خبايا الزمن

الجزء 244

خبايا الزمن 🥀
#بارت-244...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

احداث من الاجزاء 163 و 164

شاذية شافت فيه و ابتاسمات: فخبارك نت ذكي بزااف! ذكي على طفل عندو عشر سنين!! و لكن متنساش.. بلي هاد الذكاء ديالك غادي يرجع عليك بالخايب اي واحد من الناس لي عزازين عليك غادي تآديه.. يعني الى رديتي البال نبداو من ماماك ملي تنقول ماماك تنعني لي توجعات عليك و ولداتك من نهار عرفات راسها حاملة دخلات للحبس حتى انها ولداتك فالحبس و خاصك تشوف شحال تعذبات فغيابك.. كانو قالو ليها بلي تزاديتي صميت و بقات فالحبس هاد السنين كاملة فنظرك علاش؟؟
طه بتوثر: أنا أنا مدرت ليها واالو
شاذية ضحكات: شحال كيوت.. بصح نيت مدرتي والو بقا متيق هادشي.. نت تتآدي گاع الناس لي قراب ليك.. و عرفتي علاش جبتك هنا؟ باش ميتآدى تاشي حد منهم مزال.. نت فالداخل ديال عارف و متأكد بلي أحسن حاجة هي تبقى معايا باش متآدي تاشي حد و منهم راسك!!
طه مخنزر: نتي بغيتي غير تخلعني انا مدرت تاشي حاجة لتاشي حد!!
شاذية: اممم! الحياة شفتيها شحال غير عادلة؟ تتخليك تشك حتى فراسك!!
طه قاطعها مخنزر: نتي لي تتحاولي ديري هادشي و لكن مستحيل تهرسيني
شاذية بدات تتضحك: هههههه! تيق داكشي لي بغيتي لكن عمرك! عمرك غادي تقدر تبدل الحقيقة كلشي باين

نهاية لفلاش باك **

طه معرفش شنو يقول و فلخر قرر يهضر..

طه: ملي رجعنا للدار نهار عيد ميلادي نعست و ملي فقت حيت جاني لعطش و من بعد سمعتهم تي.. كا.. تيهضروووو (بدا تيمسح فعينيه لي تيهبطو ليه بالدموع) و من بعد معقلتش على راسي حتى تلاقيتها..
سمير: واش شاذية؟

طه حرك راسو بآه.. سمير توثر مقادرش يسول هاد السؤال و لكن مضطر يسولو..

سمير: و شاذية! وا بززات عليك دير شي حاجة؟ ولا عاملاتك خايب؟

طه هز كتافو و بدا تيبكي، سمير جرو لحضنو تيطبطب عليه و هو معصب من شاذية لأقصى درجة عارفها بلي غادي تكون دارت ليه شي حاجة، لكن قال بلي مبغاش يظلمها فلول داكشي علاش عاملها عادي.. أما دابا قفراتها من عندو مستحيل يدوزها ليها بالساهل..

بعد مرور يومان
فقصر عائلة البناني
بداو التحضيرات للحفل لي تقام على شرف طه حيت نجح.. أما مول الحفل باقي فالريف مزال مرجع بزز باش قدرو يتواصلو معاهم و يعلموهم بالحفلة.. لي غادي يحضرو ليها بجوج.. و لكن واش الحاج غادي يخلي سمير يدخل للقصر ولالا.. حيت عطا الامر بلي ملي يرجعو طه يدخل و سمير لا..

نمشيو عند رؤيا
تتعيط على محسن متيجاوبهاش مفهمات والو علاش حبس الهضرة ملي رجعات كان معولة تشوفو لكن والو.. قررات تمشي لعندو..
دازت مدة وصلات لعندو، دقات الباب و هو يتحل.. كان محسن لي حل ليها..

رؤيا: فين غابر؟
محسن: غير الخدمة و صافي

رؤيا دخلات و محسن سد الباب و تبعها..

رؤيا: هي الخدمة متخليكش تجاوب على ليزابيل دياولي ولا حتى تعيط ليا من بعد؟
محسن حك لحيتو و شاف فيها: نجيك من لخر ا رؤيا!
رؤيا خنزرات: شنو؟
محسن: خوك! قال ليا نبعد منك.. و بلي انا مخرجتكش من الخبس غير هكاك!
رؤيا باستهزاء: و خيت هو قال ليك بعد مني قررتي تبعد؟
محسن بجدية: انا غادي نكون واحد مكلخ الا مبعدتش عليك و وقفت فوجهو ا رؤيا! راه هيثم علوان هاداك! راه خوك و نتي تتعرفيه كثر مني.. نتي يقدر متيدير ليك والو و لكن انا يمحي ليا الأثر من هاد الدنيا و انا باقي حتى مدرت ثلاثين عام يرضيك نموت صغير؟
رؤيا: ياك! واخا! انا حسابي معاه من بعد.. و لكن صدمتيني فيك عمرني مظنيت غادي تكون خواف بحال هاكا!!

رؤيا دفعاتو و زادت عينيها عامرين بالدموع و هبطات لتحت كان مصطفى تيتسناها غير شافها حل الباب و هي تطلع..

رؤيا: ردني للقصر!

أما هيثم فكان شاد الطريق لدار سارة لي ولات رسميا ديالو.. و جمع رجالو خلاهم يحرسو الدار و تاشي حد ميبقى تماك.. حيت شاذية تاهي كانت حاطة رجالها تماك.. و لكن هيثم صيفط ليها ريوسا ديالهم فبواطات للدار ديالها..

****فلاش باك
كانت فدارها لي فالغابة حتى جاو الرجال ديالهم و حطو ليها بزااف ديال الكراطن..

شاذية: شنو هادشي؟
واحد من رجالها: معرفتش يلاه جاو ليوم ليك و معاهم هاد الرسالة..

شدات منو الرسالة و حلاتها..

#يتبع