خبايا الزمن

الجزء 314

خبايا الزمن 🥀
#بارت-314...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

جون فنفسو: سعداتو سمير! و لكن غادي نسيك فيه! خصوصا دابا ملي مات..

دخلات لعند محسن كانت آية رؤيا خنزرات فيها..

رؤيا: شكون نتي؟ و شنو تديري معاه؟
آية بلعات ريقها: انا! يعني جيت ياش نطمن عليه..
رؤيا: ياك شفتيه؟

آية حركات راسها بآه

رؤيا: و شنو باقة تديري هنايا؟ عائلتك مغاديش يتخلعو عليك؟

آية معجبهاش الحال كيفاش هضرات معاها رؤيا و هي تنوض مخنزرة.. و حتى رؤيا قابلاتها بتخنزيرة..

غير خرجات شافت فهيثم مخنزرة: شكون هاد القح*بة؟ مالها تتشوف فيا هاكا؟

هيثم غير تيشوف فرؤيا كيفاش تتخسر الهضرة قدامو و عادي..

هيثم: رؤيا! شنو تتقولي؟
رؤيا: اوووف!!

جلسات فواحد الكرسي و هيثم تيشوف فمحسن..

رؤيا: كيفاش حتى وقع ؟
هيثم حط يديه على كتافها: واحد كان بغا يتيري فيا شافو دفعني باش متجيش فيا و هي تجي فيه..
رؤيا: اوووه! هي نتا لي خاص تكون فبلاصتو؟
هيثم: رؤيا! شنو تتقولي..
رؤيا: شكون ديك (بلعات ريقها و كملات هضرتها بطنز) ديك البنت لي مزيانة..
هيثم مخنزر: راه بديتي تتعداي حدودك! متنسايش بلي أنا خوك لكبير..
رؤيا بغضب: و علاش مدخلها لهنا؟ واش مخايفش تكون دارت ليه شي حاجة ولا تحاول تقتلو؟ شنو تتعرف عليها؟ واش انا لي غادي نقول ليك هادشي؟ برا كاين واحد لي تيحاول يقتل فينا واش عارف؟
هيثم: رؤيا! هاد البنت خت لمياء! صاحبتك.. لي خوها غدرني..
رؤيا غير تتشوف: كيفاش؟ و شنو علاقتها بمحسن؟ ولا بك؟ يعني علاش هي هنا؟
هيثم ابتاسم: بغيت غير شي نهار نقول ليك شي جملة و تفهميني بلاما نعاودها مليون مرة..
رؤيا بعصبية: حيت نت كن قلتي ديك الجملة مقادة كنت غادي نفهمها و هي طايرة..
هيثم: تتبغي محسن! داكشي علاش جات.. بيناتهم شي حاجة باينة..
رؤيا بعدم فهم: شنو؟ ديك البرهوشة و محسن؟ (بسخرية) لا علاقة!! شوف هي كيف دايرة و شوف هو كيف دايرة.. هو حسن منها..

هيثم حرك راسو بلا حول و هي توسع عينيها بالصدمة..

رؤيا: اجي! يكما نتا لي لاقيتيهم؟
هيثم: علاش غادي نلاقيهم؟
رؤيا بلعات ريقها: بعدو على الانتقام ديالك ا هيثم.. محسن خاصو يبقى بعيد براكة غير السنين لي بقى بعيد علينا و تربى فالميتم متزيدش تضغط عليه ولا تخرب حياتو!
هيثم بطنز: نتي ديريها قد راسك و من بعد نصحيني!!
رؤيا: شنو درت؟
هيثم مخنزر: من نيتك؟ و مزال تتسولي؟ ولدك كيفاش حتى تزاد؟
رؤيا بلعات ريقها: داكشي ماضي نساه.. و أصلا سمير كان تيبغيني و كنا غادين نتزوجو كن مدخلتش للحبس!
هيثم: أصلا دابا فات الحال على هادشي ياك؟ نتي مغاديش تعاودي تشوفيه مرة خرى.. ولا حتى ولدك غادي يعاود يشوف باه!!

رؤيا غير تتشوف فيه عينيها مغرغرين و كمل هضرتو..

هيثم: عرفتي علاش أ رورو؟ حيت سمير مبقاش ليه وجود! سمير مات..
رؤيا قلبها تزير: كذااب!! نت نت كذااااب...
هيثم بقا تيشوف فيه مخنزر: فين عمري كذبت عليك؟ شنو ناوية تبكي على واحد حبلك و خلاك؟
رؤيا ناض من بلاصتها بعصبية و عينيها تيدمعو: هو مخلاانييييش!! عمرووو دااارها.. هو تيبغيني!!
هيثم زير على يديه: داكشي علاش تزوج و نساك؟
رؤيا بالغوات: براااااااكة!! سكككككككت... نت كذااااب!! سمير ممااااتش.. انا ! (مسحات دموعها و شافت فيه بحقد) ما حدي باقي عايشة و باقي قلبي تيضرب.. فسمير باقي عايش!!
هيثم بهدوء: حاولي تواسي راسك بهادشي!! لكن الحقيقة عمرها غادي تبدل.. و متتسناينيش نترحم على واحد عيشك فالذل و خلاك تبكي من وراه.. ديها فولدك! راه مبقيتيش صغيرة..

رؤيا بحالا تصرفقات تنفس ديالها ضياق و شداتها الدوخة و هي طيح حتى شدها من خصرها و هي بزز شادة فيه باش مطيحش..

رؤيا: رؤيا لسمير! و سمير لرؤيا.. ملي غادي تبغي عاد غادي تحس بيا.. شنو معنى الحب..

#يتبع