خبايا الزمن

الجزء 269

خبايا الزمن 🥀
#بارت-269...🍷
بقلمي ✍🍷... Sarah sarrita
عندما التقيا... لم يكن الزمن صالحا للحب 🥀

بالنسبة لمحسن
فهاد المدة بقا تيفكر فشنو طلب منو هيثم.. انو ينتاقم من طارق عند طريق ختو.. و ملي قلب عليها تصدم.. حيت فايت شايفها بزااف ديال المرات..

محسن: انا ماشي هاكا!!

حسن بالخنقة خصوصا ملي فهم من هيثم بلي الطريقة الوحيدة باش يبين ليه بلي مناويش ينتاقم، و بلي هادشي لي دار فدارو على قبل رؤيا.. هو يتفلى على اية خت طارق..

محسن: هي معندهاش ذنب!!

بقا مدة ساكت تيفكر عاد هضر بحالا جاوب راسو

محسن: حتى رؤيا مكانش عندها تاشي ذنب..

محسن حاول يقنع راسو بهادشي.. و قنع راسو بلي غيطبق شنو قال ليه هيثم.. قلبو تزير عليه لكن خاصو يديرها على قبل ينتاقم من رؤيا و باش يبين لهيثم بلي هو معاه ماشي ضدو..

نرجعو لدار سارة..

هيثم و شاذية شافو فبعض.. شاذية باقي محتافظة بالابتسامة ديالها اما هو غير مخنزر.. شاذية بقات غير تتحقق فيه طلعو و تهبطو واش فعلا هادا هو نفس الشخص لي قطع الريوسا و صيفطهم ليها؟ حسات بالحماس داخلها.. خصوصا ملي شافت الضربة لي عندو فجبهتو.. اما هو غير تيخنزر فيها..

هيثم: هي نتي لي كنتي حاضية الدار؟
شاذية: آه!

هيثم مخنزر و معصب فنفس الوقت حيت غير تتبتاسم فوجهو هادشي بالضبط مرضو

هيثم: بأي حق تحطي رجالك فداري؟
شاذية مبتاسمة: هادي ماشي دارك! و انا تندير لي بغيت
هيثم بسخرية: لي بغيتي نتي ولا لي بغا جدك؟

شاذية بقات غير تتشوف فيه.. هيثم مفهمش شوفاتها ليه واش هادي هبيلة من الصباح و هي تتفرنس

شاذية بصوت عذب: هيثم علوان!

لحنات سميتو و هو تيحاول من تحاركاتها يفهم شنو تحت راسها..

شاذية: لي قدامك ماشي واحد من هادوك ريوسا لي قطعتي!! قدامك شاذية علوان بنفسها.. (بحماس) شحال متمنية نقتلك و نشوفك تتعذب و تتطلب مني نرحمك..
هيثم ضحكاتو: هههههههه! (بطنز) معنديش مع العنف و قلتها ليك فالرسالة..
شاذية شهقات: ميمكنش شحال زوين.. العنف هو احسن حاجة فالحياة.. (بتاسمات) خصوصا ملي تتشوف الخوف فالناس لي تتمارس عليهم العنف..

هيثم بانت ليه ماشي هي هاديك.. هو سمع عليها مختلة عقلية و لكن دابا عاد تأكد.. زير على يديه معصب كان باغي ينتاقم من سمير يخلي ختو تبغيه و ياخد ليها شرفها و يلوحها مخليها تتعذب.. و لكن دابا القضية صعابت عليه.. كيفاش غادي يخليه وحدة مختلة تطيح فحبو؟ و لاحظ بلي ملي جات و هي تتشوف فيه و تتشرح ليه على الموت و القتل و التعذيب و العنف.. و هي طيح ليه فبالو فكرة..

هيثم بتاسم بمكر: هي نتي تيعجبك تعذبي الناس؟ و تشوفي الخوف بعينيهم؟
شاذية: تماما!
هيثم: عمرك حسيت براسك نتي لي تتعذبي؟ ولا نتي لي باين الخوف فعينيك؟
شاذية هزات كتافها: و علاش غادي نخاف؟ شكون هادا لي يقدر يعذبني؟
هيثم مبتاسم: انا! عندي نفس تقكيرك! باغي نعذبك و نشوف الخوف فعينيك باش نجرب هادشي لي تتقولي ليا عليهم..
شاذية خنزرات فيه: جرب هادشي فختك! (خنزر فيها و هي تبتاسم و عرات ليه كرشها) شوف شنو دار فيا خويا.. و لكن مشافش الخوف فعيني.. يعني تقدر نت تشوف الخوف فعينين ختك..
هيثم غير تيشوف فهاد الكائن الغريب لي قدامو: لا! انا بغيت نجربو فيك..

قرب ليها كثر و كثر كانت تتهبط تريكو باش تغطي الجروح و هو يحبسها.. و نطق بهمس..

هيثم: هاد العداب لي غادي تعيشيه معايا من نوع آخر.. نتي بنفسك عمرك جربتيه..

شاذية غير تتشوف فيه بعدم فهم شنو بغا يقول..

هيثم: العداب ماشي جسدي..

شاذية: مكاينش شي
هيثم حط صبعو على فمها: شووووت.. فكري مزيان.. و الحماس لي غادي يجيك من بعد باش تعاودي تجربي كثر من اي حاجة خرا.. كثر حتى من انك تقطع شي حد طراف و تلوحو للكلاب ياكلوه..

#يتبع