خبايا الزمن

الجزء 277

خبايا الزمن 🥀
#بارت-277...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

لمياء: لا! مستحيل غير حيد هادشي من بالك.. و حتى الا كان هادشي صحيح علاش غادي يتزوج بصفاء و يربي طه؟ كان بإمكانو غير يحطو فالميتم.. ولا يعطيه لسمير..
كمال: لا! محطوش فالميتم حيت ولد سمير.. و علاش معطاهش لسمير هادي لي مفهمتهاش.. حيت هادشي لي دار معندو تاشي معنى.. يعني باش ينتاقم من رؤيا حطم سمير و طعنو فظهرو و خلا الكل يكون فصفو حتى منك نتي!!
لمياء: صافي نسا!
كمال: نقولو الصراحة معتز لعبها مزيان! خصوصا الاختيار ديال صفاء.. كان فمحلو.. ماشي ماريا حيت كانت تتبغي سمير.. ولا سلسبيل ولا شاذية
لمياء متفاجئة: واش زعما هو اصلا باغي وحدة من عائلة البناني؟
كمال: هادشي غريب بزااف..
لمياء: ولكن حطيتو فراسي..

طارق جا لعندهم مع اخر مقالت ختو..

طارق: شنو حطيتي فراسك؟
لمياء: فين غابر؟

طارق شاف فرانيا لي غير شافتو ابتاسمات و هو يهزها و باسها..

طارق: شكون انا؟ ها؟ دوي ا رانيا!! (شاف فلمياء) وقتاش غتبدا تهضر؟ ها!
لمياء بتاسمات: باقي مزال الحال..
طارق: راه تتشبه ليا..

طارق بدا تيبوس فيها و لمياء مبتاسمة ليه..

لمياء: رانيا تتشبه لمها داكشي علاش كلشي تيحماق عليها..
طارق: الا انا!
لمياء: ياك!! متتحملينش؟

رؤيا وصلات للقصر مدمرة.. عينيها منفوخين تاجه عندها عمر..

عمر: مالكي؟

رؤيا غير تتشوف فيه بحالا حط ليها الملحة على الجرح عنقاتو و بكات.. عمر غير شافها عنقاتو قلبو بدا تيضرب بالجهد و هو يبادلها العناق و ممتيقش بلي رؤيا بين أحضانو دابا.. بقا تيتحسس فظهرها و تيشم ريحتها و هي غير تتبكي.. حتى فاجئهم هيثم.. لي شافها حاضناه و تتبكي جرها لعندو و دفع عمر حتى طاح..

هيثم مخنزر: رؤيا دخلي!!

رؤيا تتنخصص مفهمات والو شنو تيحاول يدير ولا علاش جرها و دفع عمر.. بقات غير تتشوف فيه حتى خنزر فيها و هي تدخل..

هيثم بحدة: تهز من الأرض!

عمر ناض من الأرض و هو مخلوع حيت عارف هيثم كيف داير و قدر يفهم من تصرفو بلي دار هاكا حيت عنق رؤيا..

هيثم بنبرة تهديد: متبقاش تشوف لفوق! حيت عنقك غيتهرس..

غير كمل دخل للقصر تيقلب على رؤيا.. لقاها تتمسح دموعها و هو يتاجه لعندها معصب..

رؤيا: مالك؟
هيثم مخنزر: شوفي نتي!
رؤيا: علاش تتشوف فيا بحال هاكا؟
هيثم: واش مشفتيهش كيف كان تيتلمس فيك؟
رؤيا بصدمة: شنو؟ راه تربى قدام عينينا واش حماقيتي.؟
هيثم بتهديد: داكشي لي وقع و انا مكاينش مبغيتوش يتعاود
رؤيا: كيفاش؟ شنو بغيتي تقول؟
هيثم بحدة: ديري العز لراسك!!
رؤيا بعصبية: مالي بنت ليك مدلولة؟
هيثم: راني هضرت معاك و فهمتيني شنو تنقول!!
رؤيا: هادشي لي تتعرف غير تهدد فيا و تخلع فيا و تتحكم فيا!! انا مبقيتش صغيرة راه عندي كثر من 30 عام!! فعاود متبقى تهاجم بحال هاكا سير عند داك الحاج و جيب ليا ولدي ياك نت صحيح و مقاد عليك حد يلاه بين ليا بقات فالهضرة!!

رؤيا ضربات فيه و زادت خلاتو تيغلي من لداخل.. جبد تيليفون و عيط لجون بقى تيصوني مدة عاد جاوب حال عين و ساد عين..

هيثم: فينك؟
جون: فلوطيل!
هيثم: صيفط ليا فين انا جاي عندك دابا!

هيثم قطع معاه..

#يتبع