خبايا الزمن

الجزء 292

خبايا الزمن 🥀
#بارت-292...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

تاجهات للدريسينگ
كان فيه حوايج قلال و بعض الروايح نفس النوع لي معتز هداها لسارة.. ابتاسمات خدات الريحة مقبحة وجهها و هي ترش عليها الريحة.. و خرجات من تماك..

هبطات لتحت شافها هيثم دار ليها اشارة بمعنى فين مداتهاش فيه و هو يتبعها..

هيثم جرها من دراعها: رؤيا! فين غادي؟ فهاد الوقت؟
رؤيا تنترات منو مخنزرة: نت لي نسيتي بلي حنا فالمغرب و فدار خالي يعني من غيرو تاشي حد ميتحكم فيا!! سير عند الحاج البناني و تحكم فيه كيف بغيتي.. سولو علاش قتل بابا و ماما.. فعاود متسولني انا علاش خارجة.. و اصلا خالي عطاني مصطفى هو لي غادي معايا..

خرجات و خلاتو معصب لأقصى درجة.. ركبات فطونوبيل و مصطفى سايق.. اما هيثم عيطو عليه و علموه بقدوم أيمن شي لي جاه فشكل..

هيثم حط تيليفون فوذنو: انا جاي!!

فجناح طه
شاد الدفتر و تيقرا فيه داكشي لي استنتج هي طيح عليه فراسو فكرة.. هي علاش لي ميكتبش اسماء الناس لي شاك بلي يقدرو يكونو هما لي قاتلين.. بدا تيفكر فشنو وقع.. هيثم عارف بلي رؤيا عارفة القاتل و ساكتة.. و فنفس الوقت سمير عارف شكون لي قتل حيت رؤيا قالت ليه.. يعني دابا ثلاثة لي عارفين القاتل.. القاتل، سمير و رؤيا..

سمير مكانش عارف رؤيا كانت فالحبس.. هادشي تيعني يلاه اكتاشف القاتل.. و بقى ساكت؟ بسبابو رؤيا بقات فالحبس سنين يعني غادي يكون حاقد عليه.. و رؤيا شنو لي يخليها تسكت و تخبي هوية القاتل؟ مقالتهاش لهيثم واخا عارف بلي راها عارفة شكون.. علاش؟ كاينين جوج اسباب: يا اما خايفة على القاتل ولا خايفة من القاتل..

طه فنفسو: الا كانت خايفة من القاتل، غادي يكون هددها بعائلتها داكشي علاش مقالت والو لهيثم و لكن علاش قالتها لسمير؟ (حل عينيه مصدوم) زعما يكون من عائلتو؟ شكون؟ ميمكنش تكون ماما!!! مستحيل حيت الا كانت رؤيا خايفة منها مغاديش تقدر تضربها فالحفلة.. و شكون؟ و الا كان الاحتمال الثاني هو لي صحيح؟ غادي يكون يا إما خالها ولا هيثم لالا هيثم مستحيل يكون هو القاتل.. حيت يلاه اكتاشف موت سارة.. اووووف! كيفاش غادي نعرف انا؟

ابتاسم و هو يهبط تيجري لتحت بان ليه عبد العزيز فالجردة شاد الجورنال و تيشرب من القهوة لي يلاه حطاتها ليه حفيظة.. مشا لعندو مبتاسم بقا واقف و غير تيشوف فيه و كل مرة تيشوف فيه و تيقرى الجورنال.. بتاسم ليه..

عبدالعزيز: عرفتي خالك هيثم فاش كان صغير و تيبغي يطلب مني شي حاجة تيوقف عليا و يبقى يشوف فيا.. هههههههه.. فكرتيني فيه محيدات ليه هاد القاعدة حتى دار عشرين عام..
طه مخنزر: انا متنشبهش ليه..
عبدالعزيز: و لمن تتشبه؟
طه: لتاشي حد..
عبدالعزيز: جلس حدايا ونسني بعدا..
طه جر الكرسي و جلس حداها: نلعب معاك شطرنج..
عبدالعزيز: و الا ربحتيني نشري ليك داكشي لي بغيتي؟

طه معجبوش الحال حيت عاق بيه

عبدالعزيز مبتاسم: متقلقش راه بحال هيثم فاش كان صغير تيدير السبة بالشطرنج باش ناخد ليه لي بغا..
طه: هي نت معتارض؟ ولا خايف؟
عبدالعزيز: مناش غادي نخاف؟
طه: غنربحك!
عبدالعزيز تقاد فالجلسة: الا كنتي مولف تربح عائلة البناني.. فحنا عندنا مختالف شفتي رؤيا لي هي اكلخ وحدة فينا و متقدرش تغلبها فالشطرنج..
طه حس بيه تيقلل منو و هضر معاه بحدة: خلي يديه و عقلك لي يخدمو ماشي لسانك
عبدالعزيز: و الا انا ربحت؟
طه بتحدي: مغاديش تربح!
عبدالعزيز: الا انا ربحت ملي تجي ماماك غادي تعنقها و طلب منها السماحة حيت على داكشي لي قلتي ليها..
طه: موافق!!

فبلاصة خرا
هيثم وصل قدام باب ديال دار سارة

هيثم: فينو؟
واحد من لي كارد: لداخل
هيثم: كاين شي حد لداخل؟
الكارد: كيفما وصيتينا بلي تاشي حد مخاصو يدخل للدار..

هيثم حرك راسو بآه و دخل..

سد لباب و تاجه لصالون فين كان ايمن فقمة الغضب لدرجة غير شاف هيثم و هو يوجه سلاحو فيه كاتم الصوت لجهة هيثم و تيرا فيه.. جاتو فصدرو و زاد تيرا فيه مرة خرا جاتو قريبة للقرطاسة الأولى حتى طاح للأرض.. و ايمن بقا تيشوف فيه بحقد..

ايمن عينيه غرغرو: شكون تكون فملك الله باش تغتاصبها؟ ها؟ واش عارف شكون شاذية؟ هي ختي!!! قستها بحالا قستيني انا.. هي اكثر وحدة بريئة فينا كاملين..

#يتبع