خبايا الزمن 🥀
#بارت-282...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀طه: القاتل ماشي هو نفسو صيفط الميساج.. جوج شتاركو فجريمة وحدة.. واحد خنقها حتى فقدات الوعي و نظف المكان من الآثار و خدا تيليفون و لاخر ضربها بقوة و هي سخفانة.. يعني فنفس الوقت واحد قتل و لاخر صيفط ميساج.. و على مقالت ماما بابا قال ليها ماتت مخنوقة و هو متأكد منها..(بقا تيفكر مدة عاد كمل) يعني شخص لي خنق مشافش الشخص لي ضرب.. و الشخص لي خنق ملي فقدات الوعي ثاق بلي ماتت فنظف الجريمة و صيفط ميساج لرؤيا و هي جات.. لقاتها ميتة.. يعني تقدر تكون شافت القاتل الحقيقي ولا تقدر تكون مشافتوش.. (حرك راسو بلا) مستحيل يكون بابا هو لي خنقها.. حيت هو طبيب غادي يعرفها غير فقدات الوعي مماتتش و ماما؟ هي متتكذبش يعني هو قال ليها و تيقاتو الشخص لي تيتيق بالكل متيكونش كذاب.. تيخبي اه و لكن متيكذبش.. يعني بابا عارف شكون لي خنق و عاود ليه كلشي.. و سكت.. يعني بابا عارف الشخص لي خنق.. 100٪ غادي يكون عارف.. و رؤيا من 30٪ حتال 50٪ غادي تكون عارفة شكون لي قتل.. هي فاش سولتها
تيحاول يتذكر
**فلاش باك
احداث من الجزء 163رؤيا بتاسمات: هادشي كبير عليك.. نت باقي صغير متشغلش راسك بهادشي.. صافي؟
نهاية لفلاش باك **
طه: لا انا غالط! هي 100٪ غادي تكون عارفة.. حيت هي متتحكمش فأعصابها الا فعلا مكانتش عارفة السؤال ديالي غادي يعصبها حيت غادي تفكر السنين لي بقات فالحبس.. و هي مكانتش معصبة فاش جاوباتني.. و لكن علاش؟ علاش سكتات؟
نمشيو عند هيثم
كان فالفندق لي جالس فيه جون..هيثم: هي صافي الولد فهاد الأيام يكون عندي؟
جون: اه! ولد ختك من هنا 24 ساعة يكون عندك..
هيثم بتاسم: مكرهتش نشوف وجه كبير البناني..
جون: الحاج؟هيثم حرك راسو بآه..
جون بتاسم: غادي يكون محاملش راسو و لكن ايفان دار هادشي غير حيت محضرش للطاولة..
هيثم: المهم! الخدمة خدمة! نشوف الولد عندي فالدار و مابيه والو و نبداو..
جون: واش باغي تزيد تعطل علينا الخدمة ؟
هيثم بسخرية: واش مقاريينش الشروط لي موافقين عليها ؟ الا الولد محضرش الخدمة غادي توقف و انا راجل بكلمتو..
جون: و متنساش بلي راه معاك "البيگدو"
هيثم: يكون لي بغا يكون! انا هيثم علوان.. سير سول عليا مزيان كيفما نتوما عندكم مبادئ حتى انا!!
جون تنهد: واخا اسي هيثم.. لي بان ليك و لكن متنساش ملي يوصل عندك ولد ختك راه القضية غادي تصعاب.. و راك عارف .. الطريق ماشي ديما مسرحة..
هيثم: دير خدمتك و انا ندير خدمتي..قصر البناتي
يوسف كان فالجردة و محاملش راسو حيت القرار لي تاخدو الحاج بان ليه غير صائب.. جا لعندو رؤوف..رؤؤف: اش تم؟
يوسف: الحاج سخن عليه راسو عاوتاني..
رؤوف بطنز: بلاتي نفكر.. قال ليك طلق صفاء و قتل راجلها؟
يوسف: كن غير هادشي لي طلب نديرها و عينيا مغمضين طلب ما كفس.. و الا مشيت حتى درتها "البيگدو" غيح**وينا!!
رؤوف بنبرة جدية: شنو واقع؟
يوسف: ايفان صيفط لجدي! قال ليه رد لولد لمو..
رؤوف: اهاه؟
يوسف: و الحاج باغيني نقتل محسن! هو رؤيا..
رؤوف بصدمة: القو**ادة ديال بصح!! بعض المرات تيجيني الحاج بحالا تيفكر بطر**متو.. واش من نيتو؟ راه ايفان هادا العضو الحاكم.. يقدر يقتلك و تاشي حد ميقول شي حاجة..
يوسف تنهد: الحاج كشاكشو خارجين و باغينا نصفيوها ليه.. اصلا المشكيل ديال والدين رؤيا! و نزيدو عليها محسن صافي القوا**دة بعينيها..
رؤوف: حل واحد لي كاين!
يوسف: شنو؟
رؤوف بهمس: الدوا!!
يوسف: واش حماقيتي؟ الا عاودناها غيعيق..
رؤوف: غير قل ليا كيفاش غيعيق؟ اصلا شحال من مرة الدوا هو لي عتقنا و ملي تيفيق تيقول ليك مزيان حيت مرضت و مدرتيش داكشي لي قلت ليك.. شحال من مرة كان ناوي يجبد الصداع؟ الحاج من نهار ايفان ولا فبلاصة باه الفيزيبلات ديال دماغو مبقاوش خدامين.. و دابا ممشاش للطبلة.. جاب لله جاه حكم خفيف ديو دري عند مو.. هنا كل مرة واقعة حاجة.. ولا بغيتيه يعيش داكشي لي عشنا؟ انا با مات قدام عينيا..رؤوف مشا و خلا يوسف تيفكر..
#يتبع
أنت تقرأ
خبايا الزمن
Mystery / Thrillerتقديم 🙋🏻♀️جيت ليوم و جايبة ليكم الجديد قصة جديدة لي نتمنى تنال الاعجاب ديالكم🥰🥰 من بعد نجاح قصتنا "حب نتيجة خطأ طبي" قررنا نكتبو قصة جديدة بجوج بعنوان: ⏳خبايا الزمن⏳ بقلم: Lay Lã & Sarah Sarrita القصة ما طويلة ما قصيرة لكن تتجمع بين 💥#الحب �...