خبايا الزمن

الجزء 359

خبايا الزمن 🥀
#بارت-359...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

معتز: نتي مراتي! و انا تنبغيك.. كانت غير نزوة لكن نتي مستحيل تخليني.. عفااك ا صفاء مديريش ليا هاكا انا والو بلا بيك..
صفاء بغضب: نت اصلا هادشي لي بغيتي غير تزوج بوحدة من عائلة البناني ياك؟؟

تنترات منو بجهد حتى طلقها

صفاء الدموع تيهبطو ليها و تتهضر بحرقة: انا حمااااارة و كان عاميني الحب.. مقدرتش نشوفك على حقيقتك.. كيفاش قدرتي تخوني؟ كيفاش قدرتي تشوف فوحدة من غيري؟ مناش حرمتك؟ داكشي لي عمر شي حد عطاه ليك عطيتو ليك ا الغداار عطيتك وقتي و حياتي و مقلتش لا على تاااااشي حاجة و غفرت لجميع اغلاطك.. ديما تتكذب عليا و تنتيقك خصوصا فموضوع طه.. مكنتش تنظن تكون بهاد القذارة..
معتز مخنزر: صفاء! عرفي راسك شنو تتقولي انا فعلا بغيتك
صفاء بعصبية: نت مستحيل تبغي شي حد كثر من راسك!! نت اناني انا بالنسبة ليك غير السلطة لي باغي توصل ليها.. كنتي جربتي حظك مع رؤيا و سلسبيل شحال حذراتني منك!! لكن والو.. انا كنت معمية.. انا تنكرهك و كرهت راسي صحاب ليا فعلا باغيني انا باغي صفاء ماشي بنت البناني.. دابا صاااااافي (ضربات يد مع يد) نت مبقاتش عندك بلاصة فحياتي مستحيل نضيع معاك ولو دقيقة وحدة..
معتز حرك راسو بلا: صفاء! انا فعلا تنبغيك تنحلف ليك كانت غير نزوة.. انا نتي لي باغي..
صفاء بسخرية: دابا عاد فهمت كلشي! حمدلله حيت مولدتش معاك و الحمدلله حيت دابا طه مع والديه..(قالتها و هي تتألم) حتى طه عمرك بغيتيه ياك؟ (غوتات) كيفااااش قدررررتي تاخذو من مووو؟ (بصوت تيقطع فالقلب) انا بغيتو كثر من رووووحي وااااااش لهاد الدرجة متتحسش؟؟
معتز بعصبية: حبسي!!! طه حتى هو ولدي و بغيتو كثر من اي واحد فهاد الدنيا.. و باقي ولدي (شد ليها يديها و هي تتنتر منو) تنحلف ليك بلي غادي نرجعو كيف كنا ناخدو طه و نمشيو بعيد..
صفاء بغضب: واش لهاد الدرجة صعيبة؟ ها؟ صعيبة تفهم بلي مبقيتش باغاك؟

معتز ركع قدامها تيشوف فيها بترجي و عينيه عامرين بالدموع شد ليها يديها و تيقبل فيها بهستيرية..

معتز خايف يخسرها: صفاء! مديريش فيا هاكا.. عفاك! انا تنبغيك.. منقدرش نعيش بلا بيك.. متخيليش باش حسيت ملي ملي كنتي تتموتي بين يدي..

صفاء بدات تتبكي و قلبها ضرها حيت فعلا بغاتو من قلبها لكن مستحيل تغفر ليه لخيانتو ليها مستحيل ترجع معاه كيف لول.. حيت دابا الثقة مشات و ملي تتمشي الثقة تيمشي كلشي.. بعدات منو..

صفاء: واش ترضى تبقى مع شي حد لي يخونك؟ تخيل كن خنتك؟ واش تقدر؟ تبغي تبقى معايا؟

معتز ناض من الأرض و شاف فيها تيحاول يشرح ليها للمرة الألف و هو كولو أمل تسامحو و تنسى لي طرا

معتز: صفاء! هاديك غير نزوة.. معندها تاشي اهمية فحياتي.. نتي هي روحي منقدرش نعيش بلا بيك..
صفاء بحدة: واااش تبغيها؟؟ الا خنتك؟ واش ترضاها على راسك؟ تبقى معايا انا لي خنتك؟
معتز تنهد و نطق و هو ضاغط على قلبو: نتي متتغلطيش و مستحيل ديري بحال هاد الغلط..
صفاء بسخرية: حتى انا كنت تنقول نفس الحاجة.. معتز مستحيل يديرها.. مستحيل يشوف فوحدة خرا.. (هبطو ليها الدموع) شنو لي عطاتك انا معطيتوش ليك؟ ها؟ (بحزن) شنو ليقيتي عندها انا معنديش؟
معتز: صفاء! عفاك مديريش هاكا
صفاء بعصبية: خرررج! خرررج من حياتي عطييينييي التيساااااع..

بدات تتدفع فيه و تضرب تجننات عليه و هو تيحاول يهدنها لكن والو و هو يخرج.. مصحابش ليه غادي تبقى مصرة على رفضو.. قال غادي دوز مدة غادي تنسى و يرجعو بحال الأول لكن صفاء مقدراتش تنسى خيانتو.. بقات تتبكي و تتشهق.. خسرات بزااف فعام واحد.. خسرات طه، ماريا، معتز و من بعد عائلتها..

معتز كان خارج و تلاقى مع رؤوف..

رؤوف بأمر: منبقاش نشوفك هنا!!
معتز دار لعندو: صفاء مراتي..
رؤوف: كانت.. دابا مبقى بيناتكم والو.. المحامي غادي يتكلف بكلشي
معتز بلع ريقو: من الاحسن متدخلش
رؤوف بسخرية: واش عارف راسك شنو تتقول؟ ولا معامن تتهضر؟ شكون نت اصلا؟ متنساش هي لي رضاتك راجل.. متنساش اصلك.. دغية نزطم عليك لي قدامك رؤوف البناني.. لزم حدك!!
معتز زير على يديه: بغيتي ولا كرهتي صفاء مراتي
رؤوف حط يديه على كتافو و زير: غتق**ود من لهنا.. و غادي طلقو و منبقاش نشوفك (بتهديد) ولا غادي نردك فواحد الحالة لي عمر شي حد ميقدر يتعرف عليك.. مفهوم؟

رؤوف حيد يديه من كتف معتز لي تيشوفو و هو مخنزر و تيتحلف فيه غير بعينيه..

رؤوف: يلاااه! ولا نجيب لي يخرجك بحال الكلاب؟

معتز خرج من القصر و هو حاقد ديال بصح طلع لطونوبيل و بدا تيضرب فالفولون بجهد.. حتى تهدن ديمارا طونوبيل و مشا..

معتز: مستحيل! صفاء مراتي.. مستحيل تفرقوني عليها..

#يتبع