خبايا الزمن

الجزء 270

خبايا الزمن 🥀
#بارت-270...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

شاذية تحمسات بزاف و عينيها ولاو تيبريو بالفرحة.. و هي تتحاول تتخيل هاد الاحساس..

هيثم بمكر: فكري مزيااان و الا وافقتي فهادا غادي يكون سر بيناتنا غير حنا.. باش تاشي حد ميقول هيثم علوان تيعذب شاذية بناني..

شاذية: و نت؟ شنو غادي تستفاد؟
هيثم بتاسم: غادي نشوف واش كلامك صحيح ولا لا..

بعد عليها و دار ليها اشارة للباب: تقدري تمشي..

شاذية غير تتفكر فشنو قال ليها و هي مبتاسمة.. شافت فيه لقاتو تيخنزر فيها..

شاذية: داكشي لي فجبهتك! زوين بزااف..

خرجات و خلاتو..

بعد مرور شهرين

تاشي حاجة متبدلات سالات العطلة و طه مستعد يدخل للمدرسة بعام جديد.. اما صفاء فباقي متتهضرش مع معتز و رفعات عليه دعوة الطلاق.. يوسف ساق الخبار و وصلها للحاج لي عيط ليها باش يفهم منها شنو كاين ملي عاودات ليه قكان ضد الطلاق بحكم مكاينش فعائلتهم.. و بلي معتز خاصو يموت و هاكا تقدر تتهنى منو.. بطبيعة الحال موافقاتش حيت واخا خانها باقة تتبغيه و خلات علاقتهم معلقة بحكم تاشي محامي ميقدر يوقف فوجه الحاج.. بالنسبة بسمير فباقي فالقصر و الحاج ممنعوش من الدخول خصوصا و هو خايف على ردة فعل طه.. لي كيفما سبق لي ذكرت عندو بزااف ديال الاحلام بالنسبة ليه..

بالنسبة برؤيا باغا ولدها و رفعات دعوة على معنز و صفاء على شنو دارو ليها لكن فلخو تدخل هيثم و سحبات الدعوة.. معاجبهاش الخال و مقادرة حتى تشوف ولدها.. هيثم هضر مع جون على داك الشرط و عطاوه شهرين باش يتسنى بينما تنظمان الطاولة و يلقاو حل لهادشي.. عارفين بلي هيثم معاديش يتعاتق معاهم فكانو عارفين بلي احسن حاجة هي يعطيو الولد لمو لكن قبل خاصهم يتجمعو يتاخدو قرار و يتنفد.. بطبيعة الحال الحاج معارفش هادشي فدار غفلون و تايق بلي مستحيل يقدرو ياخدو منو طه..

محسن رجع علاقتو برؤيا كيف كانت.. و فنفس الوقت ولى مراقب آية و عارف عليها كلشي.. و حتى انو دخل لحياتها و بداو تيتلاقاو مرة مرة.. و عرف بلي الشخص لي كان تيصيفط ليه الرسائل هو نفسو عبدالعزيز هادشي لي قال ليه هيثم من بعدما عرف بلي محسن ناوي يدير داكشي لي طلب منو..

اما شاذية من نهار تلاقات مع هيثم معاودات شافتو تتحاول ما امكن انها تتعالج و هي محاملاش راسها.. و هادي شهرين مقتلات تاشي حد و ولات تتحس بالغرابة فالامر.. خصوصا ملي تتبقى بوحدها تتفكر لقاءها مع هيثم و الهضرة لي قال ليها.. و مشات عند طه عاودات ليه بالتفصيل شنو وقع بينها و بينو على اساس يحاول يفهم معاها شنو باغي هيثم.. و تاهو بدا تيقلب لكن والو.. طه فهاد الشهرين تبع عند الطبيب نفسي لي بدا معاه و عاونو بزااف لدرجة حالتو ولات بحال قبل و حسن..

هيثم مجلسش بلا خدمة بل بدا تيتحرك مع "البيگدو" و عاون حتى عبدالعزيز بزااف..

بالنسبة لطارق بدا تيرجع صداقتو مع سمير غير بشوية واخا مزال متايقش فيه حيت حس بيه غدرو و طعنو فظهرو بأشنو دار.. سمير قرب يكمل ليه المشروع ديالو.. و فهاد الوقت تشغل بيه و من نهار الحقلة معاود شاف رؤيا..

فقصر البناني
كان الكل مجموع تياكل و شاذية ساهية.. الحاج غير تيشوف فيها تتلعب بالمعلقة بدون متاكل..

الحاج: شاذية! بنتي كلي!
شاذية شافت فيه: واخا..
ايمن: مالكي؟
شاذية يااه غادي تهضر و هو يقاطعها طه..

طه: حاسة بالغرابة..
صفاء: علاش غادي تحس بالغرابة؟
شاذية: اوووف
طه: حيت شهرين مقتلات تاشي حد!

الكل سكت و تيشوفو فيه..

لالة عتيقة: ولدي! على كاين لي يتقلق حيت زعما (بتوثر) شنو تتخليني نقول استغفر الله حيد هاد الافكار من راسك..
طه شاف شاذية: مالكي ؟
شاذية: حاسة بالملل
طه: علاش؟
شاذية: داكشي لي قلتي صحيح! (شافت فيوسف) بغيت نقتل يوسف..
علي مخنزر: جربي ديريها الا منحرتك! منتسماش..

علي هو اب ايمن و يوسف و فنفي الوقت عم شاذية.. الحاج ضرب بالطبلة بالجهد..

الحاج: علي!! واش مبقيتيش تتفرق بين المزاح و الحقيقة؟

يوسف تيشوف فيها مخنزر.. و هي تتشوف فيه و هي حزينة..

شاذية غرغرو عينيها: مالكم معايا؟ نتوما لي تتسولو..

#يتبع