خبايا الزمن 🥀
#بارت-279...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀
معتز: لا! ماشي هو.. و بلاما تسوليني..
صفاء بصدمة: واش ماشي ولد سمير؟ اويلي! واش خانتو؟ واش هادشي باش سارة هدداتها؟ ميمكنش..
معتز بحزن: رؤيا كانت عينها عليا.. و حطات ليا مخدر و انا معقلتش شنو وقع.. و هاكا تزاد حتى قربات تولد عاد عرفت و فاجآتني بلي مني.. متيقتهاش و ملي درت تحليل لقيت بلي هضرتها صحيحة.. هادا ولدي..
بعد مرور أشهر
فالمغرب
صفاء و معتز تزوجو و رجعو للمغرب.. صفاء حبسات قرايتها و رجعات معاه على قبل طه.. و شراو الدار و هو خدام فالمشفى.. حتى لواحد النهار عرفات واحد الحاجة بخصوص طه خلاتها شكات فجميع داكشي لي قال ليها و دارت التحليل طه مع سمير.. و كانت المفاجأة، طه ولد سمير.. تعصبات بالجهد حسات براسها اكبر حمارة على وجه الأرض.. و ملي رجع كان طه ناعس.. و شافها مخنزرة.. حتى وراتو التحليل..
صفاء بعصبية: رادني حمارة؟ و انا لي متيقاك! هاد الولد ديال سمير.. ماشي منك.. يعني رؤيا عمرها خانتو و هادشي غير فراسك!! علاش كذبتي عليا؟
معتز: شنو تديري؟
خدا الورقة و قراها..
معتز: كاين غلط فالتحليل انا متأكد بلي طه ولدي..
صفاء باستهزاء: انا ماشي مكلخة ا معتز.. ياك نت طبيب و عارف بلي الا كانو والديك بجوج عندهم زمرة الدم O فالولد بالضروري يكون O.. و رؤيا و سمير بجوج عندهم نفس زمرة الدم لي فطه عكسك نت لي عندك AB و مستحيل O وAB يعطيو O.. يعني واخا يكون داك التحليل غالط فمستحيل يكون طه ولدك!!
معتز فاجآتو صفاء مكانش متوقع هادشي بالمرة.. و هو يقرر يعتارف ليها بالحقيقة..
معتز: عندك الحق الولد ماشي مني!! من سمير!! و لكن هادشي متيعنيش بلي انا ماشي باه.. انا لي غادي نربيه و انا لي غادي نكون ليه اب و نتي ام..
صفاء بحدة: تماك غادي تحبس! انا مستحيل نشارك فهادشي..
نهاية لفلاش باك ***
رؤوف: قولي؟ علاش؟
صفاء بتوثر عينيها دمعو: فلول مكنتش عارفة بلي ولد سمير تنحلف ليك.. اه كنت عارفاه من رؤيا.. و كانت فالحبس و قال ليا بلي هي عيطات ليه و قالت ياخدو باش ميحطوهش فالميتم و يكبر بدون ام و اب..
رؤوف غير سمعها شنو تتقول جر الكرسي و جلس حداها تيسمع ليها
رؤوف: كملي
صفاء: قال ليا! قال ليا بلي رؤيا يعني الولد ديالو من صلبو و ديال رؤيا..
رؤوف غير سمعها شنو قالت وسع عينيه بصدمة: واش هادشي لي قال؟
صفاء حركات راسها بأه و كملات: قال ليها بلي دارت ليه شي حاجة و وقع لي وقع بيناتهم و هاكا باش تزاد طه..
ماشي غير رؤوف لي كان تيسمع حتى طه.. لي من مورا ما مشا حس بتأنيب الضمير و رجع باش يقضي شوية ديال الوقت مع صفاء حيت حس بيها تقلقات حتى تفاجأ بشنو تيسمع..
رؤوف: و وقتاش اعتارف ليك بلي ماشي ولدو
صفاء هبطات ليها دمعة: انا لي جبرتو على هادشي!!! فواحد الفحص اكتاشفت فيه بلي طه زمرة ديال الدم ديالو O لي هي نفس الزمرة ديال رؤيا.. و حتى سمير.. اما معتز فهو عندو AB يعني مستحيل يكون طه ولدو.. هو الف ديك القصة باش نتيقو و لعبها عليا مزيان حتى وافقت نتزوج بيه.. و كل مرة تنكتاشف حاجة جديدة.. و كل مرة تيلقى باش يقنعني.. و لكن ملي عرفت بلي رؤيا قالو ليها ولدك مات.. تماك صافي دابزنا و من بعد انا صيفطت ليها رسالة بلي ولدك باقي حي..(متخيلش شحال ندمانة حيت صيفطتها ليها) الكل كان متيق بلي ولدها مات.. كن مصيفطت ليها والو مكانتش غادي تقلب عليه ولا تلقاه.. هو لعبها مزيان لدرجة حتى من الجثة ديال دري صغير لقاها باش يشوفها عبد العزيز و يتيق.. و من بعد، وقع ليه مشكيل حيت والدين داك الدري بغاوه و كانت غادي تضرر المشفى فعطا فلوس كثيرة باش يوهمو عبدالعزيز بلي راه دفنو..
رؤوف غير تيسمع ليها و هو مصدوم من أفعال معتز..
#يتبع
أنت تقرأ
خبايا الزمن
Mystery / Thrillerتقديم 🙋🏻♀️جيت ليوم و جايبة ليكم الجديد قصة جديدة لي نتمنى تنال الاعجاب ديالكم🥰🥰 من بعد نجاح قصتنا "حب نتيجة خطأ طبي" قررنا نكتبو قصة جديدة بجوج بعنوان: ⏳خبايا الزمن⏳ بقلم: Lay Lã & Sarah Sarrita القصة ما طويلة ما قصيرة لكن تتجمع بين 💥#الحب �...
