خبايا الزمن

الجزء 261

خبايا الزمن 🥀
#بارت-261...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

هيثم بطنز: باراكة من التفلسيف!! الا فعلا باغي تاخد ليها حقها.. بدا بداك طارق.. كيفما كان عارف بعلاقتها مع سمير و سكت.. شواني فختي!! (حط ليه صبعو فصدرو) لي هي ختك! شويه فختو! كيفما حسيت بطعنة فالضهر.. حتى هو خاصو يحس بيها..

محسن مسح على راسو معارفش باش يجاوبو و فنفس الوقت باغي يبين ليه بلي هو مستحيل ينتاقم منهم و هو عارف بلي مكانش فخبارهم بلي هو اصلا كان عايش.. معرفش شنو يدير! واش هيثم علوان داير هاكا؟ كيفاش تيطلب منو يدير شي حاجة بحال هادي غير باش ينتاقم..

محسن: هاكا باش باغي تنتاقم من سمير؟ غادي طيح مع ختو؟
هيثم مخنزر: هادشي شغلي!
محسن: ختو راه هبيلة! ديك المرة جات لعندي و طعناتني فوسط الدار و خرجات بحالا موقع والو!
هيثم بجدية: متخافش داكشي لي غادي نخشيه فيها غادي يكون قصح!!

نهاية لفلاش باك ***

طه غير شاف رؤيا بقا مصمر فبلاصتو.. واش هادي فعلا ماما؟ الانسانة لي ولداتني؟

شاف معاها محسن و هيثم لي عرفو هو مول الرسالة.. بقا غير تيشوف فيهم.. لالة عتيقة شافت طه فين تيشوف و بانت ليها رؤيا.. حتى من الحاج رد البال و لي زاد عصبو هو وجود هيثم معاها.. رؤيا تتقلب بعينيها على سمير حتى شافتو تيشوف فيها بدون شعور بتاسمات.. شي لي لاحظو طه و دار لفين تتشوف رؤيا بان ليه سمير تيشوف فيها.. هيثم تاهو رد البال لنظرات رؤيا لسمير و هو يزير على دراعها..

هيثم مخنزر: رؤيا!!
رؤيا مقبحة وجهها: راك قصحتيني!
هيثم بأمر: اخر مرة غادي نقولها ليك! سمير نسايه.. ركزي على ولدك!
محسن: راه هو طه ا رؤيا..

رؤيا قلبها بدا تيضرب و هي تشوف فطه لي كان تيشوف فيها بنظرات استغراب.. تاجهات لعندو.. حتى قربات ليه و هي تجرو صفاء مبعداه عليها..

صفاء: وقت النعاس هادا ا طه!
طه بحزن: و لكن هادي الحفلة ديالي ا ماما!

رؤيا شافت صفاء شنو دارت و سمعاتو و هو تيقول ليها ماما صافي خرجات عن السيطرة مبقاتش تتشوف قدامها و تاجهات لعند صفاء و جرات منها طه بعنف حتى كان غيطيح.. صفاء غير تتشوف فيها و تخلعات من ردة فعلها..

رؤيا بالغوات: شفتك تيقتي راسك! الق***حبة..
معتز قرب منهم: رؤيا! حكمي عقلك راه طه كاين..
رؤيا بحدة: نت اخر واحد يهضر على طه! حيت هو ولدي انا.. سحاب ليكم نسيت شنو درتو؟ و كيفاش خليتوني نتيق بلي ولدي مااااات!!
صفاء بعصبية: انا لي ربيتو هو ولدي انا و معندكش الحق فيه..

مع كملات هضرتها رؤيا ركلاتها بالجهد حتى طاحت للأرض و تلاحت عليها باغا تكمل.. معتز جر رؤيا و دفعها بعنف..

معتز بحدة: رؤيا!! واش حماقيتي؟

هاد المشهد شافو سمير و هيثم مقدروش يتحكمو فريوسهم كثر و تاجهو لعند معتز و هما صاعرين بحال الثيران لي شافو اللون الأحمر قدامهم..

سمير وصل قبل من هيثم و ضربو بالجهد تيبرد فيه جنونو و حتى هيثم نفس الشيء.. تحماو عليه بجوج و هلكوه عصا بداو الناس تيفكوه بزز باش وقفو و هادشي كامل داز قدام عينين طه.. محسن وقف حداه.. و تحدر لمستواه..

محسن: طه!

طه غير تيشوف فمحسن و عينيه عامرين بالدموع و هو تيحضر لمعتز تياكل لعصا من طرف جوج ديال الناس..

طه شاف فيه مخنزر..

محسن بجدية: رؤيا هي ماماك لي ولداتك.. و سمير هو باباك لي ولدك.. صفاء و معتز هما والديك لي رباوك و كبروك.. يعني تيبغيوك.. و لكن فالأصل، معتز خداك من احضان رؤيا.. و قنعها بلي متي.. و هاكا باش قدر يربيك.. هاديك طريقة غير قانونية و تتعتابر خطف و تيعاقب عليها القانون.. نت عارف بلي انا هو المحامي ديال رؤيا! و هي ملي اكتاشفات الحقيقة عانات بزااف.. الا رفعات الدعوة على معتز و صفاء القانون غادي يعاقبهم.. حيت اولا خطفوك و ثانيا زورو الاوراق و معتز عطاك كنيتو..

طه بقلق: ولكن دابا انا كنيتي البناني!
محسن: اه! دابا.. اما لمدة عشر سنين كانت عندك اسم ديال معتز و كنتي مكتوب فالحالة المدنية ديالو ماشي غير هو حتى صفاء كانت مكتوبة فبلاصة ديال الام.. و دغية نقدر نثبت هادشي..
طه بخوف: دابا بابا و ماما غادي يدخلو للحبس؟
محسن: اي واحد خرق القانون تيتعاقب و تيدخل للحبس..
طه: و هي؟ علاش دخلات للحبس و كانت بريئة..
محسن مسح ليه على راسو: شنو بان ليك تسولها نت؟

#يتبع