خبايا الزمن 🥀
#بارت-288...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀طه غير سمع الشطرنج فرح من لداخل لكن بين بلي ممسوقش فمجاوبوش.. محسن ناض من حداه و خرج.. كانت حفيظة تتسناه..
محسن: انا غنتكلف بيه جيبي ليا غير شطرنج!!
حفيظة: اهاه راه كاين عند هيثم بلاتي نمشي نجيبو..مشات خداتو من البيت ديال هيثم و جات مداتو ليه..
محسن: سيري وجدي ليه مياكل!!
حفيظة: و غيبغي؟
محسن: غيبغي.. غير وجدي ليه..حفيظة مشات و هو دخل لعند طه لي باقة على حالو ممحركش.. محسن تاجه للفوطوي جلس و حط فوق الطبلة الشطرنج.. و بدا تيلعب مع راسو، طه شاف فيه و هو يجلس فوق الناموسية بقى تيشوف فيه.. محسن رد البال و تعمد يغلط باش يشوفو شنو غيدير..
طه: راك غلطتي!
محسن شاف فيه: انا؟ نغلط.؟طه ناض من الناموسية و تاجه لعندو جلس مقابل معاه..
طه: الوزير متيمشيش هاكاك..
و هو يقاد ليه و طلع راسو: هاكا!
محسن: مزيان! شنو بان ليك فشي طرح و الا ربحت غادي تاكل و الا خسرت ديك الساعة دير لي بغيتي..
طه: نطلب لي بغيت؟
محسن: لي بغيتي!قادو الاحجار ديال الشطرج فبلاصتهم و بداو اللعب و دغية خسر طه قدام محسن..
محسن: ياااس!!(شاف فيه) دابا غادي تاكل..
طه ربع يديه معصب: اوووفدخلات عندهم حفيظة بالغذاء حطاتو ليهم فوق الطبلة.. طه بدا تياكل و شافت فيه حفيظة مستغربة و خرجات..
اما فجناح رؤيا ناضت و هما يطيحو عليها احداث الصباح.. و هبطو دموعها..
رؤيا: علاش ا ربي تيوقع معايا هاكا؟؟ واش انا مكتاب عليا ديما نتكرفس؟ (تتبكي بحرقة) غير هو لي عندي و راك عارف شحال عانيت فالحبس و انا تنبكي على موتو.. و ملي خرجت بكيت على فراقو.. (تتشهق) و دابا هو قريب مني و تيكرهني.. علاش؟ واش ديما خاصني نتعذب!! خدني عندك و ريحني!! صافي مبقيتش قادة انا عيت.. عييييييت..
حطات يديها على وجهها و تتبكي بحرقة..
فجناح طه
كمل ماكلتو و محسن هاز تيليفون تيصوني على آية لكن متتجاوبوش.. زفر بغضب و دار عند طه..محسن: بالصحة!
طه: نلعبو طرح؟
محسن: و هاد المرة الا ربحت؟
طه: مغاديش تربح!
محسن مبتاسم: تايق فراسك؟ يلاه نبداولعب معاه و عاود ربحو و طه معجبوش الحال.. و فكل مرة طه تيقول ليه نعاودو و لكن متيربحش..
نرجعو عند شاذية
الطبيبة فحصاتها و داوات ليها الجروح دغية و خرجات عطاتها مسكن للآلام.. و هيثم سيفط واحد من رجالو جابو ليها حوايج جداد.. لبساتهم و شافت فيه..شاذية و هي تتلحن اسم: هيثم علوان!!
هيثم باشمئزاز: سالات ساعتك!
شاذية: هيثم علوان!!نطقاتها بنفس الطريقة و خلاتو غير تيشوف و هي تخرج من الدار متاجهة للقصر.. أما هو غير تيفكر فالليلة ديال البارح..
دازت مدة،
شاذية وصلات القصر و دخلات كانت لابسة كلشي فالكحل و جامعة شعرها لفوق و وجهها باين فيه الكدمات.. مع دخلات شافها ايمن و شاف وجهها كيف داير و هو يشهق من الصدمة.. شكون هادا لي رجعها هاكاك يكما سمير؟ طلعات لفوق لجناحها و سدات عليها تتفكر داكشي لي عاشتو لبارح تنهدات.. تكات على الناموسية و بقات هكاك مدة..أما لتحت ايمن مشا عند يوسف دار ليه اشارة بمعنى شنو..
ايمن: سمير ديك المرة طعنها ثلاث مرات و دابا وجهها حالتو..
يوسف: واش تتهضر على شاذية؟
أيمن: آه!
يوسف: و سمير علاش غيضربها؟ شنو دارت؟ايمن بقا غير تيشوف فيه خلاه و مشا..
يوسف حرك راسو بلا حول: معرفت شنو دايرين هاد جوج عاوتاني..
تيهضر على ايمن و شاذية..
#يتبع
أنت تقرأ
خبايا الزمن
Mystery / Thrillerتقديم 🙋🏻♀️جيت ليوم و جايبة ليكم الجديد قصة جديدة لي نتمنى تنال الاعجاب ديالكم🥰🥰 من بعد نجاح قصتنا "حب نتيجة خطأ طبي" قررنا نكتبو قصة جديدة بجوج بعنوان: ⏳خبايا الزمن⏳ بقلم: Lay Lã & Sarah Sarrita القصة ما طويلة ما قصيرة لكن تتجمع بين 💥#الحب �...