خبايا الزمن

الجزء 340

خبايا الزمن 🥀
#بارت-340...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

خلاه مغيب و دار شاف لخرين غير تيشوفو مقادرينش يهضرو..

سمير بالغوات: شاااااااذية فييييين؟؟
واحد من الگارد نطق: سمعناها تتهضر على اجتماع اعضاء "البيگدو" تنظن مشات لتماك..
سمير تاجه ليه و حط المسدس فعنقو و هضر بنبرة مرعبة: و فين كاين هاد الاجتماع؟

نرجعو لعند طه لي جالس فبلاصة ديال ايفان و تيقلد فيه و لخرين غير تيشوفوه كيفاش تيتحرك بحال ايفان و عبدالعزيز حابس الضحكة..

طه تيقلد فإيفان بنبرة تكبر: واش عرفتو خويا شنو دار لعائلة طه؟
جايكوب بعصبية: واش غادي نبقاو هنا؟
طه بتكبر: انا العضو الحاكم و انا لي غادي نقرر وقتاش غادي تحاكموه..
جايكوب بحدة: هادشي لي بغيتي برهوش يتحكم فينا؟
ايفان: صافي براكة من هاد المهزلة! طه نوض من تماك!!
طه بمكر: متأكد؟ حيت على حساب اللعبة الا نت طلبتي هادشي فهادا تيعني انسحابك و بما انو عندك الكلمة حيت نت هو العضو الحاكم فأنا زعما عائلتي هي لي ولات العضو الحاكم..

ايفان زير على يديه بعصبية تيلوم نفسو كيفاش حتى طاح فهاد الفخ و لي زاد عصبو هو الدري لي عندو عشر سنين و كان حاگرو و تيضحك فيه عباد الله هو بنفسو لي ردو دابا ضحكة..

ايفان: دابا نشوفو فين غنوصلو..

مايكل تيحرك راسو بلا حول و عبدالعزيز غير تيشوف بدهشة هادشي لي واقع..

طه بنبرة متكبرة: دابا غادي ندخلو سامويل و نشوفو طه البرهوش كيفاش غادي يحاكمو..

ايفان بتاسم باستهزاء.. طه ورك على واحد البوطونا تماك خلاهم غير تيشوفو باش عرف هادشي.. دخل واحد من رجال ايفان و تيشوف مستغرب من ايفان لي ماشي فبلاصتو.. تاجه لعند ايفان و طه خنزر..

طه: واقلة معارفش بالقوانين!! الكرسي لي مختالف على لخرين هو ديال العضو الحاكم!! قرب لعندي!!

الگارد تيشوف فايفان لي عطاه الاشارة عاد تاجه لطه.. و طه تيشوف فيه..

طه: خديتي من عندو الاذن باش تجي لعندي؟
الگارد: بطبيعة الحال!
طه بتكبر: خديتيها من برهوش عندو عشر سنين؟

الكل غير تيشوفو فطه كيفاش تقمص الدور ديال ايفان.. و تيق بلي فعلا هو ايفان..

الگارد ضحك: تيقتي راسك هههههه

طه حط يديه تحت الطبلة تيقلب و فنفس الوقت كان تيهضر مع الگارد حتى لقى الفردي و هو ياخدو كان صغير نفسو لي كانت عطاتو ليه شاذية شحال هادي و بدون تردد ورك على الزناد و جات الدقة فراس الگارد.. بقاو غير تيشوفو فيه..

#يتبع