خبايا الزمن 🥀
#بارت-397...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀نمشيو عند معتز،
باقي تحت التحقيق، صفاء عطات الافادة ديالها.. فخصوص شنو وقع مع طه.. شدو جميع الناس لي متورطين فهادشي حتى من رؤيا و سمير عيطو عليهم غير هما بسباب لي وقع ممشاوش..معتز تيضرب الحديد: خرجووووووني من لهناااااا! (تيضرب بيديه بكل قوتو) يلاه شنوووو تتسنااااو بزااااف هادشي !! بغييييت محاميييي علااش مجبتوهش ليااا؟
جا واحد من البوليس: شنو بااغي مالك دايما مصدعنا؟
معتز بغضب: هادي لي تديرو فيها جريمة! معندكش الحق تحبسوني هنا!! معندكم تاشي دليل ضدي متتخليوني لا نعيط لشي حد ولا حتى جبتو ليا المحامي.. هادو بجوج حقوق ديالي..
البوليسي بسخرية: هادشي كاين غير فعقلك! المجرمين معندهمش حقوق..
معتز بالغوات: انااااا مااااشي مجرررم فهمها...البوليسي مشا وخلاه تيتقلى فسمو و تيغوت ربي لي خلقو باش يخرج من تماك..
محسن عيط لهيثم حتى هو يسول عليه.. حيت رؤيا و هيثم متيجاوبوهش بالمرة.. مزال رؤيا تيطل عليها مرة مرة عارفها فين كاينة.. عكس هيثم لي تاشي حد معارف بقضية دار سارة من غير شاذية و اسماء لي كتبات ليه الدار باسمو..
هيثم: لاش معيط
محسن بطنز: عاش من سمع صوتك!
هيثم: قلت ليك شنو بغيتي؟
محسن: مهم! بغيت غير نسول فيك و ناخد رونديفو..
هيثم: علاش؟
محسن: بغيت نشوفك! واقلة من حقي نشوف خويا؟هيثم غير تيشوف مكفاتوش شاذية لي لاصقة فيه بالليل و بالنهار تزاد عليه حتى هادا..
هيثم: ممساليش دابا!
محسن: هيثم حتال ايمتى غادي تبقى هاكا؟ ياك كنتي ناوي تنتاقم منو؟ ها هو دابا مات و هنا..
هيثم بعصبية: تنحذرك ا محسن.. آخر مرة تهضر على طارق هاكا!!!هيثم قطع معاه معصب..
قصر بناني،
كانو مجموعين فالجردة.. صفاء و رؤوف..صفاء: انا صافي قررت
رؤوف: الا بغيتي انا نعاود نهضر مع يوسف يعني مستحيل ترجعي ليه..
صفاء بقلق: هو ماشي شي حد خايب! آه خانني و محاملاش شنو دار ليا و مكرهتش نطلق منو و لكن اني نتمنى يموت ولا يموت بسبابي لا! مستحيل هادشي يوقع
رؤوف بجدية: طلبي مني لي بغيتي الا نخرجو حيت هادشي مستحيل يوقع
صفاء: علاش مستحيل ؟؟
رؤوف بغضب: هو راه ضارب البنت شنو نقول ليهم خرجوه؟ واش انا ملقيت ميدار؟ مشفتيش وجهها ديك المرة كيف كان؟
صفاء بعصبية: و باش عرفتي بلي هو لي رجع ليها وجهها هكاك؟رؤوف عصباتو ناض هاز يديه 🙌🏻 تيشوف فيها بصدمة..
رؤوف: معندي منقول ليك من غير ديري العز لراسك!!
نمشيو عند محسن،
وصل للقصر ديال عبد العزيز، و طلع متاجه لجناح رؤيا لي كانت فالبالكو و عينيها حمرين دليل على انها كانت تتبكي.. دق عليها مجاوباتوش..محسن: رؤيا! حلي الباب..
بدون جواب.. و زاد دق مرة خرا..
محسن: راه غادي ندخل ا رؤيا حلي هاد الباب خلاص!
والو مسمع من عندها والو.. و هو يدخل.. تيدور عينيه مبانتش ليه فالجناح حتى شاف خيالها فالبالكو.. تمشى لتماك لقاها جالسة و ساهية جلس فجنبها..
محسن: رورو! مالكي؟
رؤيا دارت لعندو شافت فيه ورجعات شافت قدامها..
محسن: شنو لي مقلقك لهاد الدرجة؟
رؤيا ضحكات باستهزاء: مرضيتيش البال؟ غير تيموتو؟ حياتي كاملة و انا هاكا.. سارة مشات.. و دابا طارق.. انا وحدة منحوسة..
محسن ابتاسم: هي حتى انا غادي نموت؟رؤيا صدمها بجوابو و هي تعنقو و بدات تتبكي.. بادلها العناق تيطبطب عليها.. محسن عارف بلي ختو قاسات بزااف فهاد الحياة خصوصا السنين لي دازو عليها و هي فالحبس، و دابا هي تتحسن بلي الكل تيموت بشوية بشوية.. بعد عليها..
محسن: هادا هو الوقت لي توقفي مع صاحبتك.. يلاه نوضي تلبسي و خرجي من لهنا..
رؤيا بحزن: بغيت نبقى بوحدي!
محسن: و لكن ميمكنش.. ولدك محتاج ليك!
رؤيا: تنواعدك غادي نخرج غير هي ماشي ليوم..نمشيو عند طه،
كان تيحل فرموز ديال الكتاب حتى رن ميساج من تيليفونو.. هزو تيشوف فيه كان من باه.."ماماك باقي ناعسة؟"
و هو يجاوبو ديك الساعة
"لا"
رجع للرموز تيحل فيهم مبقاش ليه بزااف غير جوج ورقات و يسالي.. اما محسن خرج من عند رؤيا، و قرر يزور حتى هيثم.. بدا تيصوني عليه باش يعرفو فين كاين و ملي مجاوبوش عيط على احمد..
محسن: بغيتك تلقى ليا فين كاين واحد النمرة..
احمد: صيفط ليا !
محسن: مكرهتش تصيفطها ليا دابا!
احمد: انحاول غير صيفط..محسن قطع معاه صيفط ليه النمرة ديال هيثم و بقى تيتسنى..
هيثم هبط لتحت بانت ليه شاذية جالسة.. و غير شافتو تاجهات لعندو.. و هي تعنقو..
#يتبع
أنت تقرأ
خبايا الزمن
Mystery / Thrillerتقديم 🙋🏻♀️جيت ليوم و جايبة ليكم الجديد قصة جديدة لي نتمنى تنال الاعجاب ديالكم🥰🥰 من بعد نجاح قصتنا "حب نتيجة خطأ طبي" قررنا نكتبو قصة جديدة بجوج بعنوان: ⏳خبايا الزمن⏳ بقلم: Lay Lã & Sarah Sarrita القصة ما طويلة ما قصيرة لكن تتجمع بين 💥#الحب �...