خبايا الزمن

الجزء 302

خبايا الزمن 🥀
#بارت-302...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

عبدالعزيز بهمس: رؤيا! ردي البال!
رؤيا بقلق هضرات بهمس: فين غادي؟
عبدالعزيز بهمس: أنا معاك! يلاه..
رؤيا شافت فطه: يلاه أ ولدي..

طه غير تيشوف مفاهم والو..

رؤيا: شنو غنديرو دابا؟

عبدالعزيز سد الباب ديال البست بالساروت و شاف فرؤيا..

عبدالعزيز: أجي جري معايا الأثاث لي هنا باش منخليوهمش يدخلو على الأقل حتى يجي خوك..

حركات راسها بآه.. و هزو واحد الكوافوز فيه مرايا تماك حتى حطوه قدام الباب.. و بقاو هاكا تيجمعو الأثاث قدام الباب باش ميقدر حد يدخل عليهم..

رؤيا بهمس: و هيثم؟ واش قلتيها ليه؟ يعني جاي؟
عبدالعزيز: آه! هو جاي.. غير غادي يتعطل.. تنظن صيفط محسن..

رؤيا بخوف تتهز معاه يحطو قدام الباب و تيهضرو بهمس..

رؤيا بخوف: واش حماقيتو؟ محسن معندوش السلاح! هو ماشي بحالكم.. عمرو قتل شي حد..
عبدالعزيز: متخافيش عليه! انا متأكد عارف شنو تيدير و مستحيل يعرض حياتو للخطر
رؤيا مخنزرة: أنا مفهمتش علاش لي متعيطوش للبوليس ؟

غير كملات هضرتها بداو تيسمعو فطلقات نارية.. و رؤيا عاد تفكرات حفيظة..

رؤيا: حفيظة!! فين كاينة؟
عبدالعزيز: متخافيش.. أصلا كنت غادي نديكم لعندها عيطت ليها باش تهبط للقبو و تسد عليها هي و جميع الناس ديال القصر.. من غير دوك الحراس لي خليتهم باش يعاونونا شوية..

رؤيا تعصبات و هي تشوف طه خاسر ليه نعاسو و مفاهم والو.. قدام الباب عمروه بالأثاث ديال بصح و هو يهضر طه..

طه: نسيتو البالكو!!
رؤيا تيشوف تماك.. كان مسدود و لكن المشكيل هو الباب ديالو من الزجاج.. شافت فعبدالعزيز بخوف و هو يطمنها و مشا سد الباب ديالو و شاف فيها..

عبدالعزيز: الزاج لي عندنا فالقصر كولو محمي ضد القرطاس.. ولكن خاصنا نحطو حتى هنا الأثاث باش نعطلوهم شوية..

و داكشي لي كان جرو الناموسية و الطوابل ديالها حطوهم قدام الباب من بعدما دارو الخوامي للباب باش ميبان والو.. صوت القرطاس غادي و تيتمجهد.. و سي عبد العزيز شاد تيليفونو تيهضر مع مصطفى و الحارس لاخر لي فينما تيبان ليهم جسم غريب تيطلقو القرطاس.. حتال واحد اللحظة مصطفى علم عبدالعزيز بلي مبقاش عندهم السلاح باش يدافعو على راسهم.. عبدالعزيز صيفط ميساج لهيثم باش يشوفو فين وصل..

وهما يسمعو فران قوي ديال شي طونوبيل و عبدالعزيز جاه الشك.. هبط عينو فتيليفونو جاه ميساج من هيثم بلي باقي ليه باش يوصل..

أما برا كان محسن قدام القصر و تيدير حركات استعراضية بطونوبيلتو.. و هو قارن حواجبو و خايف تجي شي دقة من شي جهة و يموت.. مهبط راسو باش متجيهش الدقة..

محسن بطنز تيهضر مع راسو: فآخر أيامي نولي بحال المهرج..

و اعضاء المافيا فعلا خرجو من القصر و تيشوفو فيه شنو تيدير تشتت انتباههم كلهم وجهو سلاحهم للطونوبيل و واجدين باش يتيريو فيها.. محسن سبقهم كيكلاكصوني بالجهد ثلاثة ديال المرات .. ملي طلع راسو شوية تيختالس النظر و هو خايف تجي فيه شي قرطاسة بان ليه الأغلبية خرجو و موجهين ليه السلاح..

محسن: قوا**دت!!

و فهاد الأثناء تشيرو على الرجال لي باغين ينهي عائلة عبدالعزيز.. واحد ثلاثة ديال القنبلات مفهموش كيفاش حتى تلقاوهم.. و مجاو فين يهربو حتى بعد محسن بسرعة كبيرة من حداهم و خلاهم يواجهو الموت بدون ميعيق.. و تسمع الانفجار ديال القنابل..

#يتبع