خبايا الزمن 🥀
#بارت-254...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀
رؤيا مسحات دموعها و تيهربو ليها الشهقات مرة مرة..
رؤيا: انا بغيت ولدي! بغيتو..
سمير تيمسح ليها دموعها: غادي تشوفيه! غير هو راه باقي صغير
رؤيا: مقلتو ليه والو؟ يعني عليا؟
سمير: فخبارو.. زعما بلي نتي هي مو! و لكن معرفتش كيفاش غادي يتعامل راه باقي صغير واخا يصدك متقلقيش..
رؤيا بخوف: علاش غادي يصدني؟ انا ماماه! ماشي خليتو.. (غرغرو عينيها) هما لي قالو ليا مات تنحلف ليك بلي مكنتش عارفاه حي.. واش كاينة شي أم لي تسخى بولدها؟
سمير تنهد: راني عارف و لكن هو باقي صغير.. فهميني!
رؤيا بعدات عليه: خاصني نمشي..
سمير حرك راسو بآه.. و هي تخرج من تماك و خلاتو
داز الوقت
و هي تدخل للقصر عينيها كانو حمرين و غير شافها هيثم تاجة لعندها مخنزر..
هيثم: فين كنتي؟
رؤيا بعصبية: انا معنديش خمس سنين أ هيثم و حنا ماشي فألمانيا! واش بغيتي تزيد عليا حبس على حبس؟
هيثم بحدة: رؤيا!
رؤيا: ياك قلتي ليا غادي تجيب ليا ولدي؟ فين هو ولدي؟(بالغوات) فين؟ (بغضب) و ثانيا معندكش الحق تتحكم فصحابي و تبعدهم عليا! بسبابك محسن مبقاش تيهضر معايا.. غير قول ليا باش هددتيه؟
هيثم بجدية: من الأحسن يبقى بعيد عليك حتى نعرف شكون لي مصيفطو!!
قاطعهم عبد العزيز مخنزر: أنا لي صيفطتو! و بعد من ختك لي فيها كافيها!
هيثم بعدم فهم: علاش؟
عبدالعزيز بأمر: هيثم تبعني!
رؤيا غير مصدومة، كيفاش هو لي صيفطو؟ شنو واقع؟ وعلاش محسن مقال ليها والو؟ واش هو جاسوس عند خالها و كان تيلعب من ورا ظهرها هاد شهورا كاملين؟
زيرات على يديها و هزات تيليفونها تتعيط على محسن و تعاود لكن ولا رد..
أما هيثم و عبد العزيز فدخلو للمكتب يهضرو..
هيثم: شنو مخبي مزال أ خالي؟
عبد العزيز: كيفما قلت ليك أنا لي مصيفطو و لكن هو معارفش يلي أنا لي مصيفطو
هيثم مخنزر: شنو تتقول؟
عبد العزيز بحدة: هاداك الولد مغاديش تقرب منو ولا تقيسو.. كلفت سلسبيل بهاد الموضوع.. فلول كنت أنا لي تنصيفط ليه رسائل تتحمل علامة الخاصة ب"البيگدو" من بعد كلفت سلسبيل.. هو دار المحاماة بالضبط باش ياخد القضية ديال رؤيا! و يحلها.. و مخابش ظني فيه حلها و نجح فيها.. و دري معارفش بلي حنا لي مصيفطينو..
هيثم حك لحيتو تيحاول يفهم: و شنو لي خلاه يقرا المحاماة على قبل رؤيا! مفهمتش يعني كيفاش حتى قنعتوه؟
عبدالعزيز: كنت خاصني نحمي ختك! سارة عارفة بزااف ديال الحوايج و أقرب شخص ليها هي رؤيا.. الكل غيقول بلي حتى رؤيا عارفة و راك عارف هي ماشي قوية بحالك مفشششة بزااف.. و ملي ماتت و تاهموها، هنا صافي قررت باش نحميها هاكاك
هيثم قاطعو: و خليتيها مليوحة فالحباسات؟ بنت ختك!! من دمك!
عبدالعزيز: انا هاكا حميتها و جنبتها الموت..
هيثم: كن علمتيني و قلتيها ليا!
عبدالعزيز: و فنفس الوقت كنت مقلق حيت اكتاشفت الأمر ديال الحمالة! و من شكون؟ عائلة البناني.. المهم
#يتبع
أنت تقرأ
خبايا الزمن
Mystery / Thrillerتقديم 🙋🏻♀️جيت ليوم و جايبة ليكم الجديد قصة جديدة لي نتمنى تنال الاعجاب ديالكم🥰🥰 من بعد نجاح قصتنا "حب نتيجة خطأ طبي" قررنا نكتبو قصة جديدة بجوج بعنوان: ⏳خبايا الزمن⏳ بقلم: Lay Lã & Sarah Sarrita القصة ما طويلة ما قصيرة لكن تتجمع بين 💥#الحب �...
