خبايا الزمن 🥀
#بارت-255...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀**فلاش باك
قبل 11 العامجات عندو حفيظة متوثرة..
عبد العزيز: مالكي؟
حفيظة: تكلم الحاجة بغاتك!تاجه لجناح مو لي مرضات من مورا مدخلات رؤيا للحبس.. و الحالة ديالها غادة فتدهور
عبد العزيز: الوليدة! كيبقيتي؟
لالة فاطيمة: ولدي! قرب جلس حدايا خاصنا نهضرو.. ( و شافت فحفيظة) خليني مع ولدي..خرجات حفيظة و خلاتهم بجوج..
لالة فاطيمة بتعب: ولدي! رؤيا بريئة مقتلات حد تيقني!
عبدالعزيز بخوف: متشغليش بالك بهادشي أ مي الله يخليك راعي لصحتك..
لالة فاطيمة: كيف بغيتيني نديها فصحتي و تنشوف حفايدي تيضيعو بين يديا! هيثم معرفناه فين كاين و رؤيا غتفني حياتها فالحبس.. قول ليهم يديوني أنا و يخليوها عفاك ا ولدي..
عبدالعزيز: تهدني شوية ا الوليدة راه معندنا منديرو و اصلا مزيان هاكا باش نحميوها راه ديك البنت كانت عارفة بزااف ديال الحوايج و غادي يشكو فرؤيا حيت صاحبتها.. مزال الا كلشي تيق بلي رؤيا قتلاتها مغاديش يحطو فراسهم احتمال رؤيا تكون عارفة كلشي..
لالة فاطيمة عينيها مغرغرين و العياء الشديد باين عليها: واعدني أ ولدي! واعدني تخرجها من تماك..
عبدالعزيز تيطمنها: راه غادي تخرج ولا غادي نهربها غير بلاتي تهدى الأوضاع..
لالة فاطيمة: لا أ ولدي ماشي هكاك.. هيثم و هرب! واش حتى رؤيا؟ خاصها تخرج حيت هي أصلا بريئة..
عبد العزيز: دابا نشوف شنو نقدر ندير..
لالة فاطيمة: و حاجة خرا!عبدالعزيز حرك راسو بمعنى شنو
لالة فاطمة: بنتي الله يرحمها! ماتت و هي حاملة..
نهاية لفلاش باك**
عبدالعزيز و هو تيعاود ليه شنو وقع بينو و بين مو الله يرحمها لي هي جداه.. هيثم قاطعو..
هيثم مصدوم: بلاتي بلاتي! واش دابا المحامي خويا؟
عبدالعزيز: آه! يعني مخليتيني حتى تكمل ليك و لكن هادشي لي كاين.. والدة كانت على فراش الموت فاش عرفت و من تماك انا متبعو و خايف عليه!
هيثم شد راسو: وعلاش؟ علاش خباتو؟ علاش معاشش معانا؟ و هو عارف؟
عبدالعزيز: آه! محسن عارف! صيفطت ليه شعر رؤيا و دار التحليل باش يتأكد.. أصلا قرا المحاماة على قبلها باش يخرجها.. و حتى صاحبو أحمد.. واحد من رجالنا.. فاش تيطلب منو شي حاجة تيعلمنا هو لول..هيثم ضرب عليه الطبلة: وعلاش أنا مفخباري والو؟ واش رؤيا عارفة؟
عبدالعزيز: محال! يعني الا هو معتارفش ليها فهي معارفاش..
هيثم: علاش خباتو و خلاتو يعيش فالميتم؟***فلاش باك
قبل 11عامعبدالعزيز مصدوم: و لكن علاش ا الوليدة؟ علاش حطيتيه فالميتم يكبر تماك؟ واش حنا غادي نخليوه مخصوص؟
لالة فاطيمة عينيه تيهبطو بالدموع: بزز مني ا ولدي.. بزز مني! مبغيتوش يكبر معانا و يتوسخ بحال هيثم.. مبغيتوش يموت ولا يضطر يهرب باش ميموتش! مبغيتش حياتو تكون مهددة بحالنا..
عبدالعزيز بعصبية: و لكن راه ولد بنتك! حفيدك هاداك
لالة فاطيمة بتعب: ها هو هيثم حتى هو حفيدي واش معانا؟ لا هربان! ها هي رؤيا (بدات تتبكي بحرقة) واش معانا؟ هي فحبس حبيبتي! علم الله شنو تتعاني تماك
عبد العزيز مزير على يديه: فين كاين؟
لالة فاطيمة: انا حميتو! حميتو منا! من المحيط ديالنا.. بعدتو على الوسخ.. عفاك ا ولدي.. خليه بعيد!نهاية لفلاش باك ****
عبدالعزيز: مقالتش ليا فين! و لكن كانت عارفاني غادي نلقاه.. بغاتو يكون بعيد على هادشي.. و يكون مستقبالو بعيد علينا!
هيثم معاجبوش الحال مبغاتش تدخل ليه لراسو بلي جداتو خلات خوه يتربي فالميتم فعاود ميتربى معاهم.. ناض من تماك معصب و تاجه لعند رؤيا لي كانت جالسة فالصالون..
هيثم: حتى نتي عارفة؟
رؤيا بعدم فهم: شنو لي عارفة؟عبد العزيز تبعو و تيحرك ليه راسو فلا
#يتبع
أنت تقرأ
خبايا الزمن
غموض / إثارةتقديم 🙋🏻♀️جيت ليوم و جايبة ليكم الجديد قصة جديدة لي نتمنى تنال الاعجاب ديالكم🥰🥰 من بعد نجاح قصتنا "حب نتيجة خطأ طبي" قررنا نكتبو قصة جديدة بجوج بعنوان: ⏳خبايا الزمن⏳ بقلم: Lay Lã & Sarah Sarrita القصة ما طويلة ما قصيرة لكن تتجمع بين 💥#الحب �...