خبايا الزمن 🥀
#بارت-151...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀ً**فلاش باك
قبل 24 عام
رؤيا كانت عندها ست سنين و هيثم 12 عام دخلات لعندو لييتو و هي غير تتشوف و هو عينيه منفوخين بالبكا..رؤيا: متبكيش راه بجوج غيدخلو الجنة!! حتى لبيبي.. ملي غنموتو غنتجمعو تماك..
هيثم زير على يديه: انا متنبكيش!! و اناو هو يسكت و رؤيا بقات تتشوف فيه ببراءة باغة تعرفو شنو باغي يقول ليها و غير شافتو سكت مشات لعندو و عنقاتو بيديها الصغار..
رؤيا: ياك نت مغاديش تخليني؟
هيثم ابتاسم و بادلها العناق: حتى دوز مدة طويييلة عاد نخليك!!
رؤيا بعدات منو و عينيه مغرغرين: و علاش؟
هيثم: هادي هي الحياة الكل تيموت و تيعاود يحيى فالجنة ولا جهنم!!
رؤيا: هما دابا فين غادي يحياو؟ فالجنة ياك؟
هيثم حرك راسو بآه: فخبارك نتي زوينة تتشبهي لماما بزااف!
رؤيا ابتاسمات: و لكن معنديش القلادة ديالها! عطيها ليا..
هيثم بتوثر: معنديش..**نهاية لفلاش باك
رؤيا ديقات عينيها فالمرايا: كديديب مع راسك قالك معندوش!! و الا عطيتها ليك ها وجهي.. (تتلمس فالقلادة و هي مخنزرة) و مفهمتش غير حاطها!!
خرجات من طواليط حاقدة و تتنگر و هي تجلس فالفوطويات و جاها الجوع.. ناضت للكوزينة لي كانت مفتوحة على المرح.. حلات الباب كانت عامرة و فيها حتى قراعي ديال الشراب..
رؤيا: هاي هاي على سي الثومة 🧄 تاهو قال ليك تيشرب!! (و هي تحط يديها على فمها) رمضان غدا؟ يكما ولى كافر؟؟
دارت شكيكو فالعود: حنا فعار الله !! الله يحفظ..
جبدات داكشي لي غتحتاج و فلات الكوزينة مزيان معولة طيب و جبدات تيليفون دخلات ليوتيوب باش دير لي باط.. متبعة معاهم خطوة بخطوة و تتقلب على المقادير و دير حتى سالات و حطات داكشي فطبسيل.. و بدات تتاكل و تتبنن شنو طيبات.. غير سالات خلات داكشي فالكوزينة و طلعات فالدروج مع الدار كانت دوبليكس تتقلب و عجباتها الدار لي بانت ليها سابل و اللون الأبيض لي طاغي فيها.. حلات الباب الأول كانت غرفة ديال النوم و بانت ليها الباليزة ديالها ابتاسمات.. و هي تلقى حمام فالغرفة سدات الباب و حلات الباليزة هزات حوايجها و اتاجهات للحمام باش الدوش و تحيد عليه العيا ديال السفر..
نرجعو للمغرب
سمير وصل لفين عايش محسن لي يلاه فاق من النعاس تيتكسل شاف شحال فالساعة و هو يوسع عينيه من الصدمة..محسن: انا راه منعستش درت السبات!! هههه
دخل للطواليط قاد راسو و شد تيليفون كوموندا على الماكلة ناوي يتفرج و يرتاح هاد النهار.. تلاح فوق الفوطوي داير نيتفليكس و تيختار الفلم ولا شي مسلسل لي يعجبو..
أنت تقرأ
خبايا الزمن
Misterio / Suspensoتقديم 🙋🏻♀️جيت ليوم و جايبة ليكم الجديد قصة جديدة لي نتمنى تنال الاعجاب ديالكم🥰🥰 من بعد نجاح قصتنا "حب نتيجة خطأ طبي" قررنا نكتبو قصة جديدة بجوج بعنوان: ⏳خبايا الزمن⏳ بقلم: Lay Lã & Sarah Sarrita القصة ما طويلة ما قصيرة لكن تتجمع بين 💥#الحب �...