خبايا الزمن

الجزء 308

خبايا الزمن 🥀
#بارت-308...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

شاذية: مغاديش تشرحها و تشوفها علاش و كيفاش ماتت؟
الموظف: انا ماشي طبيب! غير مسؤول هنايا و تنقيد الجثث لي تيجيو..
شاذية ببرود: غلط! نت طبيب ديال التشريح معروف و غادي تعلمني كيفاش تيتشرحو الجثث..

الموظف غير تيشوف فيها و هي تحط ليه الموس فعنقو و خشاتو شوية حتى تجرح وسال الد•م حس برعشة طلعات معاه من اخمس قدميه لشعر راسو لي شوك من حر الجرحة..!

الموظف[ بنبرة مرعودة خارجة من حلقو]: الله يخليليك ما اعز عندك متقتلينيش..
شاذية ببراءة شيرات لأيمن: ما أعز عندي مات..
الموظف عينيه غرغرو او حس بالخلعة ديال بصح كايشوف راسو فاي لحظة غايودع وعلاش لا وهو قدام بسيكوباطة تقدر تشرب من دمو بدم بارد

"الله يرحمو! الله يصبرك.."

شاذية: دابا واش غادي دير داكشي لي قلت ليك؟
الموظف: سمحيليا متنعرفش انا غير

شاذية قاطعاتو ملي خشات فيه الموس فكتفو وتسمع صوت أنين ديالو
هضرات بهمس و هي مبتاسمة مطلعة حاجب بشوفات مكايبشروش ابذا بالخير..!

شاذية: اي حاجة تتقولها شاذية خاصها تتبطق! (و زادت غرسات الموس كثر) مخاصكش تهضر بزااف حرك يديك..

الموظف تيتأوه بصمت و خايف منها بزااف خصوصا ملي عرف بلي راها نيت تقدر تقتلو.. جرات الموس من كتفو و دارت ليه الاشارة باش يبدا..
وبدون سابق إنذار ولا يزيد يخمم كتر مشا متاجه للجثة باش يشرح فيها.. و تخيلو الجثة ديال شكون؟ ديال الحاج البناني جدها.. الموظف خدا الأدوات و بدا تيدير داكشي لي تيعرف.. و هي مبتاسمة تتشوف فيه و بزز صابر على الحريق ديال كتفو لي تينزف..

دازت مدة
الموظف شداتو الدوخة و هي تشد فيه مخلوعة و كان الجسد ديال الحاج كولو محلول من القدام..

شاذية دارت راسها مخلوعة و هي تبدا تبعد بشوية بشوية حتى حلات الباب.. و خلاتو مشرع و رجعات لعندو..

شاذية: حشومة عليك!! شنو تدير؟؟
الموظف بزز تيشوف قدامو دار عندها: شنو؟ نتي لي قلتي ليا!
شاذية خنزرات فيه او بصوت شبه عالي تكلمات قايلة: لا! نت عندك عقل باش تفكر.. نت واحد معندكش الانسانية.. علاش درتي هادشي لجدي؟ شنو دار ليك؟ (علات صوتها و شداتو من الكول و هضرات بالجهد) علااااااش؟

على اثر غواتها دخل واحد الطبيب و تفاجأ بشنو شاف خصوصا و هو عارف بلي الموظف معندوش الحق يدير هادشي..

شاذية شافت فالطبيب و كاتمتل دور الحفيدة لي بقا فيها جدها لي فهاد الحالة: انا غادي نرفع عليكم دعوة... انا غادي نسد لكن هاد المشفى.. شكون نتوما لي ديرو هاد الحالة فجدي؟
الطبيب: شنو واقع هنايا
الموظف وجهو بياض بالخلعة: ماشي انا انا!
الطبيب: سمحيلينا غير سمعينا!!
شاذية بحقد و لاعبة الدور ديال بصح: ماشي انا لي غادي نسمعكم.. المحكمة.. هي لي غادي تسمعكم و قولو ليها علاش درتو لجدي هادشي...

شاذية دفعات الطبيب بالجهد و هي تخرج من تما عاقدة حجبانها
•الطبيب شنق على الموظف بعصبية عاقد ملامح وجهو ل باين عليهم الوقار

الطبيب: شنو تتحاول دير؟
الموظف بزز شاد راسو: راه! ه

سخف ليه فيديه..

قصر مرابط...
فجناح طه
كان جالس و غير تيفكر فشنو وقع مع الناس لي فقصر البناني؟ و شوية تفكيرو وصل لسارة.. ناض من بلاصتو و تنهد جاه الملل.. حتى من الشطرنج معندوش و هي طيح عليه فكرة باش يدور شوية فالقصر و بالضبط فالأجنحة.. و فعلا هادشي لي دار، خرج من جناحو و بدا تيتمشى و تيشوف فالاجنحة بدون ميدخل ليهم.. من بعد و هو يزعم و حل أول جناح لي كان الجناح القديم ديال رؤيا.. كان الجناح خاوي، مبقاش فيه بزااف داز لجناح لي حداه كان ديال هيثم، دخل ليه و بدا تيدور فيه و تيكتاشفو.. عجبو بزااف، و تاجه للفوطويات فين كاين الشطرنج و بدا تيلعب مع راسو و هو مبتاسم..

بقى مدة تماك عاد خرج منو مساخيش باللعبة لي تيحماق عليها.. و هو يحل واحد الجناح لكن مبغاش يتحل ليه.. و تاجه للجناح آخر لي حلو.. كان ديال سارة، شاف صورة ديال سارة مع رؤيا تماك، ابتاسم و من بعد بدا تيقلب فالدريسيگ لي كان خاوي.. لكن رد لبال لواحد المجر لي ماشي بحال لخرين.. جميع المجورة لي تماك غارقين من غير واحد لي من برا السمك غليط لكن بحالا غير الثلث لي كاين لداخل.. هادشي جاب ليه الشك خصوصا ملي كتاشف بلي بحال هاد المجر كاينين منو جوج خرين.. خرج المجورة كلهم من بلايصهم و بدا تيضرب بيهم فالأرض باش يحيد الشكوك ديالو بلي كاينة شي حاجة مخبية..

#يتبع