خبايا الزمن

الجزء 304

خبايا الزمن 🥀
#بارت-304...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

جا هيثم و رجالو و لي تزادو على رجال جون.. لكن هيثم كانت عندو هضرة خرا.. حجز على شي عشرة ديال الوحدين منهم..

دازت ساعة
عاد جا البوليس دخلو حتى هما حاصرو المكان و أمروهم بالاستسلام.. و بداو تيدخلو بشوية بشوية حتى شدو بعض رجال هيثم و جون و الأشخاص لي هجمو على القصر.. أما الكل خواو الساحة للبوليس قبلما يجيو غير بدقائق.. البوليس عمر تماك و جابو الاسعاف باش يشوفو واش باقي لي عايش ولا الكل مات..

أما هيثم و جون وقفو قدام واحد الديبو و محسن معصب لأقصى درجة حيت ضارو فيه علاش يجيب البوليس و هو صعر ديال بصح ملي عرف بلي جون جاب قنابل حقيقية و بلي بيهم قتل بزااف ديال الناس..

جون: شنو غدي دير مع هاد خوك؟
هيثم مخنزر: خليه! لي فيه كافيه دابا!
جون: الصراحة نعذرو.. معندوش سلاح و نت بعيد الحل الوحيد باش يحمي عائلتو هي هادي! متنساش بلي هو ماشي بحالنا و زيد عليها محامي..

اما الأشخاص لي شدوهم حيين فكانو مكتفينهم داخل ديبو.. و للأسف مع الزربة مقلبوهمش مزيان.. واحد فيهم كان معاه سكين و قدر يفك راسو و يخرج من تما.. استغل انشغال لي كارد بالحديث.. و خرج من تماك.. دخل محسن معصب و هو يبان ليه بلي واحد ناقص..

محسن: واش شي حد فيهم مشا الطواليط..

لكارد حرك راسو بلا غير شافو عاد عاقو و بداو تيقلبو عليه تماك.. محسن خرج لعند هيثم و هو يبان ليه هاداك لي هرب موجه سلاحو فاتجاه هيثم لي كان تيهضر مع جون.. بدون سابق انذار محسن تاجه لعند هيثم.. و غوت بالجهد

محسن: هيثم! عنداااك..

محسن دفع هيثم لي مفاهم والو بكل قوتو حتى طاح للأرض و جون هز سلاحو لكن الشخص كان اسرع منو ضغط على الزناد.. القرطاسة جات فمحسن لي طاح مغمى عليه حدا هيثم و فنفس الوقت جون ضغط على الزناد و القرطاسة جات فالشخص لي تيرا على محسن.. هيثم غير تيشوف مصدوم..

صبح الصباح
الليلة كانت طويلة على جميع عائلات أعضاء "البيگدو" خصوصا عائلة البناني.. هي لي تضررات بزااف حيت فقدات بزااف ديال من أفراد عائلتها.. هاد الحادثة بالضبط انتشر صداها فجميع انحاء العالم، و وصل حتال لعند راس الحربة لي قام بهادشي كامل..

سامويل گورين.. هو أخ ايفان گورين و لي هو العضو الحاكم ف " البيگدو " دار هادشي انتقاما ليهم.. هو باغي يكون العضو الحاكم و لكن الكل بدون استثناء اختارو خوه ايفان عليه.. حيت هو متسرع بزااف، و العضو الحاكم خاصو يكون رزين و تيفكر.. كيفما تيقولو مية تخميمة و تخميمة ولا ضربة بالمقص..

سامويل كان معصب بزااف حيت رجالو مقدروش يقتلو خوه.. يعني موقع ليه والو.. جميع الأعضاء ديال "البيگدو" موقع ليهم والو من غير الحاج البناني لي مات..

كان جالس و هو معصب لأقصى درجة و حداه مراتو..

صوفي بخوف تتبكي: غادي يقتلوك ا سامويل..
سامويل بعصبية: متزيديش عليا! انا من هادشي كامل كنت بغيت نقتل ايفان و فلت منها..
صوفي علات صوتها: راه الحاج البناني مات!!!
سامويل بعصبية: انا معطيتش امر يموت داك البناني حيت بيه كنت باغي ناخد الرئاسة ديال "البيگدو"
صوفي: نت صيفطتيهم لعائلتو و تتسنى منو يعاونك؟
سامويل: كنت غادي نكذب عليه.. نقول ليك بلي ايفان لي دارها حيت متيحملوش كان غادي يتيق..
صوفي بعصبية: واش صحاب ليك الحاج مكلخ؟ غادي تق*تل ليه عائلتو كاملة و ميعيقش بك؟
سامويل بعصبية: دابا صافي سكتي..
صوفي: كيفاش سكتي؟ راه نت قتلتي العائلة على قدها و كنتي ناوي تقتل خوك و عضو حاكم مات.. غادي يقتلوك و بحال والو حتى انا نمشي فالرجلين..
سامويل خايف على راسو ملي فهم جدي الموقف: متخافيش غادي نهربو لبلاصة عمرهم يلقاونا فيها

#يتبع