خبايا الزمن

الجزء 11

🥀خبايا الزمن 🥀
#بارت-101...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀ً

رؤيا وقفات و دارت عندو بعصبية: شنو تتقول؟
طارق: هو معارف والو
رؤيا: دابا المغرب كولو عارف هادي سيمانة..
طارق: باقي موصلاتوش الخبار.. هو كاين فالريف.. لكن دابا أنا متأكد غادي يكون راجع حيت كلنا مستحيل نفلتو عيد ميلاد طه..
رؤيا بعدم فهم: طه؟ شكون هادا؟
طارق بلع ريقو: ولد معتز.. غدا عندو عيد ميلاد 🎂
رؤيا: مزيان!!
طارق: علاش لي متجيش حتى نتي؟
رؤيا بحقد: معندي مندير مع الشمايت.. خليت لكم الراحة..
طارق: رؤيا! الا بدلتي رأيك.. راه عندك نمرة ديال لمياء..

ركب فطونوبيلتو و هي دخلات للقصر..

فدار محسن
غير رجع تعشا و تلاح تيتفرج حتى تيليفونو بدا تيصوني هزو كانت رؤيا.. و هو يجاوب..

محسن فرحان: القلب على القلب يلاه كنت غادي نعيط ليك..
رؤيا بعصبية: عاوتاني شفت هاداك الزا**مل ديال طارق..
محسن تقاد فالجلسة: واش قال ليك شي حاجة ؟
رؤيا بغضب: آه! بلا حشمة بلا حيا عارض عليا لعيد ميلاد ديال ولد معتز..
محسن: شكون معتز؟
رؤيا: على شحال من معتز كاين؟
محسن: لا زعما شنو كنيتو؟ واش هو لي عندو العيد ميلاد ؟
رؤيا تنهدات: لا ولدو صافي نسا!! قول ليا فين وصلتي!؟ واش لقيتي ولدي؟
محسن: قربت.. فهاد الأيام غادي نلقاه..
رؤيا بفرح: حلف..
محسن: واش أنا عمري كذبت عليك؟ و لكن راه ملي لقاه غادي نهضرو أنا وياك حديث مطول.. حيت الدري الا كانت مربياه شي عائلة حطي احتمال بلي يقدر ميكونش عارف بلي متبني.. خاصنا نحلو الموضوع بدون منخرجو عليه..
رؤيا: ساهلة غادي نقولها ليه و هو أصلا راه عندو مو لي هي أنا!!
محسن تنهد 😮‍💨: حتى نلقاوه بعدا عاد نهضرو أنا وياك.. صافي؟
رؤيا: واخا!
محسن: مقلتيش ليا؟ شنو كنية ديال معتز و شكون مراتو؟
رؤيا: شكون عرف بمن تزوج؟! كنيتو الإدريسي هو راه طبيب..
محسن: و علاش غير طارق لي جا يتسامح معاك؟ علاش معتز مجاش!
رؤيا: أصلا هاداك السيد راه فشكل.. فاش كانو تيخرجوني من الحبس باش يديوني للسبيطار ديما كنت تنلقاه.. و لكن الحبس عمرو جا لعندي.. و هادي كثر من خمس سنين مشفتوش!!
محسن حك لحيتو: و علاش مكانش تيجي للحبس!
رؤيا: واقلة عندو فوبيا و الله معرفت..
محسن: اوا مالكي علاش لي متمشيش لعيد ميلاد ولدو و تدي لكادو؟
رؤيا: هاداك و مراتو غادين يكونو تماك و أنا مستحيل نتلاقا بيه بغيت نمحيه من حياتي..
محسن: و لكن راه هو بابات ولدك!! يعني مستحيل تحيديه من حياتك أ رؤيا..
رؤيا بحدة: هاداك الولد أنا مو و أنا باه متبقاش تجبدو قدامي!!!

رؤيا قطعات عليه معصبة.. و لاحت تيليفون بإهمال فوق الناموسية..

مع منتصف الليل
سمير كان فطونوبيل شاد الطريق راجع باش يحضر لعيد ميلاد طه.. و كان الصقيل.. هاد الأيام لي جا فيهم نسا الدنيا و ما فيها و ارتاح و قاد الخدمة وخا باقي مكملش.. غير يسالي العيد ميلاد غادي يرجع عاوتاني يتلاهى فيها.. عقلو غاب حتى بدا تيضرو راسو بزااف بدا تيتنفس بهدوء و هو يوقف طونوبيل واخا ممنوع يوقف.. خدا من جيبو دوا و بلعو بقا متكي واحد المدة عاد كمل شاد الطريق..