خبايا الزمن 🥀
#بارت-259...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀سمير غير تفكر هاد الحدث بدا تيضرب يديه مع الحيط.. كان فعلا ناوي يقتل شاذية.. و فنفس الوقت، باغي يتيق البراءة ديالها.. بقا غير تيضرب يدو مع الحيط و الما هابط عليه حتى جرح يديه..
فالجردة
المعازيم بداو تيجيو للحفل لي بدات بكري باش يحتافلو بنجاح طه و لكن الحاج كان باغي يعرفو كاصغر حفيد لعائلة البناني.. الحفيد لي غادي يحمل الاسم ديالو و يكمل على طريق العائلة.. الحاج عندو بزااف ديال المخططات، على حياة طه.. خصوصا ملي شافو تيهضر بحرية و تحداه امام الكل بدون خوف.. طه حتى هو هبط للحفل من بعدما كان لابس كوستيم فالأسود و مطلع شعرو جا غزال.. صفاء تاهي هبطات كانت لابسة كسوى فالمارو و دايرة ماكياج خفيف مخلية شعرها مطلوق.. و حداها كان معتز لي تاهو لابس سروال كلاس و قميجة فالأبيض حال جوج صدفات لولين.. و شاد صفاء من دراعها.. و مرة مرة تيتغزل فيها..صفاء: عندي ليك مفاجأة ملي يسالي الحفل..
معتز باشها فحنكها: اي حاجة من عندك مرحبا!فجهة خرا كان مروان جاب هند و طلعها لجناح ديال ايمن من بعد ملقاو شاذية غايبة عن الوعي و عامرة بالدمايات..
يوسف: هادي هي الطبيبة؟
مروان: اه هي هادي!
يوسف قرب منها و زير على دراعها: الا ماتت حتى نتي غادي تبعيها!هند بلعات ريقها كانت عارفة بلي هاد الخدمة فيها ان.. حتى بقات راسها تتعالج الناس من وسط مشبوه.. كاين لي مضروب بالقرطاس و كاين لي محيدين ليه صبع و كاين لي عامر كدمات.. و لي مصعوق بالكهرباء.. فهمات علاش مروان ختارها و علاش قال ليها الا قبلتي معندكش الحق ترجعي لور
***فلاش باك
احداث من الحزء 162مروان: سلام! انا مروان.. شنو توافقي؟
هند: يعني بغيت غير نعرف المشفى فين كاين!
مروان ابتاسم: معندك متعرفي فين كاين! حيت كيفما قلت ليك الا بغيتي خدمة راها واجدة بغيتي حاجة خرا مكايناش..
هند بحماس: اكيد باغة نخدم و لكن
مروان قاطعها: ولكن متنبغيش نسمعها سؤالي واضح الجواب ديالو يا "آه" يا "لا" ماكينش شي حاجة خرا!! و من مورا متقبلي معندكش الحق ترفضي..
هند تتفرك فيديها بتوثر و مفهمات منو والو علاش هي بالضبط و شنو هاد الخدمة؟ و علاش معندهاش الحق تعرف عليها شي حاجة قبلما توافق؟ هاد الأسئلة كلهم تيدورو فراسها و مقادراش تسمعهم ليه خايفة يرجع عن قرارو و تخسر الفرصة الوحيدة باش تخدم.. بقات تتفكر مدة و هو غير تيشوف فيها و مرة مرة تيحضي مع الساعة.. عاد جاوبات..هند: واخا انا قابلة!
مروان ابتاسم: مزيان! ملي تبدا الخدمة نعيط ليك..نهاية لفلاش باك ***
هند لقات راسها غاطسة فهاد العالم كطبيبة مشبوهة تتعالج الناس المشبوهين باش ميتعرضوش لأسئلة الشرطة شكون و كيفاش و علاش.. تاجهات للسرير فين حاطين شاذية..
يوسف خرج و خلاها.. تاجه عند ايمن معصب..
يوسف: شكون مول الفعلة؟ شكون لي دار ليها هاكا؟ شكون تجرأ؟
ايمن: معرفتش.. معندي تاشي معلومة..
يوسف بعصبية: على هادا ماشي جناحك؟
ايمن بتوثر: اه ديالي و لكن ملي رجعت ليقيتها هاكاك..
يوسف: و علاش كانت عندك؟
ايمن: كنا تنهضرو حتى جا سمير و بقا معاها..
يوسف بتعجب: سمير!؟#يتبع
أنت تقرأ
خبايا الزمن
Misterio / Suspensoتقديم 🙋🏻♀️جيت ليوم و جايبة ليكم الجديد قصة جديدة لي نتمنى تنال الاعجاب ديالكم🥰🥰 من بعد نجاح قصتنا "حب نتيجة خطأ طبي" قررنا نكتبو قصة جديدة بجوج بعنوان: ⏳خبايا الزمن⏳ بقلم: Lay Lã & Sarah Sarrita القصة ما طويلة ما قصيرة لكن تتجمع بين 💥#الحب �...