خبايا الزمن

الجزء 306

خبايا الزمن 🥀
#بارت-306...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

هيثم: نت قلتي ليا بلي هجمو على الكل؟ يعني اي عضو قصدو عائلتو!!
جون: آه هادشي لي وقع..
هيثم: حتى عائلة البناني ؟

جون حرك راسو بآه

هيثم: و شنو وقع معاهم
جون: الصراحة مجزرة.. الحاج البناني مات بقرطاسة فالراس!! يعني الا كنتي تتسول على سمير فوصلوني معلومات بلي مات.. هو هجمو عليه فالريف!
هيثم: يعني الأفراد لخرين؟
جون: منقدر نقول ليك والو! و لكن الا يوسف بقى حي هو لي غياخد بلاصة ديال جدو! من مدة و هو تيوجد فيه..

هيثم خلا جون و تاجه لطواليط لي تما.. حس براسو غيتخنق.. باغي يعرف شنو وقع مع شاذية.. و فنفس الوقت مراضيش يعيط ليها.. قلبو تزير عليه و بزز تيخرج النفس طاح فالأرض و فعقلو تيدوزو حميع اللحظات لي دوزها معاها.. عمرو معاش بحال داكشي .. واخا هكاك قانع راسو بلي مكاين والو و بلي من غير الفراش و الانتقام مستحيل تكون شي حاجة خرا!!

أما فالريف
نرجعو شوية لور

***فلاش باك
وصلات شاذية و يا ريتها موصلاتش.. نفس المنظر.. الموت تدور.. قلبها رجف و فعينيها غير سمير..

شاذية: لا! سمير..

تمشات تتقلب عليه بعينيها لكن والو.. حتى دخلات لداخل و هو يبان ليها مرمي فالأرض عامر دم..

شاذية عينيها غرغرو: سمير!

متاجهة ليه تشوفو واش عايش ولا ميت حتى تحط سلاح على مؤخرة ديال راسها.. جاها من لور و هي عاطياه بالظهر..

**:متحركيش!!

شاذية هزات يديها لفوق باستسلام.. وبدات تترجع بلور و هي ميتاسمة بشوية بشوية حتى ولا صدرو على ظهرها و هبط السلاح حاطو فجهة ديال النواظر و هي تضربو براسها بالجهد حتى تأوه و فنفس الوقت زربات عليه و خدات الفردي منو و تيرات فيه طاح قدامها جثة هامدة.. لاحت الفردي و تاجهات لعند سمير لي كان مغيب و عامر دم حيدات ليه التريكو لي لابس و تتقلب على فين مضروب..

سمير كان واخد رصاصة فصدرو و هادشي زاد خلعها.. قاصت النبض ديالو كان ضعيف.. و هي تبدا تقلب على شي حاجة لي تعاونها حتى بدا تيصوني تيليفونها.. و هي تجاوب.. دارت لوباغلوغ و تتقلب حتى لقات موص و خذات قنينة ديال الشراب لي تما.. عقمات الموس و تتسمع لشنو تيتقال..

سامي: شاذية! هادا انا.. عرفت بلي تنهضر معاك معطل و لكن راه قوا**دت ديال بصح.. درت داكشي لي قلتي ليا و عمرتو باش يهجم على خوه و لكن هاد المكلخ ديال سامويل هجم على كلشي..
شاذية مبتاسمة: هرب!! (بنبرة مرعبة) حيت انا جاية لعندك!!

غير كملات هضرتها تاجهات لسمير و فتحات ليه صدرو و بدات تتخرج فالقرطاسة.. و خدات علبة الاسعافات الأولية و فنفس الوقت عيطات على واحد الطبيب مشبوه و صيفطات ليه لوكاليزاسيون..

بعد ساعة
وصل الطبيب و كمل خدمتو و جابو لسمير الأوكسيجين و خرجوه من تماك داوه لدار فواحد القرية تماك.. و علمو السكان باش يتسترو على الأمر.. و شاذية رجعات للدار فين تضرب خوها.. عمرانها ليصونص و خلات داك خونا لي قتلات تماك و شعلات فيها العافية.. و هضرات مع سعيد لي عاد جا.. باش يزيفو الموت ديال سمير..

سعيد: نقدر نعرف علاش باغاهم يعرفوه بلي مات؟
شاذية بابتسامة ساحرة: كثرة الفضول تتقتل!

سعيد تبدلو ملامح وجهو لخوف فهم تهديد ديالها و هو يمشي و خلاها.. و هي فنفس الوقت، عيطات لرؤوف لكن لا رد..

شاذية: لالة عتيقة و سي عبدالغفور!! فينكم؟

تاجهات لطونوبيلتها ركبات و هي ترجع باش تقلب على باها و مها..

#يتبع