خبايا الزمن

الجزء 281

خبايا الزمن 🥀
#بارت-281...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

لتحت كان الكل مخلوع حتى طمنهم يوسف بلي مكاين والو من بعدما تيقن بنفسو.. طه بقا فجناح شاذية ناعس فالناموسية حاسس بالإرهاق.. اما صفاء.. مشات لجناح طه.. حلاتو و دخلات باش تبقى معاه شوية و تعنقو شم ريحتو.. لكن مع الأسف، مكانش.. رجعات لجناحها و تكات على الناموسية مغمضة عينيها..

بعد مرور اسبوع
تاشي حاجة متبدلات من غير "البيكدو" لي صيفطو رسالة للحاج

"طه البناني خاصو يعيش مع مو! و الا الاعمال ديالنا غادي توقف.. عندك 24 ساعة"

الحاج عينيه حمارو.. كيفاش يطلبو منو هادشي؟ واش غير حيت محضرش معاهم للاجتماع لي تيقولو ليه الطاولة؟ داكشي علاش تيعاقبوه هاكا؟ كمش الورقة بغضب و عيط لإيفان گورين لي هو العضو الحاكم ف"البيگدو" لكن قطع عليه.. هادشي زاد عصبو كثر و كثر و هو يعيط ليوسف باش يخلي كلشي و يجي لعندو.. داكشي لي كان..

يوسف: الحاج بغيتي شي حاجة؟
الحاج بغضب: المحامي؟ ياك خو رؤيا؟
يوسف: اه! هادشي لي عرفنا
الحاج بشر: علاش باقي مماتش؟ هو هدد السكينة لي فالعائلة و قلت ليك قتلو علاش لي مقتلتيهش؟
يوسف مصدوم: و لكن راه هو فرد من عائلة عبدالعزيز مرابط لي هو بحالك بحالو عضو ف"البيگدو" يعني الا قتلن
الخاج قاطعو بصوت عالي: قلت لييييك قتلووووو!!!! انااااا نورررييييهم بشحال تيطيح يهددو فيا!! و دابا ولا حتى ايفان معاهم.. ولد القح**بة باغيني انا نعطيهم حفيدي.. و تيهددني من لفوق
يوسف تيرطب معاه: الحاج! تاشي حد ميقدر يمنعك تشوف طه و لكن راه
الحاج قاطعو: و ليتي تتقول هضرة فوق هضرتي؟
يوسف: الحاج غير سمعني!
الحاج بالغوااات: دييير لي تنقووول ليك علييه و مترجع حتى تقاد كلشي!!

يوسف حدر عينيه و هو رافض يقتل فرد من عائلة عضو "البيگدو" حيت هادا بحد ذاتو دنب كبير "البيگدو" متيسكتش عليه..

نمشيو عند طه
كان غارق فالتفكير و تيقرا فالدفتر ديالو.. شي حاجة ماشي حتال لهيه.. صفاء كانت اكدات بلي قال ليها معتز سارة ماتت مقجوجة.. و لكن فسوشيال ميديا دايرين بلي ماتت بسبب ضربة فالرأس..

شد تيليفون و عيط لمحسن تيليفونو بقى تيصوني مدة عاد جاوب..

محسن: سي طه!
طه بجدية: قلتي ليا بلي نت محامي؟
محسن: اه!
طه: كيفاش ماتت ديك البنت لي سميتها سارة؟
محسن: بضربة قوية على الراس
طه: و شكون صيفط الرسالة
محسن جاب ليه الضحكة: سارة
طه: قلتي بلي الساعة لي تصيفطات فيه الرسالة و الساعة ديال موت نفسها؟
محسن مبتاسم: اه!
طه: واش كانو آثار ديال الخنق فعنق سارة؟

محسن تبدلو الملامح ديال وجهو حيت هاد المعلومة مكايناش فالعلن..

محسن: و نت منين عرفتي؟
طه: جاوبني اه ولا لا!
محسن بارتباك: اه!
طه: و كاينين الشهود بلي رؤيا كان عندها الهاتف لي نفسو فيه الميساج؟
محسن: اه!
طه: صافي فهمت! شكرا بزااف
محسن: شنو لي فهمتي؟
طه: عرفت شكون صيفط الميساج..

طه قطع معاه و خلاه غير تيحك فلحيتو مفاهم والو لكن دغية تبدل لمود ديالو فاش وصلاتو رسالة من آية فهاد الاسبوع ولاو قراب بزااف.. أما طه غير تيشوف..

#يتبع