خبايا الزمن

الجزء 271

خبايا الزمن 🥀
#بارت-271...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

ناضت غضبانة تتجري حتى وصلات لجناحها.. الكل تصدم من ردة الفعل ديالها حيت ديما مبتاسمة و لا تتمثل بالابتسامة ديالها.. لالة عتيقة بقات غير تتشوف واش فعلا بنتها دابا تقلقات و بينات التقليقة ديالها؟ ناضت تاهي من بلاصتها تابعة شاذية تشوفها و تتدعي من قلبها تكون فعلا مقلقة ماشي غير تتمثل.. شاذية دخلات لجناحها و جلسات على الفوطوي مدلية شواربها بقلق حتى دخلات عندها لالة عتيقة ملي صافي تأكدات بلي مقلقة نيت.. تاجهات حداها و جلسات مقابلة مع شاذية..

لالة عتيقة: شاذية! مالكي؟
شاذية شافت فيها و هي تشوفها ببرود: بغيت نقتل يوسف!

لالة عتيقة تزير قلبها و هي تتعاود تسمع نفس الحاجة بحالا ماشي ولد عمها هاداك لي تيحسبها بحال ختو الصغيرة..

لالة عتيقة: على كاين لي تيقتل خوه ولا ختو؟
شاذية: اه! سمير..

عرات بيها كرشها بلاصة ديال الضرابي اثار ديال الخياطة غير باقي..

شاذية: هو لي دار هادشي و خلاني مليوحة فجناح ايمن و مشا..
لالة عتيقة ممتيقاش: لا لا لا! سمير ماشي هاكا.. و نتي ختو علاش لي يدير ليك هاكا؟
شاذية: على قبل طه!
لالة عتيقة بعدم فهم: مالو؟
شاذية ببراءة: درت شي حاجة و تأثرات نفسيتو هادشي لي قال قبلما يطعني ثلاثة ديال المرات! و الا عاود شافني معاه غادي يطعني فقلبي يعني غادي نموت.. هو باغي يقتلني..

لالة عتيقة عنقات شاذية و بدات تتبكي و تتقول فخاطرها علاش بنتي دايرة هاكا.. اما شاذية غير تتشوف مقهماتش علاش عنقاتها ولا علاش دابا تتبكي..

نمشيو عند محسن
كان فريسطو تيتسنى فآية حتى جات لعندو مبتاسمة و سلمو عاى بعض بلا بيز.. محسن جلس و تاهي..

محسن: اوا لقيتي شي خدمة ولا باقي؟
اية هزات كتافها: مبقيتش تنقلب على الأغلب غادي نبدا فشركة العائلة..
محسن: ياك مبغيتيش.. بغيتي تكوني راسك براسك بعيد على عائلتك؟
أية بابتسامة: بدلت رأيي.. و نت؟ كيداير مع الخدمة؟
محسن: مزيان! مور الظهر عندي جلسة و هاد الصباح خاوي.. داكشي علاش قلت علاش لا نتشاوفو و نفطرو اونسوبل..
اية: احسن ما درتي.. شحال متشاوفنا اصلا.. غير تيليفون..
محسن بتاسم: داكشي..

دازت مدة
جابو ليهم الفطور و فطرو.. بقاو خافين الجو و محسن تيعاود لآية على المغامرات ديالو و تيضحكها.. و تاهي تتعاود ليه على القرايا و شنو كانت تدير.. غير سالاو ناضو من تماك و تاجهات لطونوبيلها لكن محسن شدها من دراعها..

محسن: اية! فين غادا؟
آية: راجعة بحالاتي..
محسن مبتاسم: باقي الحال يلاه نتمشاو شوية شفتي ديك الجردة؟ يلاه نتساراو فيها شوية..
اية: واخا!!

تاجهو لتماك و دخلو للجردة و بداو تيهضرو و تيتمشاو حتال واحد اللحظة سكتو.. محسن قرب يديه من يديها و هي هبطات عينيها تتشوف ظهر يدو تتقيس ظهر يديها و هي طلع عينيها فيه لقاتو تيشوف فيها.. بقاو تيتمشاو و عينيهم تتشوف القدام لكن صباع يديهم مهناوش.. شد بصبعو صغير صبعها الصغير و تبتاسم عاجبها الحال .. و حيدات صبعها من صبعو.. و هو يشبك يديها مع يدو و شاف فيها..

محسن مبتاسم: واقلة هاكا حسن؟
أية: حسن بزااف!!

بقا شاد ليها يديها و تيتمشاو حتى وصلو لواحد الشجرة و وقفو جرها و حط ليها ظهرها على الشجرة..

محسن مبتاسم: الصراحة مكرهتش نتعنب عليك و خفتك ترفعي عليا قضية ديال التحرش

اية باقة شادة ليه يديه و هي مبتاسمة تتعض على شفايفها من الاثارة..

اية: على حساب!
محسن قرب منها: على حساب شنو؟
اية بصوت انثوي مغري: على حساب واش معلم فيه ولا لا.. يعني الا معجبنيش غادي نغوت و نجمع عليك الناس و نرفع عليك قضية..
محسن: ناري شحال مسكين..
أية بدات تتضحك و حتى هو..

محسن: الا كنتي عوالا على داكشي ديال نزار القباني غير نساي معاك غير محسن واخا محامي العربية ديالي زيرو.. تنعرف غير الزين منشوفوش..

اية دفعاتو من عليها بغا تمشي لكن جرها لعندو بالجهد حتى تضرب صدرو مع صدرها.. و هو ينطق..

محسن: الزين ديال العالم! منبوسوش؟

و قبلما تجاوب حط شفافو على دياولها خلاها غير تتشوف فيه.. و بعد منها طلق منها و نطق..

محسن: سمحي ليا انا

#يتبع