🥀خبايا الزمن 🥀
#بارت-61...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀ًوصل ليل
عبد العزيز عاد دخل للقصر يلاه غيتوجه للجناح ديالو بانت ليه رؤيا جالسة فالدروج لي غير شافتو وقفات..رؤيا: خاصنا نهضرو!!
عبد العزيز مخنزر: تبعينينمشيو لجهة خرا
دار معتز و بالضبط غرفة طه.. صفاء ناعسة حداه و خاشياه فشونها عينيها تيهبطو بالدموع.. أما طه ناعس معتز واقف قدام الغرفة و تيشوف فيها..معتز: صفاء! صافي براكا راه نعس!!
صفاء ناضت من حداه و عطاتو قبلة طويلة على الجبين ديالو و عاد خرجات هي و معتز من تماك متاجهين لغرفة النوم ديالهم..معتز: صفاء! تاشي حد مغادي ياخدو.. كوني هانية!!
صفاء: طه ولدي.. ياك؟
معتز عنقها: آه! هو ولدنا.. مولد تاشي حد آخر طه ولدي أنا وياك غادي نكبروه قدام عينينا!! و يتخرج و يتزوج و نشوفو ولادو..
صفاء مبتاسمة: ياك! انا متنحلمش؟؟
معتز: لا! حنا متنحلموش طه هو من دمنا هو ولدنا حنا ماشي ولد حتى شي حد آخر..قرب ليها كثر و كثر و حط شفاههم على بعض و اندامجو فقبلة تيعبرو فيها على مواساتهم البعض..
فقصر عبد العزيز مرابط
فغرفة المكتب
عبد العزيز جالس فالبيرو و قدامو رؤيا جالسة..رؤيا: نت دابا عارف كلشي!!
عبد العزيز تيحك لحيتو: رؤيا سمعيني مزيان ا بنتي.. ولدك راه مات و انا بيدي دفنتو!! و الا بغيتي تحيدي الشك ماكاين مشكيل واخا مباغيش نديرها.. نديرو ADNرؤيا حركات راسها بآه..
عبد العزيز: رؤيا! ديري عقلك.. و خليني نتيق فيك بحال قبل.. انا راه عرفت شنو وقع المحامي ديالي هو لي غيتكلف خاص الكل يعرفك مدرتي والو.. و خاص نطالبو بالتعويضات على شنو وقع ماشي عبد العزيز مرابط لي يوقع ليه هادشي و يسكت!!
رؤيا باستهزاء: هادشي فات عليه لفوت!! انا بغيت غير نسا.. نسا بلي شي نهار كنت فالحبس و نلقا ولدي..
عبد العزيز: راه غير شي حد باغي يلعب بيك هو لي مصيفط ليك ديك الورقة.. و شكون قال يقدر يكون المحامي ديالك نيت باش تقبلي بيه!!
رؤيا: محسن مستحيل يدير شي حاجة بحال هادي!
عبد العزيز مد ليها واحد الكارطونة: هاكي عيطي عليه نشوفو! و نتعرف عليه دار داكشي لي مصطفى مداروش شحال هادي يعني راه متمرس!!
رؤيا: لا! اول موكلة عندو هي انا و متخلصش من عندي و مبقاش عندو الفلوس..
عبد العزيز: غادي نشدو باش يخدم معايا!!رؤيا هدات الكارطونة حلاتها لقاتها فيها تيليفون..
رؤيا ناضت من بلاصتها هازة تيليفون: الله يخلف!
أنت تقرأ
خبايا الزمن
Gizem / Gerilimتقديم 🙋🏻♀️جيت ليوم و جايبة ليكم الجديد قصة جديدة لي نتمنى تنال الاعجاب ديالكم🥰🥰 من بعد نجاح قصتنا "حب نتيجة خطأ طبي" قررنا نكتبو قصة جديدة بجوج بعنوان: ⏳خبايا الزمن⏳ بقلم: Lay Lã & Sarah Sarrita القصة ما طويلة ما قصيرة لكن تتجمع بين 💥#الحب �...