خبايا الزمن

الجزء 381

خبايا الزمن 🥀
#بارت-381...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

هند بترجي: عفاك غير خليني نشرح ليك..
رؤوف باستهزاء: واش نت لي رضيتيها فهاد الحالة؟ باش تجي تقول بلي كانت تتكذب؟ و شنو ناوي؟
معتز بحدة: نت بالذات مدخلش..
رؤوف بأمر: لزم حدك و عرف راسك معامن تتهضر
صفاء: رؤوف! غير
رؤوف قاطعها: نتي بالضبط غادي تسكتي.. واش فعلا متيقة بلي معندو ذنب فوالو؟ واش عرفتي شحال من وحدة داز عليها؟ ماشي غير هادي.. و ملي تيسالي منهم تيجري عليهم يخرج ليهم على خدمتهم و يجيب الجديد.. هاد البنت غير وحدة من بزااف..
صفاء مصدومة: شنو تتقول؟
معتز شد ليها يديها: متيقيهش باغي حتى هو يفرقني معاك.. انا غير نتي لي تنبغيك ا صفاء..
رؤوف بغضب نتر ليها يديها منو: اش غادي نفرق فيك و نت مفروق من عند الله..
معتز شاف فهند و علا صوتو: هضري مالك ساكتة! قولي لي كااااين..
هند شافت فصفاء و هضرات و هي مخلوعة: معتز عندو الحق انا ما بيني و بينها والو..
رؤوف: غير الا بغات تقول عكس كلاموشوفي كيفاش مزوق ليها وجهها..

صفاء داخت معرفات شكون تيق.. غير تتشوف فيهم كل واحد تيأكد ليها بلي هضرتو هي الصحيحة..

رؤوف: الا بغيتي تعرفي الحقيقة سولي شاذية.. هي عارفة كلشي..

معتز تيشوف تفكر شنو قالت ليه شاذية ديك المرة..

**فلاش باك
أحداث من الجزء 311

معتز بصدمة: راه مراتي تاهي تضررات..
شاذية: آه! عندك الحق تضررات و لكن مماتتش.. ( خنزرات فيه) هرب! حيت موتك تيبان ليا قريب.. كل نهار تتغرق كثر من النهار لي قبلو..
معتز بحدة: شنو تتقولي؟ انا ماشي قتال!!
شاذية زيرات على دراعو و هي مبتاسمة: فنظرك شكون لي عندو سبب مقنع باش يقتل سارة؟

شاذية غمزاتو: سارة قبلما تموت عاودات ليا كلشي.. حتى دوك المخططات الغبية ديالك!! فبلاما تمثل عليا..
معتز بدا تيعراق: شنو تتقولي؟
شاذية شافت فيه مبتاسمة: لي تنقول هو؛ نت الهم الوحيد لي عندك هو تكون شخص قوي.. لدرجة قتلتي المرا لي تتبغي باش متفرشش..
معتز خنزر فيها و هي دير ليه اشارة لعنقها: يلاه! قجني.. يلاه!!

معتز بدون شعور تلاح على شاذية قاجها بكل قوة و هي غير تتضحك و هادشي زاد جهلو لدرجة خبط ليها راسها بقوة مع الحيط حتى هبط ليها الدم و هو يطلقها.. طاحت على الأرض مغيبة.. خلاها هاكاك و خرج من تماك..

نهاية لفلاش باك**

صفاء فعلا داخت معرفاتش شنو دير حتى من هند تتأكد هضرة ديال معتز و تقدر شاذية تأكد هضرة ديال رؤوف و لكن هي شكون لي غادي يخليها تيق؟ شكون لي تيكذب و شكون لي تيقول الصراحة؟ زعما خوها يكون بهاد الدنائة؟ واش خوها لي دار هاد السيناريو باش تفرق مع معتز؟ شنو كان غادي يربح؟ و علاش دار هكاك؟

و لي زاد على مابيها هما الادلة لي عطاها معتز ديال محادثات بين هند و مروان.. كان تيهدد فيها باش تسكت متقول والو.. شنو هو هاد "والو"؟ واش كان تيقصد على شنو وقع؟ و اصلا هي كانت عارفة هند شنو تدير تتصيفط تصاورها لمعتز و بهاد السباب طلبات منو يجري عليها.. و هادوك الادلة لي وراها خوها قبلما يموت واش كلشي كذوب؟

صفاء بعدات منهم: مبغيت نعرف والو!! ربحو ببعض..
معتز علا صوتو باش تسمعو حيت بعدات: نتي دابا غير تظلمينييي.. انا مستحييييل نخونك!

رؤوف خايف تضعاف و تيقو حيت متأكد بلي معتز غير تيلعب عليها

رؤوف تيترجاها بعينيه: صفاء! متيقيهش هو كداب..

التفريقة سالات و بداو تيخرجو من المقبرة طه شاف صفاء و معتز بقى واقف مدة.. سمير شافو فين تيشوف و هو يتعصب و هضر فوق خاطرو..

سمير: بغيتي تسلم على معتز؟
طه: لا!

كمل طريقو مع سمير و ركب هو لور و رؤيا القدم هي و سمير.. تحت انظار هيثم لي تعصب ديال بصح.. شايفهم صافي تيقو راسهم و نساو طريق الدار ولاو عايشين فالقصر بحجة الجنازة.. زير على يديه بغضب و عادشي كامل داز قدام عينين شاذية..

شاذية: هو خدا ليك ختك و نت خديتي ليه ختو.. الفلم سالا!!

#يتبع