خبايا الزمن

الجزء 329

خبايا الزمن 🥀
#بارت-329...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

**فلاش باك
يوم الجنازة

ايفان: بغيت نهضر معاك!

رؤوف حرك راسو بآه.. تاجهو للمكتب ديال جدو بتاسم بسخرية عينيه مغرغرين و دخلو سدو عليهم الباب..

ايفان: على سلامتك! دغية نقزتيها!!
رؤوف: الحمدلله
ايفان: مهم راك عارف "البيگدو " و الاعمال ديالو متيوقفوش! و مورا جدك على حساب القوانين عمك شعيب لي خاصو ياخد بلاصتو لكن مع الاسف هو فكومة.. و الحاج دراعو اليمين هو يوسف، لي وضعو معلوم.. نت هو الذكر الوحيد لي بصحتو واخا باقي مريض شوية.. يعني نت و طه!

رؤوف غير سمع طه و هو يخنزر: الا تتقلب على شي حد أنا غادي نتكلف!! طه باقي صغير خليه بعيد
ايفان: متقلقش! و لكن هادي هي تكون عائلتك عضو ف"البيگدو"!! راه من صغرنا تنعيشو العجب!! خاصو حتى هو يتعلم.. واخا تيعيش مع مو فنت بمثابة عمو و خاصك تعلمو.. باه مات!
رؤوف: نت هو العضو الحاكم ف"البيگدو" خليك غير ف"البيگدو" امور عائلتي(و ضغط على كلمة عائلتي) خليهم ليا!! و بالنسبة للشخص لي غادي يجي فبلاصة الحاج فمعلوم يوسف.. و الا كان بالضروري طاولة تجمع فمغادي يحضر تاشي حد منا!! حيت كيفما تتشوف عندنا جنازة و بسباب خوك.. بان ليا غرقت مع "البيگدو" و نسيتي عائلتك..
ايفان بتاسم: متخافش! عائلتي و عائلات جميع أعضاء "البيگدو" تحت مسؤوليتي! (دار راسو تيفكر) فين هي شاذية؟ من الأحسن تلقاها.. راك عارف الحاج فالسنين لخرا كان تيدافع عليها بزااف.. مبغيتش شي مشكيل.. و توصل لداكشي لي وصل ليه خويا (و ضغط على كلمة خويا) راك عارف العاقبة ديالو باينة..

ايفان ناض من بلاصتو و حتى رؤوف..

ايفان: الطاولة تتجمع ملي تيكون الأعمال! الحياة تستمر.. عرفتك مقصح من شنو وقع لعائلتك.. لكن متنساش بلي واحد الشخص تيتسنى العقاب.. و لي خان تيتعاقب وسط الطاولة.. و باش نعلن على حسن نيتي كعضو حاكم.. غادي نعطيكم نتوما باش تعاقبو مول الفعلة..
رؤوف: الرسالة وصلات!

نهاية لفلاش باك ***

رؤوف: مستحيل نخلي طه طعم لكم!! فينك ا شاذية فينك؟؟

ضرب الطبلة بغضب..

نمشيو لقصر مرابط
محسن من مورا شنو وقع ليه غير تحسنات حالتو جابوه للقصر و حطوه فواحد الجناح تقاد على قبلو.. و آية ولات تتجي لعندو كل نهار.. لمياء، كمال و حتى طارق و عائلتو جاو باش يزورو محسن يشوفو ورؤيا.. أما هيثم ديك الساعة مكانش فالدار..

آية دخلات لعندو للجناح كان متكي جاه الملل ممخلينوش يخرج حيت الطبيب مزال معطاهش الاذن واخا تيحس براسو مزيان.. غير شافها تقاد فالجلسة هي ابتاسمات و جلسات حداه..

اية: باش تتحس يراسك اليوم؟
محسن: ملي تتكوني معايا تنكون اسعد واحد فهاد الدنيا.. عرفتي دابا شنو بغيت..
اية تزنگات: صافي باراكة من هاد الهضرة واش متتقاداش؟
محسن بتاسم عاجبو الحال: نتي لي سولتيني! و دابا نوبتي، عرفتيني شنو بغيت ؟
اية شافت فيه بحب: شنو بغيتي؟
محسن: بغيتك تبوسيني!
اية تزنگات و هي تضربو لكتفو بخفة: وا صافي! كن تحشم..
محسن هز كتافو: علاش غادي نحشم ؟ يلاه بوسيني و دابا!

اية قربات منو كثر و كثر و باستو فحنكو.. و بعدات حطات شعرها ورا وذنيها و طالعة معاها الصهدة..

محسن: ماشي تماك! اجي قربي نوريك فين!
اية بتاسمات ليه و هضرات: فين ؟
محسن : قربي متخافيش مغاديش نعضك..
اية ضحكات و قربات منو: قل ليا فين؟

شدها من خصرها و قربها ليه كثر و كثر و يلاه غادي يبوسها تحل الباب و دخلات رؤيا شافتهم قراب علاين يتباوسو..

#يتبع