خبايا الزمن

الجزء 395

خبايا الزمن 🥀
#بارت-395...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

عبدالغفور صرفقها: باراكة من الكذوب..
شاذية باستهزاء: واش انا لي كذابة ولا نت لي مكلخ.. فنظرك علاش الحاج مخليها عايشة حتال دابا؟ راه لعب عليك مزيان.. هي بنتك من لحمك و دمك! عارف بلي نت باقي تتشوفها..
عبدالغفور: نتي معارفة والو! سارة ماشي بنتي.. اصلا فديك الفترة انا كنت مفارق عليها..
شاذية غير تتشوف فيه: مستحيل نتيق هضرتك.. لي باين باين

شاذية مشات و خلاتو هز تيليفونو و عيط للحراس باش يوقفو قدام غرفة شعيب.. و حراس خرين فدار اسماء تحسبا الا بغات تقتلها..

شاذية تاجهات للحمام دخلات و بدات تتبكي بحرقة.. هي كانت متيقة بلي سارة بنت عبدالغفور و كانت تتقول بلي سارة السباب باش باها تيبعد عليهم و تيخليه ديما قريب لأسماء.. و حتى الحاج كانت تتقول بسباب سارة مكانش تيخليها تقرب من اسماء ولا طوف بيها.. داكشي علاش فاش مات الحاج تيرات فأسماء.. و حتى فاش كانت سارة بين يديها كانت مقتانعة بلي سارة هي بنت باها.. و عذباتها مزيان غير باش تحاول تفدي فيها الكره ديالها من جهة مها..
و دابا ملي تفرگعات و قالت لشعيب كلشي اكتاشفات بلي جميع ظنونها خابو.. سارة متتجيها والو! ماشي ختها.. ماشي بنت باها.. و لي عذبها كثر هو هادشي ملي متتجيه والو علاش متيتفرقش على اسماء؟؟

شاذية تاجهات للمراية و تكات على لافابو غسلات وجهها مزيان و نشفاتو و هي تتشوف فالمرايا..

شاذية: خاصكي تشطبي اي واحد مباغاهش من حياتك.. و ليوم قبل غدا..

شاذية خرجات من المرحاض بابتسامة و عيطات لواحد من رجالها..

الراجل: مدام شاذية! هادي مدة
شاذية قاطعاتو: سكت و سمعني مزيان!! المشفى لي انا فيه دابا! غادي تقطع فيه الضو..
الراجل غير تيشوف: و لكن راه الناس غادي يموتو..
شاذية بمكر: هادشي لي بغيت!

قطعات معاه و خرجات من المشفى.. عبدالغفور طلع لعندهم و هو فقمة العصبية.. رؤوف شافو تاجه لعندو..

رؤوف: عمي ياك لباس؟
عبدالغفور: والو غير شاذية..
رؤوف: مالها؟
عبدالغفور بعصبية: شنو غيكون مالها؟ كانت ناوية تحيد البريز لعمك و تقتلو..
رؤوف: عمي لباس؟
عبدالغفور: متخافش عتقتو قبلما توصل ليه! و حطيت حراس قدام الغرفة..

رؤوف تنهد: اوا لباس..

داز الوقت،
يوسف وقف حدا رؤوف..

رؤوف: اش تم؟
يوسف: فنظرك!
رؤوف: آه! هداك الموضوع؟
يوسف: خاص القليل خمسين راجل و شاذية راك عارف
رؤوف: ولات تتنفد بيديها
يوسف بعدم فهم: شنو تتنفذ

رؤوف مبتاسم عاود ليه شنو قال ليه عبدالغفور.. و هو يشك..

يوسف: و فين هي دابا؟
رؤوف: مشات..
يوسف بقا تيفكر مدة: لا لا لا! غادي دير شي حاجة..

يوسف خدا تيليفون و عيط على واحد من رجال شاذية و علمو بشنو واقع..

يوسف بحدة: مغادي ديرو والو و لا انا لي غادي نگزركم نتوما و عائلاتكم..

أما شاذية، كانت لتحت تتكمي گارو و هي مبتاسمة تتسناه يقطع الضو..

الراجل: شنو بان ليك نقطعو ضو غير فالغرفة ديالو؟

شاذية حركات راسها بآه.. و هو يدخل للمشفى دار راسو تيقادو ضو.. وراوه فين..

شاذية: علاش وليت متساهلة لهاد الدرجة؟ (تفكرات هيثم و هي تبتاسم) نت بدلتي ليا حياتي..

عيطات ليه و جاوبها..

شاذية تتلحن سميتو: هيثم علوان..
هيثم ببرود: لاش معيطة؟
شاذية: عندي ليك مفاجئة..
هيثم: شنو؟
شاذية: طاحت عليا فكرة باش نقتل عمي..

هيثم صدماتو: شنو تتقولي؟
شاذية مبتاسمة: مشيت نحيد ليه البريز ميقدرش يعيش بلا ضو.. (بدات تتضحك) و لكن بابا مخلانيش و ضربني! عرفتي دار حراس قدام باب الغرفة بحالا منقدرش نقتلو.. و لكن انا شاذية!! نقتل مليون باش واحد يموت معنديش مشكيل..
هيثم بهدوء: و شنو قررتي؟
شاذية: قررت نقطع الضو على المشفى كامل..

هيثم دار شاف فالغرفة ديال طارق و غوت: لا! لا! تنقسم ليك و ديريها..

كلشي دار عندو شافوه خصوصا يوسف لي عرفو يقدر يكون تيهضر معاها.. هيثم بعد عليهم..

شاذية: علاش؟ مبغيتيهش يموت؟ هو السباب العذاب لي عشتي فيه.. بسبابو هجرتي عائلتك..
هيثم بحدة: نتي بالضبط مدخليش! فينك؟ (بأمر) و حبسي هاد الخرا دابا..

شاذية قطعات عليه معصبة و عيطات على الراجل و علماتو باش يحبس.. و صيقطات ميساج لهيثم..

✉️ "تخاصمت معاك! متبقاش تهضر معايا"
هيثم جاوبها
‎"حبستي داكشي؟" ✉️

شاذية مجاوباتوش تعصب و خدا لاسانسور و هبط متاجه للخارج.. بقا تيعيط ليها و هي متتجاوبوش.. طلع فطونوبيل.. و كمل تعياط والو.. غير تيقرا الميساج لي خلات ليه تيبغي يبخ الدم.. كيفاش تتصرف هاكا و بدونما تعتابر حد عصباتو بزااف.. خصوصا الميساج لي صيفطات ليه..

#يتبع