خبايا الزمن

الجزء 389

خبايا الزمن 🥀
#بارت-389...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

معتز تيهضر مبرد باش ميبينش توثر ديالو: شنو قلت ليها؟ فاش كاذبة؟
البوليسي: رؤيا علوان! نت لي كنتي السبب باش دخلات للحبس.. و ماشي غير هادشي قالت بلي نت لي قتلتي سارة..
معتز وسع عينيه بالصدمة و كلشي تمثيل: شنو تتقول؟ انا مستحيل ندير لرؤيا هاكا..
البوليسي بعدم تصديق ضرب الطبلة بقوة: و الولد لي سميتيه على اسمك؟ ملي قلبنا لقينا بلي ولدها نت لي خديتيه و ربيتيه.. هو ماشي ولدك ولد رؤيا علوان.. و ماشي غير هادشي هي ولداتو فالحبس داوها للمشفى لي قريب و لكن من بعد الطبيب وقع على ورقة وفاة الطفل و حتى تصريح الدفن تعطى لخال رؤيا باش الولد يتدفن و مع الأسف تاشي حاجة من هادشي ما صحيحة.. الولد حي يرزق و تحط على اسم باه الحقيقي.. عرفتي غير فهاد القضية شحال من جريمة كاينة؟ اختطاف طفل.. تزوير شهادة الوفاة.. و عاد تسمي ولد على اسمك.. فالدين تنظن ممنوع تعطي اسمك لشي حد ماشي ولدك و حتى الا بغيتي تربي كاينين طرق قانونية لهادشي..

معتز سكت معرف شنو يقول حتى زاد صدمو البوليسي..

البوليسي: غادي يتفتح تحقيق ضدك على جميع التهم المنسوبة ليك! حتى مراتك غادي دخل فالمعماعة خصوصا فقضية ديال الولد.. نت دابا رهن الاعتقال..

معتز ناض بعصبية: راك غالط و بزااف واش اي وحدة افترات على شي حد تحبسوه؟ معندكم تاشي دليل ضدي..
البوليسي: لا مكاينش مع الأسف.. (بطنز) داكشي علاش بنما نلقاو دليل غادي نستاضفوك معانا و نحققو مزيان فقضية رؤيا علوان.. هي خرجات منها ببراءة و القضية ملقيناش شي دليل.. يعني خاص نعرفو شكون القاتل متنساش بلي الروح عزيزة عند الله واخا يدوزو آلاف السنين القضايا فالأخير تيتحلو ا سي الطبيب..
معتز: بغيت المحامي جيبو ليا المحامي انا مستحيل نبقى هنا!! انا مدرت والو..

معتز بغى يخرج لكن حبسوه و هو يتعصب بدا تيضرب و يدفع اي واحد حداه.. و فالأخير دخلوه للبنيقة..

معتز: ميمكنش! ميمكنش خاصني نخرج خاصني نخرج من لهنا ضروري..

عند هيثم و شاذية
رجعو لدار سارة، بقاو متكيين فوق الناموسية و بجوج ساكتين.. تواحد مقدر يجبد الموضوع مع لاخر.. ليوم كانو غادي يتزوجو كن مطاحش ليها الولد.. دموعها تيهبطو بدونما تحبسهم معرفاتش علاش.. واش كن ولداتو كانت غادي تكون ام مزيانة؟ ولا غادي تعلمو القتيلة حيت هادي هي الحاجة الوحيدة لي تتعرف.. هيثم تنهد و دار عندها لقا دموعها دايزين عارف بلي الموضوع حساس بزااف حتى هو فقد طرف منو فرح بزااف فاش ساق الخبار.. قرب لعندها و بدا تيمسح ليها فدموعها لي نازلين بدونما يحبسو..

هيثم: انا من الاسباب..
شاذية دارت لعندو تتشوف فيه: الأسباب ديال شنو؟
هيثم: ولدنا! جسمك متحملش العنف ديالي.. انا مستحيل نعاود
شاذية حطات يديها على فمو: شْشْشْشْشْ! متقولش شي حاجة مغتقدش عليها..
هيثم ديق فيها عينيه: علاش؟ واش انا فنظرك وحش؟
شاذية ابتاسمات: احسن وحش قابلتو فحياتي..
هيثم بتاسم ليها: غادي نولدو بزااف و دابا تشوفي..

شاذية غير سمعات لولاد جمعات الابتسامة ديالها: انا! انا مبغيتش.. عمرني فكرت بلي غادي نولد ولا باغة نولد..
هيثم: شاذية! شنو تتقولي؟ الولاد احسن حاجة..

شاذية: فكرت مزيان.. مبغيتش نولد شي شاذية خرا!! مبغيت تاشي حد يعيش داكشي لي عشتو، انا قتالة.. تنقتل بدم بارد.. ولدي الا
هيثم قاطعها: ولدنا!! و غادي نولدو ماشي غير واحد بزااف.. و غيكونو حسن منا..

جرها لعندو و حط جبتو على جبهتها: شاذية! غادي ننتاقم لأي واحد عندو يد فموت ولدنا..
شاذية: كيفاش؟
هيثم: معتز!! داكشي لي دار ليك فالسبيطار و عاد انا
شاذية: هادشي معندوش علاقة.. معتز نساه! هو خسر صفاء غادي يخسر معاها كلشي يعني هو انتاقم من راسو.. ميحتاجش تضيع وقتك معاه..
هيثم: علاش هجم عليك؟
شاذية: حيت قلت ليه بلي عارفة السر ديالو..
هيثم بفضول: اينا سر؟
شاذية: هو من احلامو يكون فرد من عائلة من عائلات "البيگدو".. و ملي عرفني عارفة هجم عليا.. مريض!

هيثم قبلها فجبينها: حاولي تنعسي.. يلاه غمضي عينيك..

#يتبع