خبايا الزمن

الجزء 337

خبايا الزمن 🥀
#بارت-337...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

طه غير تيشوف فيهم..

ايفان: سي طه! ياك سميتك طه..
عبدالعزيز بعصبية: اه! سميتو طه.. و هضر معايا انا..
ايفان باستفزاز: بصح! يعني دري باقي تيرضع فصبعو شنو غيدير معانا؟ فعلا عائلة البناني مات ليها الحوت..

جايكوب حابس الضحكة.. ايفان تيشوف فطه لي محافظ على الهدوء ديالو.. تيسمع و تيراقب تحركات كل واحد فيهم و كيفاش تيتصرف و تيشوف و منطابق مع شنو قالت ليه شاذية..

ايفان: فين هو الحاج البناني؟ لي ديما تيهضر.. (تيقلد فيه) عائلتي.. عائلتي.. غير الاذكياء.. غير العباقرة.. البناني حنا واعرين حنا مكاينش بحالنا..

طه حس يالاستفزاز و تعصب بزااف ملي هضر على الحاج هاكاك و هو ميت و لكن مبين والو باقي مبرد و هادشي لي مباغيش ايفان باغي يبين بلي عائلة البناني والو قدامهم.. و بغا يخلعو.. عبدالعزيز بزز مصبر راسو ميتلاحش عليه..

ايفان: مالك ساكت؟ و لا يكما خفتي؟ ولا باقي متعلمتيش الهضرة..
مايكل تاهو معجبوش الحال: ايفان شنو تتحاول دير؟ علاش حنا هنا؟ وعلاش هاد الدري الصغير معانا؟
ايفان: واش عارفين شنو دار سامويل بعائلة البناني؟ مسحهم.. يلاه ا صغير البناني لي ذكي و قوي و واعر! كيفما تيقول جدك.. شنو غادي تقدر دير باش تاخد انتقام لعائلتك؟

طه بصوت هادئ: علاش تتحاول تستفزني؟ واش نت واثق بلي تقدر تتعامل مع هادشي؟ الاستفزاز و السخرية من طه البناني؟ واش قلبك غادي يتحملو؟
ايفان بثقة: بطبيعة الحال! انا هو العضو الحاكم هنايا.. و نت غير عضو بحالك بحالهم..
مايكل ميق فيه: هاحنا غادي نشوفو..

ايفان ناض من بلاصتو و وقف ورا طه هبط لمستواه و هضر

ايفان مبتاسم: بماانك واعر.. جاوبني! شنو الحاجة لي تيبعدو منها الاذكياء؟
جايكوب: ايفان؟ واش هرب ليك؟ جيب داكشي خلينا نساليو.. راك تضيع ليا فوقتي
طه: الجواب هو النقد! و لكن انا عندي ميزاجوغ للسؤال.. و حيت نت هو العضو الحاكم هنايا و انا غير عضو بسيط فنتا عارف الجواب ديالو..

ايفان بعد من طه و بدا تيدور على طبلة و تيشوف فطه متصورش يكون هاكا تيجاوب.. صدمو..

ايفان: هضر!
طه مبتاسم: شناهي الحاجة لي تيضحكو عليها العباقرة؟
ايفان باستفزاز: تنظن تيضحكو على الناس لي بحالك!!
عبدالعزيز: ايفااااان!
طه فنفسو: مكلخ!

الكل غير تيشوفو فطه باش غادي يجاوبو..

طه: بغيتي تقول الناس لي مفيدهم والو؟
ايفان: بالتأكيد..
طه بضحكة: هههههه! بالضبط، و واش عارف بلي سامويل خوك رادك ضحكة؟

جايكوب بدا تيضحك غير خنزر فيه ايفان و هو يجمعها.. مايكل و عبدالعزيز غير تيشوفو فطه و بلي السحر انقلب على الساحر.. ايفان مرداش يسمع هاد الهضرة من دري عندو فقط عشر سنوات..

ايفان بحدة: منين جبتي هاد الهضرة..
طه مبتاسم: نت العضو الحاكم غادي تعرف حسن مني.. و لكن عندي مصادر ديالي لي سمعو تنقنيقات تيقولو بلي خوك طامع فالكرسي ديالك.. و هو فاش صيفط ليك رجالو باش يمحيك من الوجود نت كنتي مخبي فالطواليط!! و تترعد بحال الفار لي تيهرب من القط لي تابعو..

و فعلا هادشي لي كان حيت معندوش سلاح فداك الوقت.. زير على يديه غير تيشوف.. طه هاد المعلومات خداهم من شاذية.. ايفان تعصب ديال بصح و تيشوف فأعضاء لخرين لي غير تيشوفو فبعض مفاهمينش هاد الدري شنو تيقول.. و ايفان مكرهش يتلاح عليه و يقتلو فبلاصتو..

طه: ايفان! (باستفزاز ركز على كلمة عمي) عمي ايفان (غير طلع عينيه فيه و شافو شحال حاقد كمل هضرتو) سامويل باغي ينتاقم!!
مايكل: هادشي حنا عارفينو ا ولدي..
عبدالعزيز بلع ريقو: و شنو ناوي دير؟ يعني ايفان قال بلي عائلة البناني لي غادي تحاكم سامويل..
طه شاد فستيلو تيلعب بيه: انا غادي نخليه يضحك على راسو!! حيت عائلتي ماشي ضحكة.. (شاف فايفان بسخرية) نت ا عمي ايفان عارفني كثر منهم.. اولا؟ (بطنز) حيت نت هو العضو الحاكم..

طه تيبين ليه بلي نت حاولتي تتضحك عليا ورديتك الضحكة فنظرك شنو غادي ندير لخوك لي قتل ليا عائلتي.. اما ايفان محملش راسو كان ناوي يخلع طه و يبين راسو قدامهم..

حيت ايفان هو لي كان الصغير فيهم و بزز باش تقبلوه و بداو تيسمعو كلامو حتى خرج ليه طه من جنب.. تاجه لبلاصتو و جلس بحالا موقع والو مبغاش يبين تأثرو بهضرة طه قدام الكل.. خصوصا مايكل لي معاشر معاه مزيان و عرف بلي طه ولد عشر سنوات قدر يأثر فيه بزااف..

#يتبع