خبايا الزمن

الجزء 10

🥀خبايا الزمن 🥀
#بارت-91...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀ً

طه هز كتافو: معنديش مشكيل..
محسن بهمس باش غير طه لي يسمعو: و لكن بالمقابل!!
طه بهمس: شنو هو؟

محسن هدر فودنين طه غير سالا بعد تيشوف فردة فعل طه لي دار ليه اشارة بلي موافق..

طه بهمس: و انا الا ربحت؟
محسن بهمس: طلب مني ديك الساعة لي بغيتي!!

محسن ختمها بغمزة و مشاو بجوج جلسو تيلعبو و المديرة تتشوف فيهم مبتاسمة لكن الطرح دغية سالا.. بفوز محسن لي ربحو بتسعود ديال الضربات فقط..

محسن 👊🏻: ياس!!
طه مخنزر: بابا تنبقاو بزاااف عاد تيغلبني كيفاش غلبتيني دغية..
محسن: حيت ركزت على الهدف ديالي شنو باغي نربح مورا اللعبة مركزتش غير فاللعبة صافي !
طه: تبعني!
محسن شاف فالمديرة: هانا راجع!

دخلو للقسم و طه حل شكارتو جبد المقلمة ديالو خدا منها واحد المقص و قطع من شعرو و مدا ليه..

طه: هاك!
محسن جبد كلينيكس و حط شعر طه فيه: شكرا أ البطل!!
طه هز كتافو: بعدا مزيان ملي مطلبتيش مني شي واحد من الكادويات ديالي كان غادي يبقى فيا الحال بزااف..
محسن: علاش؟
طه: حيت الكادويات دياولي دليل على التفوق ديالي مبقيتش غادي نخرجهم أصلا من الدار..
محسن بطنز: اووو! كن عرفت كنت طلبتهم ليك!! هي دابا نت لي قولبتيني!!
طه: دابا صافي خود هاد الشعر معندكش الحق تطلب شي حاجة خرا!!
محسن: عارف متخافش مرة خرا غادي نطلب حاجة خرا.. (فنفسو) و فمصلاحتي مرة خرا!!

محسن دار لطه باي باي و خرج كمل الجولة ديالو مع المديرة و تيهضرو بجوج حتى سالاو وخدا جميع المعلومات على المدرسة عاد خرج و تاجه لطونوبيلتو.. هاز كلينيكس لي فيه الشعر ديال طه و فرحان حيت غادي يتأكد بلي هو ولد رؤيا.. محسن عكس طارق لي باغي يعرف شكون اب.. محسن باغي يعرف و يتأكد بلي رؤيا هي مو و صافي..

محسن عيط على رؤيا باش يشوفها.. و هي قبلات باش يتلاقاو فقهوى..

دازت مدة
تلاقاو بجوج جلسو تيشربو فالقهوى و تيهضرو..

رؤيا: شفتي المجلة ديال "الطبقة المخملية"؟
محسن: معنديش مع هاد النوع ديال المجلات!!
رؤيا: حاطين تصويرتي فالكوفر ديالها.. و لداخل كاتبين عليا زعما شنو وقع معايا.. باين خالي مورا هادشي انا تنعرفو غادي يبغي يقاد صورتي و لكن واش تيقلب ليا على ولدي ولا لا الله أعلم 🤷🏻‍♀️
محسن بطنز: و كتبو تماك شنو تعلمتي فالحبس؟
رؤيا خنزرات فيه: راه مافيا لي يعايرك عاوتاني.. واش نتا متتهداش؟
محسن: و مالك راه تعلمتي تعايري و دابزي و ديري ليهم الملكة ديال الحبس لي دوا يرعف.. (بطنز) خاصهم يديرو فالعنوان رحلة من كيليميني لمشرملة!!
رؤيا ناضت من بلاصتها: أنا لي قح**بة جاية و دايرة فيك راسي..
محسن مبتاسم شدها و جلسها: نت مالك قشابتك مديقة غير تنضحكو..
رؤيا: ضحك على مك!! ضحك عليها !!
محسن: نتي دابا تتجرحي ليا المشاعر ديالي و عارفاني يتيم مقطوع من شجرة..
رؤيا تنهدات: شنو باغي؟ من لخر؟
محسن: والو غير بغيت نشوفك و زعما ناوي انا نخلص ماشي نتي !! و شوفي راداها ليا فوجهي..
رؤيا: راك نت لي تتضحك معايا داك الضحك الباسل راه متنحملوش.. أجي بعدا فين وصلتي؟
محسن: متبع واحد الخيط قربت نوصل للنهاية ديالو
رؤيا قاطعاتو: هي قربتي تلقاه؟
محسن: اه! الا كان هادا هو الخيط الصحيح الا مكانش غادي نعاود من لول..