .. ايمن زاد عطاه كروشي بكل قوتو حتى داخ.. و هو ينوض مخلي هيثم فالأرض تاجه لجهة ديال الفردي و وجهو جهة ديال هيثم..

ايمن: و قل ليا دابا! غادي تمشي لعند والديك.. (هيثم تيشوف فيه مخنزر و معصب لأقصى درجة و ايمن تيشوف فهيثم بحقد) أحسن حاجة دارها عمي هي هادي.. قتل والديك.. علاش أصلا مستغرب من ختك طالعة هاكاك؟ مك تاهي بحال ختك!! بعدا حنا عائلتنا شريفة..

ضغط على الزناد القرطاسة دازت من حدا ودنين هيثم و هو يوقف.. و استجمع قوتو كلها لي بقات ليه و دفع رجله بقوة للفوق و ركل ايمن فيديه لي شاد بيها الفردي حتى طار و ركلو بالرجل لخرى حتي طاح على الحافة ديال الطبلة بالجهد و طاح فالأرض و دمو دايز.. هيثم غير تيشوف فيه بحقد.. و راسو عامر غير بشنو قال ليه: يعني واحد من عمامو لي قتل ليه والديه.. و زاد تعصب ملي تفكر شنو قال على مو و ختو.. شد الفردي من الأرض و بقى تيتيري فأيمن حتى خوا الفردي و هو يدفل عليه..

هيثم بحقد: خسارة معندك ختك معندك مك!! كن حو**يتهم قدامك عاد قتلتك!!

رؤيا وصلات لفين صيفط ليها معتز..
كانت فشقتو القديمة..

مصطفى: نمشي معاك؟
رؤيا: لا!

هبطات من طونوبيل و طلعات للشقة ديالو و دقات.. حل ليها الباب و هي طلع معاه الريحة لي كان شراها لسارة.. هاد الريحة بالضبط رجعاتو للزمن بعيد..

فلاش باك***
قبل 12عام

كانت تتشوف فيه مبتاسمة و هو يمد ليها الريحة..

معتز مبتاسم: جربي هادي!
سارة استنشقات ريحة و هي مبتاسمة: عجباتني بزااف!
معتز تيشوف فيها: فينما تجي لعندي و نتلاقاو ديريها..
سارة: راه ديما تنشوفو بعض.. نسيتي واقلة؟
معتز: اوا على هاد الحساب بقاي ديما ديريها..

نهاية لفلاش باك ***

معتز بلع ريقو و قلبو تزير عليه: دخلي!!

رؤيا دخلات و هو يسد لباب موراها.. و تاجهو للبابكو جلسو فيه..

رؤيا: مصحابليش عندك دار بحال هادي!
معتز: كل واحد و عندو اسرار..
رؤيا: عندك الحق.. مهم.. نت عارف علاش انا جيت لهنا؟
معتز: غادي تسوليني علاش؟ زعما خديت طه.. و بحال والو تقولي بلي انا لي قلت ليهم يقولو ليك بلي مات..
رؤيا مخنزرة: هي ماشي نت؟
معتز مبتاسم: رؤيا علاش غادي ندير شي حاجة بحال هادي؟
رؤيا: تنتاقم مني!
معتز: علاش غادي ننتاقم منك؟
رؤيا: الكل كان متيق بلي انا لي قتلت سارة و حتى نت واحد منهم..
معتز ابتاسم مقاطعها: رؤيا نتي عارفاني مزيان بلي عمرني تيقت بلي نتي قاتلاها.. و شحال من مرة جيت للمشفى ملي تيخرجوك من الحبس و شفتك!! واش نسيتي؟
رؤيا: هادشي لي يخيليني نزيد نشك فيك! الكل تيقول بلي نت لي حرضتيهم باش يسكتو و يبعدو مني نت كنتي قريب فالعام لول.. و بالضبط فاش كنت حاملة.. علاش؟ دابا عاد فهمت ولدي هو السباب كنتي باغي تاخدو مني و نجحتي.. يعني كن مكنتش تنعرفك مزيان كنت غادي نشك بلي نت لي قتلتي سارة..

#يتبع