خبايا الزمن

الجزء 392

خبايا الزمن 🥀
#بارت-392...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

و قبلما تكمل هضرتها ركلاتها بالجهد حتى طاحت فالأرض مألمة.. و تلاحت عليها غير تتضرب فيها.. و بردات فيها جنون داكشي لي عاشتو ليوم طه خرج من تماك تيعيط ليهم عاد دخلو فكوهم..

صفاء تشعكات مقدراتش دافع على نفسها و رؤيا باقة تتركل باغة تزيد ضارب معاها حتى خرجها سمير من تماك..

سمير بحدة: صافي ا رؤيا! (بعتاب) طه جاتو نوبة هلع الولد مريض و نتي تدابزي قدامو؟ شنو باغة تزيدي تمرضيه؟
رؤيا باحتجاج تتهضر و هي تترعد: هي لي جبداتني قالت عليا مجرمة منقدرش نربي ولدي.. (بداو تيطيحو ليها الدموع) واش بغيتيني نسكت ليها؟؟ ندير بحالا موقع والو؟
سمير تنهد: رؤيا! نتي عارفة طه شنو عاش فعام واحد حياتو تقلبات راسا على عقب.. حنا خاصنا نكونو فجنبو ماشي نزيدو عليه.. صفاء رباتو و فواحد الوقت كانت هي مو..

رؤيا قاطعاتو بحدة: انااااااا هي لي مووو اناااااا!!

سمير حط يديه على حناكها: رؤيا! حطي راسك فبلاصتو.. عرفت بلي صعيبة تتقبليها و حتى انا نهار شفتو ناعس وسط صفاء و معتز حرقت السرير.. مقدرتش نتحمل يقول لشي حد اخر من غيرنا بابا و ماما.. و لكن حطي راسك فبلاصتو.. ماشي غير هادشي حتى الاختطاف عاشو.. و الفاجعة ديال الموت.. (بحزن) و دابا طارق

رؤيا: ياك غير حادث..

سمير: حالتو باقي خطيرة..

سمير عنق رؤيا: غادي يفوت هادشي كامل..
رؤيا: خاصني نهضر مع لمياء! ديما واقفة جنبي!
سمير: يلاه نخرجو من لهنا..

داخل الغرفة صفاء تتبكي و يوسف غير تيشوف فيها..

يوسف: علاش هضرتي معاها هكاك؟
صفاء: علاش تاشي حد فيكم محاس بيا؟ انا لي ربيتو ملي كان صغير هو ولدي انا!! بزز باش تنصبر راسي.. مشفتيش تيقول ليها ماما.. و حتى هي متيقة راسها! هاديك الكلمة متستهلهاش.. غادي تخليه يولي قتال بحالها..
يوسف: واقلة نسيتي عائلتك و التاريخ ديالها.. غير قولي ليا عمرك قتلتي شي حد؟

صفاء بقات ساكتة

يوسف: طه باقي صغير! و الا فعلا معتابراه ولدك غادي تشوفي مصلاحتو ماشي تكوني السباب فتعاستو.. صفاء! انا مغادي نلومك على والو حيت لي وقع وقع.. و لكن، غادي نلومك على لي جاي.. حاولي تبداي من جديد.. نساي صفحة لي فيها زواجك من معتز.. و بداي صفحة جديدة.. متنسايش داكشي لي قلت ليك..
صفاء: و لكن

يوسف شد ليها يديها: الطلاق مستحيل نسمح فيه فعائلتي.. الا بغيتي دوري الصفحة علميني.. و من دابا حتال النهار لي غادي تعطيني قرارك.. مستحيل نخليه يقرب منك و لول بكيلومتر واحد..

صبح الصباح بأحداث جديدة

الجميع كانو فالمشفى عند طارق من غير هيثم و شاذية لي باقي مفخبارهم والو.. فاقت على قبلات فوجهها حلات عينيها لقاتو هيثم..

شاذية: شنو تدير؟
هيثم: ياك قلت ليك متسوليش..

شاذية مبتاسمة تقادات فالجلسة قربات ليه باش تطبع قبلة على الشفاه ديالو حتى مبقا تيفصلهم والو صونا تيليفون ديال هيثم.. دار شاف فتيليفون..

شاذية: مغاديش تجاوب؟

تتهضر و تتحرك يديها على دراعو.. ناض من خداها خدا تيليفون و جاوب..

هيثم: مالك مصدعني على الصباح؟
محسن: حنا فالمشفى اجي!!
هيثم بقلق: كيفاش؟ شكون لي
محسن قاطعو: طارق دار حادث
هيثم ببرود: و انا مالي؟
محسن بحدة: طارق تيموت!! الا بغيتي تسامح معاه اجي

هيثم قطع عليه و لاح تيليفون بإهمال شاذية ناضت لعندو..

شاذية: شنو واقع؟
هيثم: طارق حالتو حرجة.. دار كسيدة معرفتش شنو واقع بالضبط
شاذية: شحال مزال من واحد غادي يموت؟؟
هيثم ساهي: معرفتش.. كنا صحاب انا وياه.. و عارف علاش مشيت و خليت عائلتي.. أمنتو على ختي يديرها فمقام ختو.. و هو خان الأمانة..
شاذية: و دابا؟
هيثم: فشكل!والديا ماتو.. محسن عاش بعيد.. سارة ماتت.. جدة ماتت و دابا طارق
شاذية: هيثم.. خاصني نقول ليك واحد الحاجة.. قالها ليا عمي
هيثم شاف فيها: شكون فيهم؟
شاذية: شعيب البناني!!

**فلاش باك
أحداث من الجزء 300

بقات غادية و هو يبان ليها جناح عمها.. حلاتو دخلات لقاتو فالأرض و صدرو عامر بالدم و عينيه محلولين قربات منو..

شعيب بزز نطق: شا ذ شا شاااذية!
شاذية: واش خايف؟ فين لالة عتيقة؟ فين عبد الغفور؟
شعيب بتعب: ب بن بنتي! ك لشي م م مات!؟ ع ع ع عائ لة الب بناني ول اات م من الما ضي.. 400 عام مش مشا مشات غ غي غير هكاك..
شاذية: لا.. يعني انا باقي حية!
شعيب: ر ردي الب ال ل ولد سمير! خ خا صو ه ه هو ي يع يعني الع عائلة هو لي ي العائ لة مغ اديش ت تموت الا بقى ح حي.. يك مل و ي يول د!
شاذية تنهدات: يعني بابا و ماما ماتو؟
شعيب بتيحاوب يهضر لسانو ثقيل: هجمو قل ليه هو خ خ خاص ياخد ان نتق تقام..

شاذية مبقات فاهمة منو والو و هي تقرب وذنها من فمو و بدا تيهضرو هي تتسمع ليه.. بقات هكاك مدة و هو تيهضر، حتى فقد الوعي و هي تنوض مصدومة..

نهاية لفلاش باك **

هيثم: و شنو قال ليك؟

#يتبع